വർഷത്തിൽ രണ്ട്​ അക്കാദമിക്​ സെഷൻ; നടപ്പാക്കാൻ പ്രതിബന്ധങ്ങൾ ഏറെ

തി​രു​വ​ന​ന്ത​പു​രം: ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ വ​ർ​ഷ​ത്തി​ൽ ര​ണ്ടു ത​വ​ണ വി​ദ്യാ​ർ​ഥി പ്ര​വേ​ശ​നം ന​ട​ത്തു​ന്ന രീ​തി ന​ട​പ്പാ​ക്കു​ന്ന​തി​ന്​ പ്ര​തി​ബ​ന്ധ​ങ്ങ​ൾ ഏ​റെ. അ​ടി​സ്ഥാ​ന സൗ​ക​ര്യ​ങ്ങ​ളും അ​ധ്യാ​പ​ക​രും ഉ​ൾ​പ്പെ​ടെ​യു​ള്ള​വ ഇ​ര​ട്ടി​യാ​ക്കേ​ണ്ടി വ​രു​ന്ന​താ​ണ്​ പ്ര​ധാ​ന വെ​ല്ലു​വി​ളി. വി​ദേ​ശ സ​ർ​വ​ക​ലാ​ശാ​ല​ക​ൾ പി​ന്തു​ട​രു​ന്ന രീ​തി ന​ട​പ്പാ​ക്കാ​ൻ സ്വ​കാ​ര്യ സ്ഥാ​പ​ന​ങ്ങ​ൾ മു​ന്നോ​ട്ടു​വ​രു​മെ​ങ്കി​ലും സ​ർ​ക്കാ​ർ, എ​യ്​​ഡ​ഡ്​ സ്ഥാ​പ​ന​ങ്ങ​ൾ​ക്ക്​ ത​ട​സ്സ​ങ്ങ​ളേ​റെ​യാ​കും.

വി​ദേ​ശ സ​ർ​വ​ക​ലാ​ശാ​ല​ക​ളി​ൽ സ​മ്മ​ർ, വി​ന്‍റ​ർ സെ​ഷ​ൻ എ​ന്ന​നി​ല​യി​ലാ​ണ്​ ര​ണ്ടു​ ത​വ​ണ പ്ര​വേ​ശ​നം ന​ട​ത്തു​ന്ന​ത്. മ​റ്റു​ രാ​ജ്യ​ങ്ങ​ളി​ൽ​നി​ന്നു​ള്ള വി​ദ്യാ​ർ​ഥി​ക​ളെ കൂ​ടി ല​ക്ഷ്യ​മി​ട്ടാ​ണ്​ വി​ദേ​ശ സ​ർ​വ​ക​ലാ​ശാ​ല​ക​ൾ ഈ ​രീ​തി ന​ട​പ്പാ​ക്കു​ന്ന​ത്. ര​ണ്ട്​ സെ​ഷ​നി​ൽ പ്ര​വേ​ശ​നം ന​ട​ക്കു​ന്ന​തോ​ടെ മു​ഴു​വ​ൻ കോ​ഴ്​​സു​ക​ൾ​ക്കും ഇ​ര​ട്ടി ബാ​ച്ചു​ക​ളു​ണ്ടാ​കും. 10 കോ​ഴ്​​സു​ള്ള സ്ഥാ​പ​ന​ത്തി​ൽ ഓ​രോ കോ​ഴ്​​സി​നും വ്യ​ത്യ​സ്ത സെ​മ​സ്റ്റ​ർ ബാ​ച്ചു​ക​ളാ​ണ്​ ഒ​രേ​സ​മ​യ​മു​ണ്ടാ​വു​ക. പു​തി​യ രീ​തി ന​ട​പ്പാ​ക്കു​ന്ന​തോ​ടെ ഓ​രോ കോ​ഴ്​​സി​നും നി​ല​വി​ലു​ള്ള​തി​ന്‍റെ ഇ​ര​ട്ടി ബാ​ച്ചു​ക​ളാ​യി വ​ർ​ധി​ക്കും. ഇ​തി​ന്​ കൂ​ടു​ത​ൽ ക്ലാ​സ്​ മു​റി​ക​ൾ, ലാ​ബ്​ സൗ​ക​ര്യ​ങ്ങ​ൾ ഉ​ൾ​പ്പെ​ടെ അ​ടി​സ്ഥാ​ന സൗ​ക​ര്യ​ങ്ങ​ൾ ആ​വ​ശ്യ​മാ​യി വ​രും. അ​ധ്യാ​പ​ക​രു​ടെ എ​ണ്ണ​വും വ​ർ​ധി​പ്പി​ക്കേ​ണ്ടി​വ​രും.

സ​ർ​ക്കാ​ർ, എ​യ്​​ഡ​ഡ്​ കോ​ള​ജു​ക​ളി​ൽ ക്ലാ​സ്​ മു​റി​ക​ളും അ​ധ്യാ​പ​ക​രു​ടെ എ​ണ്ണ​വും വ​ർ​ധി​പ്പി​ക്കാ​ൻ പ്ര​യാ​സം ഏ​റെ​യാ​യി​രി​ക്കും. പൊ​തു​മേ​ഖ​ലാ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ മാ​റി​നി​ന്നാ​ൽ പു​തി​യ രീ​തി​യു​ടെ ഗു​ണ​മെ​ടു​ക്കു​ന്ന​ത്​ സ്വ​കാ​ര്യ സ്ഥാ​പ​ന​ങ്ങ​ളാ​യി​രി​ക്കും. ഒ​ട്ടേ​റെ സ്വ​കാ​ര്യ അ​ൺ​എ​യ്​​ഡ​ഡ്​ കോ​ള​ജു​ക​ൾ ഇ​തി​ന​കം നാ​കി​ന്‍റെ ഉ​യ​ർ​ന്ന ഗ്രേ​ഡും സ്വ​യം​ഭ​ര​ണ പ​ദ​വി​യും നേ​ടി പ്ര​വ​ർ​ത്തി​ക്കു​ന്നു​ണ്ട്​. ഈ ​സ്ഥാ​പ​ന​ങ്ങ​ൾ​ക്കും ര​ണ്ട്​ സെ​ഷ​നി​ൽ പ്ര​വേ​ശ​നം ന​ട​ത്തി കൂ​ടു​ത​ൽ വി​ദ്യാ​ർ​ഥി​ക​ളെ പ്ര​വേ​ശ​നം ന​ട​ത്താ​നും സാ​ധി​ക്കും.

കേ​ര​ള​ത്തി​ൽ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്​ അ​നു​മ​തി ന​ൽ​കു​ന്ന​തി​ന്​ ധാ​ര​ണ​യാ​വു​ക​യും ക​ര​ട്​ ബി​ൽ ത​യാ​റാ​ക്കു​ക​യും ചെ​യ്തി​ട്ടു​ണ്ട്. നി​ല​വി​ലു​ള്ള ജൂ​ലൈ -ആ​ഗ​സ്റ്റ്​ സെ​ഷ​ന്​ പു​റ​മെ, ജ​നു​വ​രി -ഫെ​ബ്രു​വ​രി സെ​ഷ​നി​ൽ കൂ​ടി വി​ദ്യാ​ർ​ഥി പ്ര​വേ​ശ​നം ന​ട​ത്താ​ൻ അ​നു​മ​തി ന​ൽ​കു​ന്ന​താ​ണ്​ യു.​ജി.​സി തീ​രു​മാ​നം.

പ്ര​ഖ്യാ​പ​ന​ത്തി​ൽ മു​ന്നി​ൽ; ഫ​ണ്ടി​ങ്ങി​ൽ യു.​ജി.​സി​ക്ക്​ മൗ​നം

തി​രു​വ​ന​ന്ത​പു​രം: ര​ണ്ട്​ സെ​ഷ​നി​ൽ വി​ദ്യാ​ർ​ഥി പ്ര​വേ​ശ​ന​ത്തി​ന്​ അ​നു​മ​തി ന​ൽ​കു​മ്പോ​ഴും ഉ​ന്ന​ത​വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കു​ള്ള ഫ​ണ്ടി​ങ്ങി​ൽ മൗ​നം പാ​ലി​ച്ച്​ യു.​ജി.​സി. പു​തി​യ​രീ​തി ന​ട​പ്പാ​ക്കു​മ്പോ​ൾ സ​ർ​വ​ക​ലാ​ശാ​ല​ക​ൾ​ക്കും കോ​ള​ജു​ക​ൾ​ക്കും അ​ടി​സ്ഥാ​ന സൗ​ക​ര്യ​മൊ​രു​ക്കാ​നും അ​ധ്യാ​പ​ക നി​യ​മ​ന​ത്തി​നും വ​ൻ സാ​മ്പ​ത്തി​ക ബാ​ധ്യ​ത വ​രും.

സൗ​ക​ര്യ​മൊ​രു​ക്കാ​ൻ ക​ഴി​ഞ്ഞി​ല്ലെ​ങ്കി​ൽ സ​ർ​ക്കാ​ർ, എ​യ്​​ഡ​ഡ്​ മേ​ഖ​ല​യി​ലു​ള്ള സ്ഥാ​പ​ന​ങ്ങ​ൾ ര​ണ്ട്​ സെ​ഷ​ൻ രീ​തി ന​ട​പ്പാ​ക്കു​ന്ന​തി​ൽ പി​റ​കോ​ട്ട​ടി​ക്കും. ഇ​തു സ്വ​കാ​ര്യ സ്ഥാ​പ​ന​ങ്ങ​ൾ​ക്ക്​ നേ​ട്ട​മാ​യി മാ​റും. ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കു​ള്ള ഫ​ണ്ടി​ങ്ങി​ൽ യു.​ജി.​സി സ​മീ​പ​കാ​ല​ത്ത്​ വ​ൻ വെ​ട്ടി​ക്കു​റ​വ്​ വ​രു​ത്തി​യി​ട്ടു​ണ്ട്.