പ​ണ​മി​ല്ലാ​തെ ഖ​ജ​നാ​വ്; ട്ര​ഷ​റി ക്യൂ​വി​ലേ​ക്ക്​ മാ​റ്റി​യ ബില്ലുകൾ പാസാക്കുന്നത്​ ബജറ്റ്​ വിഹിതത്തിൽ നിന്ന്​

തി​രു​വ​ന​ന്ത​പു​രം: ഖ​ജ​നാ​വി​ൽ പ​ണ​മി​ല്ലാ​തി​രു​ന്ന​തി​നാ​ൽ ക​ഴി​ഞ്ഞ സാ​മ്പ​ത്തി​ക വ​ർ​ഷം ട്ര​ഷ​റി ക്യൂ​വി​ലേ​ക്ക്​ മാ​റ്റി​യ ബി​ല്ലു​ക​ൾ മാ​റി ന​ൽ​കു​ന്ന​ത്​ പു​തി​യ വ​ർ​ഷ​ത്തെ ബ​ജ​റ്റ്​ വി​ഹി​ത​ത്തി​ൽ​നി​ന്ന്. ഇ​തോ​ടെ ഇ​ക്കൊ​ല്ലം വ​കു​പ്പു​ക​ൾ​ക്ക്​ നീ​ക്കി വെ​ച്ച പ​ണം കു​റ​യും. ക്യൂ​വി​ലു​ള്ള ബി​ല്ലു​ക​ൾ ന​ൽ​കി​യ ശേ​ഷ​മു​ള്ള തു​ക​യു​ടെ പ​ദ്ധ​തി​ക്ക്​ മാ​ത്ര​മേ ഇ​ക്കൊ​ല്ലം ഭ​ര​ണാ​നു​മ​തി ന​ൽ​കൂ.

ഏ​ക​ദേ​ശം 1000 കോ​ടി​യോ​ളം രൂ​പ​യു​ടെ ബി​ല്ലു​ക​ൾ ഇ​ങ്ങ​നെ ക്യൂ​വി​ലു​ണ്ടെ​ന്നാ​ണ്​ സൂ​ച​ന. ട്ര​ഷ​റി ക്യൂ​വി​ലു​ള്ള ബി​ല്ലു​ക​ൾ​ക്ക്​ പ​ണം ന​ൽ​കു​മ്പോ​ൾ അ​ത്​ ഇ​ക്കൊ​ല്ല​ത്തെ പ​ദ്ധ​തി പ്ര​വ​ർ​ത്ത​ന​മാ​യി ക​ണ​ക്കാ​ക്കു​ക​യും ചെ​യ്യും. പു​തി​യ സാ​മ്പ​ത്തി​ക വ​ർ​ഷ​ത്തി​ലും സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​യി തു​ട​രു​ക​യാ​ണ്.

22-23ലെ ​ബി​ല്ലു​ക​ൾ ക്യൂ​വി​ലേ​ക്ക്​ മാ​റ്റാ​ൻ നി​ർ​ദേ​ശി​ച്ച്​ മാ​ർ​ച്ച്​ 14നാ​ണ്​​ ധ​ന​വ​കു​പ്പ്​ സ​ർ​ക്കു​ല​ർ പു​റ​പ്പെ​ടു​ച്ച​ത്. നി​ശ്ചി​ത സ​മ​യ പ​രി​ധി​ക്കു​ള്ളി​ൽ ട്ര​ഷ​റി​ക​ളി​ൽ സ​മ​ർ​പ്പി​ക്കു​ക​യും 22-23ൽ ​പാ​സാ​ക്കാ​ൻ ക​ഴി​യാ​തി​രി​ക്കു​ക​യും ചെ​യ്ത ത​ദ്ദേ​ശ സ്ഥാ​പ​ന​ങ്ങ​ളു​ടെ​യും സ​ർ​ക്കാ​ർ സ്ഥാ​പ​ന​ങ്ങ​ളു​ടെ​യും ബി​ല്ലു​ക​ളും ചെ​ക്കു​ക​ളും പു​തി​യ സാ​മ്പ​ത്തി​ക വ​ർ​ഷം മാ​റി ന​ൽ​കാ​മെ​ന്ന വ്യ​വ​സ്ഥ​യി​ലാ​ണ്​ ട്ര​ഷ​റി ക്യൂ​വി​ൽ ഉ​ൾ​പ്പെ​ടു​ത്തി​യ​ത്. ഇ-​സ​ബ്​​മി​റ്റ്​ ചെ​യ്ത ശേ​ഷം നേ​രി​ട്ട്​ ട്ര​ഷ​റി​ക​ളി​ൽ സ​മ​ർ​പ്പി​ച്ച ബി​ല്ലു​ക​ളി​ൽ പു​തി​യ ഭ​ര​ണാ​നു​മ​തി​യി​ല്ലാ​തെ​ത​ന്നെ 23-24ലെ ​ബ​ജ​റ്റ്​ വി​ഹി​ത​ത്തി​ൽ​നി​ന്നും തു​ക ന​ൽ​കാ​ൻ ധ​ന​വ​കു​പ്പ്​ അ​നു​മ​തി ന​ൽ​കി. ഈ ​ബി​ല്ലു​ക​ൾ​ക്ക്​ പു​തി​യ വ​ർ​ഷ​ത്തെ ബ​ജ​റ്റ്​ വി​ഹി​തം വി​നി​യോ​ഗി​ക്കു​ന്ന​തി​നാ​ൽ ഏ​തൊ​ക്കെ ബി​ല്ലു​ക​ൾ വീ​ണ്ടും സ​മ​ർ​പ്പി​ക്ക​ണ​മെ​ന്ന തീ​രു​മാ​നം വ​കു​പ്പു​ക​ൾ​ക്ക്​ വി​ട്ടു.

ക്യൂ​വി​ൽ​നി​ന്നും പു​ന​ർ​സ​മ​ർ​പ്പി​ക്കു​ന്ന ബി​ല്ലു​ക​ളു​ടെ തു​ക​ക്കു ശേ​ഷം ബാ​ക്കി​യു​ള്ള തു​ക​ക്ക്​ മാ​ത്ര​മേ ഇ​ക്കൊ​ല്ലം ഭ​ര​ണാ​നു​മ​തി ന​ൽ​കാ​ൻ പാ​ടു​ള്ളൂ​​വെ​ന്നും നി​ർ​ദേ​ശി​ച്ചി​ട്ടു​ണ്ട്.

നി​ശ്ചി​ത സ​മ​യ​ത്തി​ൽ നേ​രി​ട്ട്​ ബി​ല്ലു​ക​ൾ ന​ൽ​കു​ക​യും 22-23ൽ ​പാ​സാ​ക്കാ​ൻ ക​ഴി​യാ​ത്ത​തു​മാ​യ ട്ര​ഷ​റി ക്യൂ​വി​ൽ ഉ​ൾ​പ്പെ​ടു​ത്തി​യ ബി​ല്ലു​ക​ൾ 23-24ലെ ​അ​ലോ​ട്ട്​​മെ​ന്‍റി​ൽ ഔ​ട്ട​ർ ബി​ൽ ആ​യി പ്രി​ന്‍റ്​ എ​ടു​ത്ത്​ ട്ര​ഷ​റി​യി​ൽ ന​ൽ​ക​ണം. അ​ത്ത​രം ബി​ല്ലു​ക​ൾ ട്ര​ഷ​റി ഉ​ദ്യോ​ഗ​സ്ഥ​ർ നേ​ര​ത്തേ ക്യൂ​വി​ൽ ഉ​ള്ള ബി​ല്ലു​മാ​യി ചേ​ർ​ത്ത്​ പാ​സാ​ക്കി ന​ൽ​ക​ണം. ട്ര​ഷ​റി ക്യൂ​വി​ൽ ഉ​ൾ​പ്പെ​ടു​ത്തി​യ ചെ​ക്കു​ക​ൾ അ​ക്കൗ​ണ്ടി​ൽ പ​ണ​മു​ണ്ടെ​ങ്കി​ൽ ട്ര​ഷ​റി നി​യ​ന്ത്ര​ണ പ​രി​ധി​യി​ൽ​നി​ന്ന്​ ക്യൂ​വി​ലെ സീ​നി​യോ​റി​റ്റി പാ​ലി​ച്ചാ​ണ്​ മാ​റേ​ണ്ട​ത്.

ട്ര​ഷ​റി നി​യ​ന്ത്ര​ണ പ​രി​ധി​ക്ക്​ മു​ക​ളി​ലെ ബി​ല്ലു​ക​ൾ വെ​യ്​​സ്​ ആ​ൻ​ഡ്​​ മീ​ൻ​സ്​ ക്ലി​യ​റ​ൻ​സ്​ സ​ഹി​തം സ​മ​ർ​പ്പി​ക്കാ​ൻ നി​ർ​ദേ​ശി​ച്ച്​ മ​ട​ക്കും.

കാ​ലാ​വ​ധി ക​ഴി​ഞ്ഞ ചെ​ക്കു​ക​ൾ വീ​ണ്ടും സ​മ​ർ​പ്പി​ക്ക​ണം. ക​ഴി​ഞ്ഞ സാ​മ്പ​ത്തി​ക വ​ർ​ഷം ക്ലി​യ​റ​ൻ​സി​നാ​യി വേ​യ്​​സ്​ ആ​ന്‍റ്​ മീ​ൻ​സ്​ ക്യൂ​വി​ൽ ശേ​ഷി​ച്ച ബി​ല്ലു​ക​ൾ ബ​ന്ധ​പ്പെ​ട്ട ഡി.​ഡി.​ഒ​മാ​ർ​ക്ക്​ തി​രി​കെ ന​ൽ​കും. ട്ര​ഷ​റി ക്യൂ​വി​ൽ ഉ​ൾ​പ്പെ​​ട്ട 22-23 ലെ ​ബ​ജ​റ്റ്​ വി​ഹി​ത​ത്തി​ൽ​നി​ന്നു​ള്ള ബി​ല്ലു​ക​ളു​ടെ തു​ക ബ​ന്ധ​പ്പെ​ട്ട വ​കു​പ്പു ത​ല​വ​ന്മാ​ർ അ​ടി​യ​ന്ത​ര​മാ​യി സ​റ​ണ്ട​ർ ചെ​യ്യാ​നും ക്യൂ​വി​ലെ ബി​ല്ലു​ക​ൾ മാ​റു​മ്പോ​ൾ നി​യ​ന്ത്ര​ണ​ങ്ങ​ൾ ക​ർ​ശ​ന​മാ​യി പാ​ലി​ക്കാ​നും നി​ർ​ദേ​ശി​ച്ചി​ട്ടു​ണ്ട്.