ലിം​ഗ​മാ​റ്റ ശ​സ്​​ത്ര​ക്രി​യ: വി​ശ​ദീ​ക​ര​ണ​വു​മാ​യി തിരുവനന്തപുരം മെ​ഡി​ക്ക​ൽ കോ​ള​ജ്​

തി​രു​വ​ന​ന്ത​പു​രം: ലിം​ഗ​മാ​റ്റ ശ​സ്​​ത്ര​ക്രി​യ​യി​ൽ സാ​ഗ​റി​നെ പ​രീ​ക്ഷ​ണ​വ​സ്​​തു​വാ​ക്കി​യി​ട്ടി​ല്ലെ​ന്ന് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് പ്ലാ​സ്​​റ്റി​ക്​ സ​ർ​ജ​റി വി​ഭാ​ഗം  മേ​ധാ​വി. പ്ലാ​സ്​​റ്റി​ക് സ​ർ​ജ​റി രം​ഗ​ത്ത്  20 വ​ർ​ഷ​ത്തി​ലേ​റെ അ​നു​ഭ​വ​ജ്​​ഞാ​ന​മു​ള്ള വി​ദ​ഗ്ധ ഡോ​ക്ട​ർ​മാ​ര​ട​ങ്ങി​യ പാ​ന​ലാ​ണ് ലിം​ഗ​മാ​റ്റ ശ​സ്​​ത്ര​ക്രി​യ  ന​ട​ത്തി​യ​ത്.

തി​രു​വ​ന​ന്ത​പു​രം സ്വ​ദേ​ശി​നി​യും അ​വി​വാ​ഹി​ത​യു​മാ​യ 41കാ​രി സു​ഭ​ദ്ര (സാ​ഗ​ർ) 10 വ​ർ​ഷം മു​മ്പാ​ണ് ലിം​ഗ​മാ​റ്റ ശ​സ്​​ത്ര​ക്രി​യ​ക്കാ​യി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ  എ​ത്തി​യ​ത്. അ​ന്നു മു​ത​ൽ ഓ​രോ​ഘ​ട്ട​ത്തി​ലും ചി​കി​ത്സ​ക​ളും അ​ന​ന്ത​ര​ഫ​ല​ങ്ങ​ളു​മെ​ല്ലാം പ​റ​ഞ്ഞ്  ബോ​ധ്യ​പ്പെ​ടു​ത്തു​ക​യും സ​മ്മ​തം രേ​ഖാ​മൂ​ലം വാ​ങ്ങു​ക​യും  ചെ​യ്തി​രു​ന്നു. ലിം​ഗ​മാ​റ്റ ശ​സ്​​ത്ര​ക്രി​യ​യി​ലെ ഏ​റ്റ​വും പ്ര​ധാ​ന ഘ​ട്ട​മാ​യ ലിം​ഗ നി​ർ​മാ​ണം (ഫ​ലോ​പ്ലാ​സ്​​റ്റി സ​ർ​ജ​റി) വി​ജ​യ​ക​ര​മാ​യി​രു​ന്നു.

ആ​ശു​പ​ത്രി​യി​ൽ​നി​ന്ന്​ സാ​ഗ​ർ ഡി​സ്​​ചാ​ർ​ജ് ആ​യ​ശേ​ഷ​മാ​ണ് ജ​നു​വ​രി 25ന് ​ലിം​ഗ​മാ​റ്റ ശ​സ്​​ത്ര​ക്രി​യ വി​ജ​യ​ക​ര​മെ​ന്ന് പ​റ​ഞ്ഞ് മെ​ഡി​ക്ക​ൽ കോ​ള​ജ് വാ​ർ​ത്താ​ക്കു​റി​പ്പ് ന​ൽ​കി​യ​ത്. മാ​ർ​ച്ച്​ ഒ​മ്പ​തി​ന്​  ട്രാ​ൻ​സ്​ മെ​യി​ൽ സ​ർ​ട്ടി​ഫി​ക്ക​റ്റ്​ ന​ൽ​കി.  ഈ ​സ​ർ​ട്ടി​ഫി​ക്ക​റ്റ് വാ​ങ്ങി​യ ശേ​ഷ​മാ​ണ്  മാ​ധ്യ​മ​ങ്ങ​ൾ​ക്ക് മു​ന്നി​ലെ​ത്തി സാ​ഗ​ർ വ്യാ​ജ​പ്ര​ചാ​ര​ണം ന​ട​ത്തു​ന്ന​തെ​ന്ന്​ തി​രു​വ​ന​ന്ത​പു​രം​ മെ​ഡി​ക്ക​ൽ കോ​ള​ജ്​ ആ​ശു​പ​ത്രി പു​റ​ത്തി​റ​ക്കി​യ വാ​ർ​ത്താ​ക്കു​റി​പ്പി​ൽ പ​റ​യു​ന്നു.