അങ്കമാലി അർബൻ സഹ. സംഘത്തിലെ തട്ടിപ്പ്; രണ്ട് ഭരണസമിതി അംഗങ്ങൾ അറസ്റ്റിൽ

അ​ങ്ക​മാ​ലി: അ​ർ​ബ​ൻ സ​ഹ​ക​ര​ണ സം​ഘ​ത്തി​ൽ ന​ട​ന്ന 96 കോ​ടി രൂ​പ​യു​ടെ വാ​യ്പ ത​ട്ടി​പ്പു​മാ​യി ബ​ന്ധ​പ്പെ​ട്ട് ഭ​ര​ണ​സ​മി​തി അം​ഗ​ങ്ങ​ളാ​യി​രു​ന്ന ര​ണ്ടുപേ​രെ ക്രൈം​ബ്രാ​ഞ്ച് അ​റ​സ്റ്റ് ചെ​യ്തു. കാ​ല​ടി സ്വ​ദേ​ശി ടി.​പി. ജോ​ർ​ജ്, മ​ഞ്ഞ​പ്ര സ്വ​ദേ​ശി സെ​ബാ​സ്റ്റ്യ​ൻ മാ​ട​ൻ എ​ന്നി​വ​രെ​യാ​ണ് തൃ​പ്പൂ​ണി​ത്തു​റ ക്രൈം​ബ്രാ​ഞ്ച് ഡി​വൈ.​എ​സ്.​പി റോ​യി വ​ർ​ഗീ​സ് അ​റ​സ്റ്റ് ചെ​യ്ത​ത്. മ​റ്റ് ഭ​ര​ണ​സ​മി​തി അം​ഗ​ങ്ങ​ളു​ടെ​യും അ​റ​സ്റ്റ് ഉ​ട​നു​ണ്ടാ​കും. വ്യാ​ജ പ്ര​മാ​ണ​ങ്ങ​ൾ ഈ​ട് ന​ൽ​കി​യും വ്യാ​ജ​രേ​ഖ​ക​ൾ ച​മ​ച്ചും തെ​റ്റി​ദ്ധ​രി​പ്പി​ച്ചും കോ​ടി​ക​ൾ ത​ര​പ്പെ​ടു​ത്തി​യ​ശേ​ഷം ഇ​തു​വ​രെ ഒ​ന്നും തി​രി​ച്ച​ട​ക്കാ​ത്ത​വ​രും അ​റ​സ്റ്റി​ലാ​കും.

അ​റ​സ്റ്റി​ലാ​യ ജോ​ർ​ജ്, സെ​ബാ​സ്റ്റ്യ​ൻ മാ​ട​ൻ എ​ന്നി​വ​രെ സ​ഹ​ക​ര​ണ സം​ഘം ജി​ല്ല ജോ. ​ര​ജി​സ്ട്രാ​ർ സ​ഹ​ക​ര​ണ സം​ഘം ച​ട്ടം 44 (1) (സി) ​പ്ര​കാ​രം അ​യോ​ഗ്യ​രാ​ക്കി ക​ഴി​ഞ്ഞ ദി​വ​സം ഉ​ത്ത​ര​വി​റ​ക്കി​യി​രു​ന്നു. അ​യോ​ഗ്യ​നാ​ക്ക​പ്പെ​ട്ട മ​റ്റൊ​രാ​ൾ വൈ​ശാ​ഖ് എ​സ്. ദ​ർ​ശ​നാ​ണ്. ഇ​യാ​ൾ ഒ​ളി​വി​ലാ​ണ്. വാ​യ്പ​യെ​ടു​ത്ത് ദീ​ർ​ഘ​കാ​ലം ക​ഴി​ഞ്ഞി​ട്ടും തി​രി​ച്ച​ട​ക്കാ​തെ കു​ടി​ശ്ശി​ക വ​രു​ത്തി​യ​തി​നാ​ലാ​ണ് മൂ​വ​ർ​ക്കും അ​യോ​ഗ്യ​ത ക​ൽ​പി​ച്ച​ത്. ടി.​പി. ജോ​ർ​ജി​ന് 2.5 കോ​ടി​യും വൈ​ശാ​ഖി​ന് 40 ല​ക്ഷ​വും എം.​വി. സെ​ബാ​സ്റ്റ്യ​ന് 26.5 ല​ക്ഷ​വു​മാ​ണ് വാ​യ്പ കു​ടി​ശ്ശി​ക. ക​ഴി​ഞ്ഞ ഭ​ര​ണ​സ​മി​തി പി​രി​ച്ചു​വി​ട്ടും പു​തി​യ അ​ഡ്മി​നി​സ്ട്രേ​റ്റി​വ് ക​മ്മി​റ്റി​യെ നി​യ​മി​ച്ചും സ​ഹ​ക​ര​ണ സം​ഘം ജി​ല്ല ജോ​യ​ന്‍റ്​ ര​ജി​സ്ട്രാ​ർ ജ​ന​റ​ൽ ചൊ​വ്വാ​ഴ്ച ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്നു.

ആ​ധാ​ര​ത്തി​ന്‍റെ പ​ക​ർ​പ്പ് മാ​ത്രം ഉ​ൾ​ക്കൊ​ള്ളി​ച്ചും പ്രാ​യ​പൂ​ർ​ത്തി​യാ​കാ​ത്ത വി​ദ്യാ​ർ​ഥി​ക​ളു​ടെ പേ​രി​ലും ഒ​രേ വ​സ്തു​വി​ന്മേ​ൽ ഒ​രേ വീ​ട്ടി​ൽ താ​മ​സി​ക്കു​ന്ന നാ​ലു​പേ​രു​ടെ വ​രെ പേ​രി​ലും മ​രി​ച്ച​യാ​ളു​ടെ പേ​രി​ലും വാ​യ്പ ന​ൽ​കി​യി​ട്ടു​ണ്ട്. ക​ഴി​ഞ്ഞ മാ​ർ​ച്ച് വ​രെ 120 കോ​ടി​യു​ടെ വാ​യ്പ​യാ​ണ് ബാ​ക്കി നി​ൽ​ക്കു​ന്ന​തെ​ങ്കി​ലും 96 കോ​ടി​യു​ടെ വാ​യ്പ​ക​ളും വ്യാ​ജ​മാ​ണ്. ഒ​രു​വി​ധ​ത്തി​ലും ഈ​ടാ​ക്കി​യെ​ടു​ക്കാ​ൻ സാ​ധി​ക്കാ​ത്ത 33 കോ​ടി​യു​ടെ വാ​യ്പ​ക​ളു​മാ​ണു​ള്ള​ത്.