തിരുവിതാംകൂർ ദേവസ്വം ബോർഡ്​ ക്ഷേത്രങ്ങളിലെ കാണിക്ക സ്വർണം നിക്ഷേപ പദ്ധതിയിലേക്ക്​ മാറ്റാൻ​ അനുമതി

കൊ​ച്ചി: തി​രു​വി​താം​കൂ​ർ ദേ​വ​സ്വം ബോ​ർ​ഡി​ന്​ കീ​ഴി​ലെ ക്ഷേ​ത്ര​ങ്ങ​ളി​ൽ കാ​ണി​ക്ക​യാ​യി ല​ഭി​ച്ച 535 കി​ലോ​യോ​ളം സ്വ​ർ​ണാ​ഭ​ര​ണ​ങ്ങ​ൾ എ​സ്.​ബി.​ഐ​യു​ടെ സ്വ​ർ​ണ നി​ക്ഷേ​പ പ​ദ്ധ​തി​യി​ലേ​ക്ക്​ മാ​റ്റാ​മെ​ന്ന്​ ഹൈ​കോ​ട​തി. അ​ഞ്ച് വ​ർ​ഷ​ത്തേ​ക്ക്​ സ്വ​ർ​ണം മാ​റ്റാ​നാ​ണ്​ ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് പി.​ജി. അ​ജി​ത്കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ബെ​ഞ്ച്​ അ​നു​മ​തി ന​ൽ​കി​യ​ത്. ശ​ബ​രി​മ​ല​യി​ല​ട​ക്കം 16 സ്ട്രോ​ങ് റൂ​മു​ക​ളി​ലാ​യി സൂ​ക്ഷി​ച്ച സ്വ​ർ​ണാ​ഭ​ര​ണ​ങ്ങ​ൾ ഉ​രു​ക്കി സ്വ​ർ​ണ​ക്ക​ട്ടി​ക​ളാ​ക്കി മാ​റ്റി​യാ​വും പ​ദ്ധ​തി​യി​ലേ​ക്ക്​ നി​ക്ഷേ​പി​ക്കു​ക. സ്വ​ർ​ണം എ​സ്.​ബി.​ഐ​യു​ടെ നി​ക്ഷേ​പ പ​ദ്ധ​തി​യി​ലേ​ക്ക്​ മാ​റ്റാ​ൻ അ​നു​മ​തി തേ​ടി തി​രു​വി​താം​കൂ​ർ ദേ​വ​സ്വം ബോ​ർ​ഡ്​ ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

പ്ര​തി​ഷ്ഠ​ക്ക്​ വേ​ണ്ടി​യു​ള്ള​തും പൗ​രാ​ണി​ക മൂ​ല്യ​മു​ള്ള​തു​മാ​യ ക്ഷേ​ത്രാ​വ​ശ്യ​ത്തി​നാ​യി ഉ​പ​യോ​ഗി​ക്കാ​തെ സൂ​ക്ഷി​ച്ചി​രി​ക്കു​ന്ന സ്വ​ർ​ണ​മാ​ണ് നി​ക്ഷേ​പ പ​ദ്ധ​തി​യി​ലേ​ക്ക്​ മാ​റ്റു​ന്ന​തെ​ന്നാ​ണ്​ ദേ​വ​സ്വം ബോ​ർ​ഡ് കോ​ട​തി​യെ അ​റി​യി​ച്ച​ത്. കേ​ന്ദ്ര സ​ർ​ക്കാ​റി​ന്‍റെ അ​നു​മ​തി​യോ​ടെ​യാ​ണ് എ​സ്.​ബി.​ഐ സ്വ​ർ​ണ നി​ക്ഷേ​പ പ​ദ്ധ​തി ന​ട​പ്പാ​ക്കു​ന്ന​ത്. സ്വ​ർ​ണ​ത്തി​ന്റെ നി​ല​വി​ലെ വി​ല ക​ണ​ക്കാ​ക്കി 2.25 ശ​ത​മാ​നം വാ​ർ​ഷി​ക പ​ലി​ശ ദേ​വ​സ്വം ബോ​ർ​ഡി​ന് ല​ഭി​ക്കും.