ട്രോ​ളി​ങ് നി​രോ​ധ​നം അ​വ​സാ​നി​ച്ചു; ബോ​ട്ടു​കാ​ർ തെ​ക്ക​ൻ ജി​ല്ല​ക​ളി​ലേ​ക്ക്

ചാ​വ​ക്കാ​ട്: സം​സ്ഥാ​ന സ​ര്‍ക്കാ​ര്‍ യ​ന്ത്ര​വ​ത്കൃ​ത മ​ത്സ്യ​ബ​ന്ധ​ന ബോ​ട്ടു​ക​ള്‍ക്ക് ഏ​ര്‍പ്പെ​ടു​ത്തി​യ ട്രോ​ളി​ങ് നി​രോ​ധ​നം ബു​ധ​നാ​ഴ്ച അ​ർ​ധ​രാ​ത്രി അ​വ​സാ​നി​ച്ച​തോ​ടെ മ​ത്സ്യ​ബ​ന്ധ​ന ബോ​ട്ടു​ക​ൾ പ്ര​തീ​ക്ഷ​ക​ളു​ടെ പു​തി​യ തീരം തേ​ടി തെ​ക്ക​ൻ ജി​ല്ല​ക​ളി​ലേ​ക്ക് പു​റ​പ്പെ​ട്ടു. മു​ന​ക്ക​ക്ക​ട​വ് ഹാ​ര്‍ബ​റി​ലെ 50ഓ​ളം ബോ​ട്ടു​ക​ളി​ൽ​നി​ന്ന് പ​ത്തി​ൽ താ​ഴെ​യു​ള്ള ബോ​ട്ടു​കാ​രാ​ണ് ആ​ല​പ്പു​ഴ​യി​ലെ കാ​യം​കു​ള​ത്തേ​ക്കും കൊ​ല്ലം ജി​ല്ല​യി​ലെ നീ​ണ്ട​ക​ര, ശ​ക്തി​കു​ള​ങ്ങ​ര ഹാ​ര്‍ബ​റു​ക​ളി​ലേ​ക്കും പു​റ​പ്പെ​ട്ട​ത്. ബാ​ക്കി​യു​ള്ള​വ​രി​ൽ പ​ല​രും വെ​ള്ളി​യാ​ഴ്ച ഉ​ച്ച​ക്കു​ശേ​ഷം പു​റ​പ്പെ​ടും. ജി​ല്ല​യു​ടെ പ​ടി​ഞ്ഞാ​റ​ന്‍ ഭാ​ഗ​ത്തെ ക​ട​ലി​ല്‍ മ​ത്സ്യ​ല​ഭ്യ​ത കു​റ​വാ​യ​തി​നാ​ല്‍ ഈ ​സീ​സ​ണ്‍ മ​റ്റു ജി​ല്ല​ക​ളി​ല്‍ ചെ​ല​വ​ഴി​ച്ച് സെ​പ്റ്റം​ബ​ര്‍ മാ​സ​ത്തോ​ടെ​യാ​ണ് ഇ​നി മ​ട​ക്കം.

അ​മേ​രി​ക്ക​യി​ലേ​ക്ക് ചെ​മ്മീ​ൻ ക​യ​റ്റു​മ​തി നി​ല​ച്ച​തോ​ടെ ക​ടു​ത്ത പ്ര​തി​സ​ന്ധി​യി​ലാ​ണ് മ​ത്സ്യ​മേ​ഖ​ല. കൊ​ച്ചി കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന ക​യ​റ്റു​മ​തി സ്ഥാ​പ​ന​ങ്ങ​ൾ അ​ട​ച്ചു​പൂ​ട്ട​ലി​ന്റെ വ​ക്കി​ലാ​ണ്. മു​ന​ക്ക​ക്ക​ട​വ് ഫി​ഷ് ലാ​ൻ​റി​ങ് സെ​ന്റ​ർ കേ​ന്ദ്രീ​ക​രി​ച്ച് പ​ണി​യെ​ടു​ക്കു​ന്ന സ്വ​ദേ​ശി​ക​ളാ​യ ബോ​ട്ടു​കാ​ർ​ക്കും 1000ഓ​ളം വ​രു​ന്ന അ​നു​ബ​ന്ധ​തൊ​ഴി​ലാ​ളി​ക​ള്‍ക്കും ക​ഷ്ട​പ്പാ​ടി​ന്റെ ദി​ന​രാ​ത്ര​ങ്ങ​ളാ​യി​രു​ന്നു ഇ​ക്ക​ഴി​ഞ്ഞ ര​ണ്ട് മാ​സ​ത്തോ​ളം. മൊ​ത്തം 52 ദി​വ​സം ക​ഴി​ഞ്ഞ് പ​തി​വ് പോ​ലെ ജൂ​ലൈ 31ന് ​അ​ർ​ധ​രാ​ത്രി​യി​ലാ​ണ് ബോ​ട്ടു​ക​ൾ ക​ട​ലി​ലി​റ​ക്കി​യ​ത്. തു​ട​ർ​ച്ച​യാ​യു​ണ്ടാ​ക്കു​ന്ന കാ​ലാ​വ​സ്ഥാ മു​ന്ന​റി​യി​പ്പു​ക​ക്കു​ക​ളും ക​ട​ൽ​ക്ഷോ​ഭ​വും കാ​ര​ണം ട്രോ​ളി​ങ് നി​രോ​ധ​ന​ത്തി​നു കു​റേ ദി​വ​സ​ങ്ങ​ൾ​ക്ക് മു​മ്പ് ത​ന്നെ മു​ന​ക്ക​ക്ക​ട​വി​ൽ​നി​ന്ന് ബോ​ട്ടു​ക​ളി​റ​ക്കാ​ൻ ക​ഴി​യാ​ത്ത സാ​ഹ​ച​ര്യ​ങ്ങ​ളാ​യി​രു​ന്നു.

ക​ട​ലി​ൽ ചാ​ക​ര​ക്കോ​ള് എ​ന്ന് പ​റ​യാ​മെ​ങ്കി​ലും മു​ന​ക്ക​ക്ക​ട​വി​ൽ നി​ന്ന് ബോ​ട്ടു​ക​ൾ പോ​കു​ന്ന​തോ​ടെ വീ​ണ്ടും പ്ര​യാ​സ​ത്തി​ലാ​കു​ന്ന​ത് അ​നു​ബ​ന്ധ തൊ​ഴി​ലാ​ളി​ക​ളാ​ണ്. പ​ല​രും ട്രോ​ളി​ങ് നി​രോ​ധ​ന​ത്തി​നു​മു​മ്പു ത​ന്നെ മ​റ്റു തൊ​ഴി​ല്‍ തേ​ടി പ​ല​ഭാ​ഗ​ങ്ങ​ളി​ലേ​ക്കും പോ​യി​ക്ക​ഴി​ഞ്ഞി​രു​ന്നു. ഇ​വ​രി​ല്‍ ബോ​ട്ടു​കാ​ര്‍ പി​ടി​ച്ചു​കൊ​ണ്ടു​വ​രു​ന്ന ചെ​മ്മീ​നും മീ​നും മ​റ്റു വ​സ്തു​ക്ക​ളു​മൊ​ക്കെ വേ​ര്‍തി​രി​ക്കു​ന്ന ജോ​ലി​യു​മാ​യി​ക്ക​ഴി​യു​ന്ന 150 ഓ​ള​മു​ള്ള സ്ത്രീ​ക​ള്‍ മ​റ്റു തൊ​ഴി​ലു​ക​ളി​ല്ലാ​തെ വ​ള​രെ ക​ഷ്ട​പ്പാ​ടി​ലാ​ണ്.