ട്രെയിൻ ഗതാഗതത്തിൽ നിയന്ത്രണം; രണ്ട് സർവീസുകൾ ഭാഗികമായി റദ്ദാക്കി

തിരുവനന്തപുരം: മുംബൈ സി.എസ്​.എം.ടി-കല്യാൺ സെക്​ഷനിലെ ഗതാഗത നിയ​ന്ത്രണങ്ങളെ തുടർന്ന്​ രണ്ടു​​ ട്രെയിനുകൾ ഭാഗികമായി റദ്ദാക്കി. ശനിയാഴ്ച പുറപ്പെട്ട 16332 തിരുവനന്തപുരം-മുംബൈ സി.എസ്​.എം.ടി പ്രതിവാര എക്സ്​പ്രസ്​ പുണെയിൽ യാ​ത്ര അവസാനിപ്പിക്കും.

പുണെ മുതൽ മുംബൈ സി.എസ്​.എം.ടി വരെയുള്ള സർവിസ്​ ആണ്​ റദ്ദാക്കിയത്​. ഞായറാഴ്ച രാത്രി 8.35ന്​ മുംബൈയിൽ നിന്ന്​ പുറപ്പെടേണ്ട 16331 മുംബൈ-തിരുവനന്തപുരം പ്രതിവാര എക്സ്​പ്രസ്​ തിങ്കളാഴ്​​ച പുലർച്ച 12.20ന്​ പുണെയിൽ നിന്നാവും യാത്ര തുടങ്ങുക.

കായംകുളത്തിനും കളമശ്ശേരിക്കും ഇടയിൽ വിവിധ സെക്​ഷനുകളിലെ ട്രാക്ക്​ നവീകരണ ജോലികളെ തുടർന്ന്​ ഗാതാഗത നിയന്ത്രണം ഏർപ്പെടുത്തി. നവംബർ 20, 27, ഡിസംബർ നാല്​, 11, 14 തീയതികളിലെ 06769 എറണാകുളം-കൊല്ലം മെമു പൂർണമായും റദ്ദാക്കി.

ഡിസംബർ ഒമ്പത്​,11, 12, 14, 16, 18, 19, 21, 23, 25, 26, 28, 30 തീയതികളിലെ 06442 കൊല്ലം-എറണാകുളം മെമു ആലപ്പുഴയിൽ യാത്ര അവസാനിപ്പിക്കും. ആലപ്പുഴ മുതൽ എറണാകുളം വരെയുള്ള ഈ ട്രെയിനിന്‍റെ സർവിസാണ്​​ റദ്ദാക്കിയത്​.

ഡിസംബർ ഒന്നിനുള്ള ​16127 ചെന്നൈ-എഗ്​മോർ ഗുരുവായൂർ എക്സ്​പ്രസ്​ യാത്രാമധ്യേ ഒരു മണിക്കൂർ വൈകും.