​ട്രിവാൻഡ്രം ക്ലബ് 2.26 ഹെക്ടർ ഭൂമി സർക്കാറിലേക്ക്

തി​രു​വ​ന​ന്ത​പു​രം: ഗോ​ൾ​ഫ് ക്ല​ബ്​​ ഭൂ​മി​ക്ക്​ പി​ന്നാ​ലെ ത​ല​സ്ഥാ​ന​ത്തെ ​ട്രി​വാ​ൻ​ഡ്രം ക്ല​ബ്​​ ഭൂ​മി​യും സ​ർ​ക്കാ​റി​ലേ​ക്ക്. പ്ര​മു​ഖ​ർ അം​ഗ​ങ്ങ​ളാ​യ ട്രി​വാ​ൻ​ഡ്രം ക്ല​ബ്​ സ്ഥി​തി​ചെ​യ്യു​ന്ന വ​ഴു​ത​ക്കാ​ട്ടെ സ്ഥ​ലം തി​രി​ച്ചു​പി​ടി​ക്കാ​ൻ സ​ർ​ക്കാ​ർ ഉ​ത്ത​ര​വാ​യി. ഇ​തി​ന്റെ ഭാ​ഗ​മാ​യി ഭൂ​മി​യു​ടെ ത​ണ്ട​പ്പേ​ർ റ​ദ്ദാ​ക്കി. ഈ ​ഭൂ​മി​യു​ടെ അ​വ​കാ​ശം സ്ഥാ​പി​ക്കാ​നു​ള്ള പ്ര​മാ​ണം ഉ​ൾ​പ്പെ​ടെ​യു​ള്ള രേ​ഖ​ക​ൾ ഹാ​ജ​രാ​ക്കാ​ൻ ക്ല​ബ്​ അ​ധി​കൃ​ത​ർ​ക്ക് സാ​ധി​ക്കാ​ത്ത​തി​നെ​ത്തു​ട​ർ​ന്നാ​ണ് ന​ട​പ​ടി. യൂ​റോ​പ്യ​ൻ ക്ല​ബ്​ എ​ന്ന പേ​രി​ൽ 1900ത്തി​ന്റെ തു​ട​ക്ക​ത്തി​ൽ ആ​രം​ഭി​ച്ച ക്ല​ബി​ന് അ​ന്നു​മു​ത​ൽ ഭൂ​മി​യി​ൽ അ​വ​കാ​ശ​മു​ണ്ടെ​ന്ന ക്ല​ബ്​ അ​ധി​കൃ​ത​രു​ടെ വാ​ദം ത​ള്ളി​യാ​ണ് ത​ണ്ട​പ്പേ​ർ റ​ദ്ദാ​ക്കാ​ൻ സ​ർ​ക്കാ​ർ ന​ട​പ​ടി സ്വീ​ക​രി​ച്ച​ത്. നേ​ര​ത്തേ ഗോ​ൾ​ഫ് ക്ല​ബി​ന്റെ ഭൂ​മി സ​ർ​ക്കാ​ർ ഏ​റ്റെ​ടു​ത്തി​രു​ന്നു.

ശാ​സ്ത​മം​ഗ​ലം വി​ല്ലേ​ജി​ലെ ബ്ലോ​ക്ക് 65ൽ ​റീ​സ​ർ​വേ ന​മ്പ​ർ 14ലി​ലു​ള്ള 2.2560 ഹെ​ക്ട​ർ ഭൂ​മി​ക്ക് ട്രി​വാ​ൻ​ഡ്രം ക്ല​ബി​ന്റെ പേ​രി​ലു​ള്ള ത​ണ്ട​പ്പേ​ർ റ​ദ്ദാ​ക്കാ​നാ​ണ് സ​ർ​ക്കാ​ർ ഉ​ത്ത​ര​വ്. അ​ടി​യ​ന്ത​ര​മാ​യി ഉ​ത്ത​ര​വ് ന​ട​പ്പാ​ക്കി റി​പ്പോ​ർ​ട്ട് ന​ൽ​കാ​ൻ ലാ​ൻ​ഡ് റ​വ​ന്യൂ ക​മീ​ഷ​ണ​റോ​ട്​ ആ​വ​ശ്യ​പ്പെ​ട്ടി​ട്ടു​ണ്ട്.

ക്ല​ബി​ന്‍റെ ഭൂ​മി​യി​ൽ നി​കു​തി​യൊ​ടു​ക്കാ​നു​ള്ള (ബേ​സി​ക് ടാ​ക്‌​സ് ര​ജി​സ്റ്റ​ർ-​ബി.​ടി.​ആ​ർ) അ​വ​കാ​ശം മാ​ത്ര​മാ​ണ്​ ക്ല​ബി​നു​ള്ള​തെ​ന്ന്​ സ​ർ​ക്കാ​ർ പ​രി​ശോ​ധ​ന​യി​ൽ ക​ണ്ടെ​ത്തി. ബി.​ടി.​ആ​റി​ൽ ഉ​ൾ​പ്പെ​ട്ടി​ട്ടു​ണ്ടെ​ന്ന കാ​ര​ണ​ത്താ​ലോ കാ​ല​ങ്ങ​ളാ​യി നി​കു​തി അ​ട​യ്ക്കു​ന്നു​വെ​ന്ന കാ​ര​ണ​ത്താ​ലോ ഭൂ​മി​യു​ടെ​മേ​ൽ അ​വ​കാ​ശം സ്ഥാ​പി​ക്കാ​നാ​വി​ല്ലെ​ന്ന് മു​ൻ കോ​ട​തി ഉ​ത്ത​ര​വു​ക​ൾ പ​രാ​മ​ർ​ശി​ച്ചു​കൊ​ണ്ട് ഉ​ത്ത​ര​വി​ൽ ചൂ​ണ്ടി​ക്കാ​ട്ടി​യി​ട്ടു​ണ്ട്. ഭൂ​മി​യു​ടെ അ​വ​കാ​ശം സ്ഥാ​പി​ക്കാ​നാ​യി ക്ല​ബ്​ അ​ധി​കൃ​ത​ർ ഹാ​ജ​രാ​ക്കി​യ 1902ലെ ​ഒ​രു ക​രാ​റി​ൽ ഈ ​ഭൂ​മി താ​ൽ​ക്കാ​ലി​ക​മാ​യി വാ​ട​ക​ക്ക്​ സ്വ​ന്ത​മാ​ക്കി​യ​താ​ണെ​ന്ന് വ്യ​ക്ത​മാ​ക്കി​യി​ട്ടു​ള്ള​താ​യി സ​ർ​ക്കാ​ർ ക​ണ്ടെ​ത്തി. കൂ​ടാ​തെ 1940ൽ ​ചാ​ല സ​ബ്​ ര​ജി​സ്ട്രാ​ർ ഓ​ഫി​സി​ൽ ഡി​സ്റ്റി ചാ​ൾ​സ് ഹെ​ർ​ബ​ർ​ട്ട് റാ​ബി​ൻ​സ​ൺ, റി​ച്ചാ​ർ​ഡ് ജോ​ൺ ആ​ർ​ത​ർ മൂ​ർ എ​ന്നി​വ​ർ ചേ​ർ​ന്ന് ര​ജി​സ്റ്റ​ർ​ചെ​യ്ത ക​രാ​റി​ൽ ഈ ​ഭൂ​മി പ​ണ്ടാ​ര​പ്പാ​ട്ടം (സ​ർ​ക്കാ​ർ ഭൂ​മി) എ​ന്നും വ്യ​ക്ത​മാ​ക്കി​യി​ട്ടു​ണ്ട്. ഇ​തി​നു​പു​റ​മേ സ്വാ​ത​ന്ത്ര്യ​ത്തി​നു​മു​മ്പ് ​പ്ര​വ​ർ​ത്തി​ച്ചി​രു​ന്ന യൂ​റോ​പ്യ​ൻ ക്ല​ബി​ന്റെ പി​ന്തു​ട​ർ​ച്ചാ​വ​കാ​ശം 1991ൽ ​ര​ജി​സ്റ്റ​ർ ചെ​യ്ത ട്രി​വാ​ൻ​ഡ്രം ക്ല​ബി​ന് ല​ഭി​ക്കി​ല്ലെ​ന്നും സ​ർ​ക്കാ​ർ വി​ല​യി​രു​ത്തി.