സ്വർണക്കടത്ത്​: അഭിഭാഷകൻ ബിജു കീഴടങ്ങി

കൊച്ചി: തിരുവനന്തപുരം വിമാനത്താവളം വഴി എട്ട്​ കോടിയിലേറെ രൂപ വിലമതിക്കുന്ന 25 കിലോ സ്വർണം കടത്തിയ കേസിൽ മുഖ് യപ്രതിയായ അഭിഭാഷകൻ കീഴടങ്ങി. തിരുവനന്തപുരം കഴക്കൂട്ടം മാനക്കാട്ടുവിളാകം കരയിൽ വീട്ടിൽ അഡ്വ. ബിജുവാണ്​ കൊച്ചി പാലാരിവട്ടത്തെ ഡയറക്ടറേറ്റ് ഓഫ് റവന്യൂ ഇൻറലിജൻസ്​ (ഡി.ആർ.ഐ) ഒാഫിസിൽ വെള്ളിയാഴ്​ച രാവിലെ കീഴടങ്ങിയത്​. ​ൈവകീ​ട ്ടോടെ അറസ്​റ്റ്​ രേഖപ്പെടുത്തിയ പ്രതിയെ എറണാകുളം അഡീഷനൽ ചീഫ്​ ജുഡീഷ്യൽ മജിസ്​ട്രേറ്റി​​​െൻറ (സാമ്പത്തികം) വ സതിയിൽ ഹാജരാക്കി റിമാൻഡ്​​ ചെയ്​തു. ഇയാളെ കസ്​റ്റഡിയിൽ വിട്ടുകിട്ടാൻ ഡി.ആർ.​െഎ അടുത്തദിവസം കോടതിയിൽ അപേക്ഷ സമർപ്പിക്കും.

അതേസമയം, ബിജുവി​​​െൻറ ഭാര്യ വിനീത രത്​നകുമാരിക്ക്​ എറണാകുളം പ്രിൻസിപ്പൽ സെഷൻസ്​ കോടതി ഉപാധികളോടെ ജാമ്യം അനുവദിച്ചു. കഴിഞ്ഞ ​േമയ്​ 13നാണ്​ തിരുമല സ്വദേശിയായ കെ.എസ്.ആര്‍.ടി.സി കണ്ടക്ടര്‍ സുനില്‍കുമാര്‍ (45), സുഹൃത്ത് കഴക്കൂട്ടം വെട്ടുറോഡ് സ്വദേശിനി സെറീന ഷാജി (42) എന്നിവർ 25 കിലോ സ്വര്‍ണവുമായി വിമാനത്താവളത്തിൽ പിടിയിലായത്​. മസ്​കത്തിൽനിന്ന്​ വരുന്നതിനിടെ പിടിയിലായ ഇവരെ ചോദ്യം ചെയ്​തതിൽനിന്നാണ്​ വൻ സ്വർണക്കടത്ത്​ റാക്കറ്റിനെക്കുറിച്ച്​ വിവരം ലഭിച്ചത്​. സംഭവത്തിൽ കസ്​റ്റംസ്​ ഉദ്യോഗസ്​ഥര​ുടെ പങ്ക്​ വെളിപ്പെട്ടതോടെ സി.ബി.​െഎയും സമാന്തര അന്വേഷണം ആരംഭിച്ചിട്ടുണ്ട്​. സംഭവം പുറത്തുവന്നതിന്​ പിന്നാലെ ബിജു ഒളിവിൽ പോവുകയായിരുന്നു.

ബിജു കീഴടങ്ങുമെന്ന്​ ഹൈകോടതിയിൽ മുൻകൂർ ജാമ്യാപേക്ഷ പരിഗണിക്കുന്നതിനിടെ അഭിഭാഷകൻ അറിയിച്ചിരുന്നു. തുടർന്നാണ്​ രണ്ടാഴ്​ചക്കുശേഷം ബിജു നാടകീയമായി കീഴടങ്ങിയത്​. ഇയാളെ ചോദ്യം ചെയ്യുന്നതിലൂടെ കേസിലുൾപ്പെട്ട മറ്റുള്ളവരെക്കുറിച്ച്​ കൂടുതൽ വിവരങ്ങൾ ലഭിക്കുമെന്ന പ്രതീക്ഷയിലാണ്​ ഡി.​ആർ.​െഎ. ബിജുവി​​​െൻറ ഭാര്യ വിനീതയെ 14നാണ്​ ഡി.​ആർ.​െഎ അറസ്​റ്റ്​ ചെയ്​തത്​. നാല്​ തവണയായി 20 കിലോ സ്വർണം കടത്തിയതായി ഇവർ ഡി.​ആർ.​െഎയോടെ സമ്മതിച്ചിരുന്നു. അതേസമയം, 13ന്​ നടന്ന സ്വർണക്കടത്തിൽ ഇവർക്ക്​ പങ്കില്ലെന്നതും പത്തും, ആറും വയസ്സുള്ള രണ്ട്​ കുട്ടികളുടെ അമ്മയാണെന്നതും പരിഗണിച്ചാണ്​ കോടതി ഉപാധികളോടെ ജാമ്യം നൽകിയത്​. ഒരുലക്ഷം രൂപക്കും തുല്യ തുകക്കുള്ള രണ്ടാൾ ഉറപ്പിന്മേലുമാണ്​ ജാമ്യം. എല്ലാ ശനിയാഴ്​ചയും ഒമ്പതിനും 10നും ഇടക്കും അന്വേഷണ ഉദ്യോഗസ്​ഥൻ ആവശ്യപ്പെടു​േമ്പാഴും ഹാജരാവണമെന്നും വ്യവസ്​ഥയുണ്ട്​.

കൂടാതെ, എറണാകുളം ജില്ല വിട്ടുപോകരുത്​, പാസ്​പോർട്ടുണ്ടെങ്കിൽ കോടതിയിൽ സമർപ്പിക്കണം, സാക്ഷികളെ സ്വാധീനിക്കാനോ ഭീഷണിപ്പെടുത്താനോ ശ്രമിക്കരുത്​ തുടങ്ങിയ വ്യവസ്​ഥകളും നിഷ്​കർഷിച്ചിട്ടുണ്ട്​. അതേസമയം, കേസിൽ ഒളിവിൽ കഴിയുന്ന ഇടനിലക്കാരൻ തിരുവനന്തപുരം തിരുമല സ്വദേശി വിഷ്​ണു സോമസുന്ദരത്തി​​​െൻറ മുൻകൂർ ജാമ്യാപേക്ഷയും അറസ്​റ്റിലായ സെറീനയുടെ ജാമ്യാപേക്ഷയും കോടതി തള്ളി. ജാമ്യം നൽകുന്നത്​ അന്വേഷണത്തെ പ്രതികൂലമായി ബാധിക്കുമെന്ന വാദം പരിഗണിച്ചാണ്​ കോടതി ഉത്തരവ്​​. സ്വര്‍ണം കടത്തിയ കേസില്‍ കസ്​റ്റംസ് സൂപ്രണ്ട് വി.രാധാകൃഷ്ണൻ, പഴവങ്ങാടിയിലെ സ്വര്‍ണക്കടയുടമ ഹക്കീമി​​​െൻറ അക്കൗണ്ടൻറ്​ റാഷിദ്​ എന്നിവരെ നേരത്തേ ഡി.ആർ.​െഎ പിടികൂടിയിരുന്നു.