തിരുവനന്തപുരം വിമാനത്താവളം സ്വകാര്യവത്​കരണം: ഹരജികൾ ഹൈകോടതി തള്ളി

കൊ​ച്ചി: സ്വ​കാ​ര്യ​വ​ത്ക​ര​ണ​ത്തി​െൻറ ഭാ​ഗ​മാ​യി തി​രു​വ​ന​ന്ത​പു​രം വി​മാ​ന​ത്താ​വ​ളം ന​ട​ത്തി​പ്പ് അ​ദാ​നി ഗ്രൂ​പ്പി​ന് വി​ട്ടു​കൊ​ടു​ത്ത​തി​നെ​തി​രാ​യ ഹ​ര​ജി​ക​ൾ ഹൈ​കോ​ട​തി ത​ള്ളി. സം​സ്​​ഥാ​ന സ​ർ​ക്കാ​റും കേ​ര​ള സ്​​റ്റേ​റ്റ് ഇ​ന്‍ഡ​സ്ട്രി​യ​ല്‍ ഡെ​വ​ല​പ്​​മ​െൻറ്​ കോ​ര്‍പ​റേ​ഷ​ന്‍, എ​യ​ര്‍പോ​ര്‍ട്ട്​ അ​തോ​റി​റ്റി എം​പ്ലോ​യീ​സ് യൂ​നി​യ​ന്‍, മു​ൻ​മ​ന്ത്രി എം. ​വി​ജ​യ​കു​മാ​ര്‍ തു​ട​ങ്ങി​യ​വ​ര​ും ന​ല്‍കി​യ ഏ​ഴു ഹ​ര​ജി​ക​ളാ​ണ് ചീ​ഫ് ജ​സ്​​റ്റി​സ് എ​സ്. മ​ണി​കു​മാ​ര്‍, ജ​സ്​​റ്റി​സ് എ.​എം. ഷെ​ഫീ​ഖ് എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ത​ള്ളി​യ​ത്.

സം​സ്ഥാ​ന​ത്തി​ന് ന​ൽ​കി​യ ഉ​റ​പ്പ് ലം​ഘി​ച്ചാ​ണ് സ്വ​കാ​ര്യ​വ​ത്ക​ര​ണ​മെ​ന്നും അ​ദാ​നി ഗ്രൂ​പ്പു​മാ​യു​ള്ള ടെ​ൻ​ഡ​ർ ന​ട​പ​ടി​ക​ള​ട​ക്കം ദു​രു​പ​ദി​ഷ്​​ട​മാ​ണെ​ന്നു​മാ​യി​രു​ന്നു സ​ർ​ക്കാ​ർ വാ​ദം. എ​യ​ർ​പോ​ർ​ട്ട് അ​തോ​റി​റ്റി ആ​ക്ടി​ന് വി​രു​ദ്ധ​മാ​ണ്​ കൈ​മാ​റ്റ​മെ​ന്ന്​ പ്ര​ഖ്യാ​പി​ക്കു​ക, ടെ​ൻ​ഡ​ര്‍ ന​ട​പ​ടി​ക​ള​ട​ക്ക​മു​ള്ള രേ​ഖ​ക​ള്‍ റ​ദ്ദാ​ക്കു​ക തു​ട​ങ്ങി​യ​വ​യാ​യി​രു​ന്നു മ​റ്റ്​ ആ​വ​ശ്യ​ങ്ങ​ൾ. 1932ല്‍ ​തി​രു​വി​താം​കൂ​ര്‍ ന​ല്‍കി​യ 258.06 ഏ​ക്ക​റി​ലാ​ണ്​ വി​മാ​ന​ത്താ​വ​ളം നി​ര്‍മി​ച്ച​തെ​ന്നാ​ണ്​ സ​ർ​ക്കാ​ർ വാ​ദം.

ഈ ​ഭൂ​മി ഇ​പ്പോ​ഴും സ​ര്‍ക്കാ​ർ ഉ​ട​മ​സ്ഥ​ത​യി​ലാ​ണ്. 2003ല്‍ 27 ​ഏ​ക്ക​ര്‍ പ​ണം മു​ട​ക്കി ഏ​റ്റെ​ടു​ത്ത്​ സൗ​ജ​ന്യ​മാ​യി ന​ല്‍കി. ആ​കെ ഭൂ​മി​യി​ല്‍ 0.5756 ഹെ​ക്ട​ര്‍ മാ​ത്ര​മാ​ണ് അ​തോ​റി​റ്റി​ക്ക്​ സ്വ​ന്ത​മാ​യു​ള്ള​ത്. വി​മാ​ന​ത്താ​വ​ള ന​ട​ത്തി​പ്പി​നും വി​ക​സ​ന​ത്തി​നു​മാ​യി പ്ര​ത്യേ​ക ഉ​ദ്ദേ​ശ്യ​ത്തോ​ടെ​യു​ള്ള ക​മ്പ​നി​ക്ക്​ രൂ​പം ന​ല്‍കാ​മെ​ന്നും ഏ​റ്റെ​ടു​ക്കു​ന്ന ഭൂ​മി​യു​ടെ വി​ല സ​ര്‍ക്കാ​റി​​െൻറ ഓ​ഹ​രി​യാ​യി ക​ണ​ക്കാ​ക്കാ​മെ​ന്നു​മു​ള്ള ഉ​റ​പ്പു ലം​ഘി​ച്ചാ​ണ് സ്വ​കാ​ര്യ​വ​ത്​​ക​ര​ണ​മെ​ന്നും സ​ർ​ക്കാ​ർ ചൂ​ണ്ടി​ക്കാ​ട്ടി. എ​ന്നാ​ൽ, ഹ​ര​ജി​ക​ൾ നി​യ​മ​പ​ര​മാ​യി ഹൈ​കോ​ട​തി​യി​ൽ നി​ല​നി​ല്‍ക്കി​ല്ലെ​ന്ന്​ വ്യ​ക്​​ത​മാ​ക്കി ത​ള്ളു​ക​യാ​യി​രു​ന്നു.