അ​ഞ്ചു​വ​ർ​ഷ​ത്തി​നു​ള്ളി​ൽ ര​ണ്ട് ദു​ര​ന്ത​ങ്ങ​ൾ; ബ​ന്ധു​ക്ക​ളെ​യോ​ർ​ത്ത് വി​തു​മ്പി ഫ​സ​ലു​ദ്ദീ​ൻ

മ​നാ​മ: വ​യ​നാ​ടി​നെ ത​ക​ർ​ത്തെ​റി​ഞ്ഞ ര​ണ്ട് ഉ​രു​ൾ​പൊ​ട്ട​ൽ ദു​ര​ന്ത​ത്തി​നും ഇ​ര​യാ​യ കു​ടും​ബ​മാ​ണ് ഫ​സ​ലു​​ദ്ദീ​ന്റേ​ത്. 2019 ലു​ണ്ടാ​യ പു​ത്തു​മ​ല ദു​ര​ന്ത​വും ഇ​പ്പോ​ഴ​ത്തെ മു​ണ്ട​ക്കൈ ദു​ര​ന്ത​വും ത​ക​ർ​ത്തെ​റി​ഞ്ഞ​ത് ത​ന്റെ ബ​ന്ധു​ക്ക​ളെ​യൊ​ന്നാ​കെ​യാ​ണെ​ന്ന് ബ​ഹ്റൈ​നി​ലു​ള്ള ഫ​സ​ലു​ദ്ദീ​ൻ പ​റ​യു​ന്നു. മേ​പ്പാ​ടി​യി​ൽ​നി​ന്ന് ഫ​സ​ലു​ദ്ദീ​ന്റെ സ​ഹോ​ദ​രി​യെ വി​വാ​ഹം ചെ​യ്ത​യ​ച്ച​ത് പു​ത്തു​മ​ല​യി​ലേ​ക്കാ​യി​രു​ന്നു.

അ​ന്ന​ത്തെ ദു​ര​ന്ത​ത്തി​ൽ അ​ളി​യ​ൻ ജ​ലീ​ലി​ന്റെ വീ​ടും വ​സ്തു​വ​ക​ക​ളു​മെ​ല്ലാം നാ​മാ​വ​ശേ​ഷ​മാ​യി. പെ​ങ്ങ​ളും അ​ളി​യ​ന്റെ കു​ടും​ബ​വും അ​ന്ന് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. ജീ​വി​ത​കാ​ലം മു​ഴു​വ​ൻ സ്വ​രു​ക്കൂ​ട്ടി​യു​ണ്ടാ​ക്കി​യ സ​മ്പ​ത്തൊ​ന്നാ​കെ ന​ഷ്ട​പ്പെ​ട്ടു. കു​റെ​ക്കാ​ലം അ​ളി​യ​നും കു​ടും​ബ​വും വാ​ട​ക​വീ​ടു​ക​ളി​ൽ ക​ഴി​ഞ്ഞു.

അ​തി​നു​ശേ​ഷം ഫ​സ​ലു​ദ്ദീ​ന്റെ വീ​ടി​ന​ടു​ത്ത് ചെ​മ്പോ​ത്ര​യി​ൽ സ​ന്ന​ദ്ധ സം​ഘ​ട​ന​ക​ൾ വീ​ട് നി​ർ​മി​ച്ച് ന​ൽ​കി. അ​തി​ൽ താ​മ​സി​ച്ചു വ​രു​മ്പോ​ഴാ​ണ് ഇ​പ്പോ​ൾ അ​ടു​ത്ത ദു​ര​ന്ത​മു​ണ്ടാ​യ​ത്. ഇ​ര​ക​ളാ​യ​ത് ജ​ലീ​ലി​ന്റെ പെ​ങ്ങ​ൾ ഷ​ബ്ന​യും ഭ​ർ​ത്താ​വ് ഷം​സു​വും ര​ണ്ട് പി​ഞ്ചു​മ​ക്ക​ളും.

ഇ​വ​രു​ടെ ഒ​രു മ​ക​ൾ ഷം​ഹ മാ​ത്ര​മാ​ണ് ര​ക്ഷ​പ്പെ​ട്ട​ത്. കു​ട്ടി ഇ​പ്പോ​ൾ ആ​ശു​പ​ത്രി​യി​ൽ സു​ഖം പ്രാ​പി​ച്ചു​വ​രു​ന്നു. ഉ​രു​ൾ​പൊ​ട്ട​ലി​ന്റെ പ്ര​ഭ​വ സ്ഥാ​ന​ത്തി​ന​ടു​ത്ത് മു​ണ്ട​ക്കൈ​യ്ക്കു മു​ക​ളി​ലാ​യി പു​ഞ്ചി​രി​മ​ട്ട​ത്താ​യി​രു​ന്നു അ​വ​രു​ടെ വീ​ട്. ഈ ​കു​ടും​ബ​ത്തി​ന്റെ വീ​ട​ട​ക്കം ആ ​പ്ര​ദേ​ശം ത​ന്നെ ഇ​ല്ലാ​താ​യി. ഷ​ബ്ന​യു​ടെ മൃ​ത​ദേ​ഹം മാ​ത്ര​മാ​ണ് ഇ​തു​വ​രെ കി​ട്ടി​യ​ത്. ഷം​സു​വി​ന്റെ​യും ര​ണ്ട് മ​ക്ക​ളു​ടേ​യും മൃ​ത​ദേ​ഹ​ങ്ങ​ൾ ല​ഭി​ച്ചി​ട്ടി​ല്ല.

രാ​ത്രി​യി​ൽ ഉ​രു​ൾ​പൊ​ട്ട​ലു​ണ്ടാ​യ​ത​റി​ഞ്ഞ് ഫ​സ​ലു​ദ്ദീ​ന്റെ അ​ളി​യ​ൻ ജ​ലീ​ൽ ചെ​മ്പോ​ത്ര​യി​ൽ​നി​ന്ന് പു​ത്തു​മ​ല​യി​ലേ​ക്ക് എ​ത്തി​യി​രു​ന്നു. പാ​ല​വും റോ​ഡും ത​ക​ർ​ന്ന​തി​നാ​ൽ നോ​ക്കി​നി​ൽ​ക്കാ​നേ ക​ഴി​ഞ്ഞു​ള്ളൂ. രാ​ത്രി​ത​ന്നെ അ​ളി​യ​ൻ വി​ളി​ച്ച് ഇ​ക്കാ​ര്യ​മ​റി​യി​ച്ചെ​ന്നും ആ ​ഞെ​ട്ട​ൽ ഇ​തു​വ​രെ വി​ട്ടു​മാ​റി​യി​ട്ടി​ല്ലെ​ന്നും ഫ​സ​ലു​ദ്ദീ​ൻ പ​റ​ഞ്ഞു. ​​മു​ഹ​റ​ഖി​ലെ റെ​ഡി​മെ​യ്ഡ് ഷോ​പ്പി​ൽ ജീ​വ​ന​ക്കാ​ര​നാ​യ ഫ​സ​ലു​ദ്ദീ​ൻ 10 വ​ർ​ഷ​മാ​യി ബ​ഹ്റൈ​ൻ പ്ര​വാ​സി​യാ​ണ്.