തിരുവിതാംകൂർ ദേവസ്വം ബോർഡ് കാൻറീനിൽ സസ്യാഹാരം മതിയെന്ന് നിർദേശം

തിരുവനന്തപുരം: തിരുവിതാംകൂർ ദേവസ്വം ബോർഡ് ആസ്ഥാനത്തെ കാൻറീനിൽ സസ്യാഹാരം നൽകിയാൽ മതിയെന്ന് സർക്കാർ നിർദേശം. ദേവസ്വം മന്ത്രി കടകംപള്ളി സുരേന്ദ്രനാണ് ഇതുസംബന്ധിച്ച നിർദേശം പുറപ്പെടുവിച്ചത്. സസ്യേതര വിഭവങ്ങൾ വിൽക്കുന്നുവെന്ന പരാതികളും ഇതിന്‍റെ പേരിൽ വർഗീയ സംഘർഷം ഉണ്ടാക്കാനുള്ള നീക്കവും കണക്കിലെടുത്താണ് മന്ത്രിയുടെ ഇടപെടൽ.