സം​സ്ഥാ​ന​ത്ത്​ ആ​ദ്യ കോ​വി​ഡ്​ കേസ് റി​പ്പോ​ർ​ട്ട്​ ചെ​യ്തി​ട്ട്​ ര​ണ്ടാ​ണ്ട്

തി​രു​വ​ന​ന്ത​പു​രം: ജ​ന​ജീ​വി​ത​ത്തെ പി​ടി​ച്ചു​ല​ച്ച കോ​വി​ഡ്​ സം​സ്ഥാ​ന​ത്ത്​ ആ​ദ്യ​മാ​യി റി​പ്പോ​ർ​ട്ട്​ ചെ​യ്തി​ട്ട്​ ര​ണ്ടാ​ണ്ട്. 2020 ജ​നു​വ​രി 30നാ​ണ്​ വു​ഹാ​നി​ൽ​നി​ന്ന്​ തൃ​ശൂ​രി​ലെ​ത്തി​യ വി​ദ്യാ​ർ​ഥി​നി​ക്ക്​ വൈ​റ​സ്​ ബാ​ധ സ്ഥി​രീ​ക​രി​ച്ച​ത്. ഒ​ന്നും ര​ണ്ടും ത​രം​ഗ​ങ്ങ​ളു​ടെ അ​നി​ശ്ചി​ത​ത്വ​ങ്ങ​ൾ അ​തി​ജീ​വി​ച്ച​തി​നൊ​പ്പം ലോ​ക്​​ഡൗ​ണി​ന്‍റെ​യും നി​യ​ന്ത്ര​ണ​ങ്ങ​ളു​ടെ​യും പി​ടി​ച്ചു​കെ​ട്ട​ലു​ക​ളി​ൽ​നി​ന്ന്​ വാ​ക്സി​ൻ പ്ര​തി​രോ​ധ​ത്തി​ന്‍റെ ആ​ത്മ​വി​ശ്വാ​സ​വു​മാ​ർ​ജി​ച്ചാ​ണ്​ ​കേ​ര​ളം മൂ​ന്നാം​ത​രം​ഗ​ത്തെ നേ​രി​ടു​ന്ന​ത്.

ഒ​ന്നും ര​ണ്ടും ത​രം​ഗ​ങ്ങ​ളെ അ​പേ​ക്ഷി​ച്ച്​ ഏ​റ്റ​വും ഉ​യ​ർ​ന്ന പ്ര​തി​​ദി​ന കേ​സാ​ണ്​ റി​പ്പോ​ർ​ട്ട്​ ചെ​യ്യു​ന്ന​തെ​ങ്കി​ലും പ്ര​ഹ​ര​ശേ​ഷി കു​റ​വാ​ണെ​ന്ന​തി​നാ​ൽ പൊ​തു​വി​ൽ വൈ​റ​ൽ പ​നി​യു​ടെ നി​സ്സാ​ര​ത​യി​ലേ​ക്ക്​ ജ​ന​ജീ​വി​തം മാ​റി​ക്ക​ഴി​ഞ്ഞു. 2019 അ​വ​സാ​നം അ​ന്ത​ർ​ദേ​ശീ​യ ത​ല​ത്തി​ൽ കോ​വി​ഡ് വ്യാ​പ​നം ഭീ​തി​യു​യ​ർ​ത്തി​യ​പ്പോ​ൾ മു​ത​ൽ കേ​ര​ളം ത​യാ​റെ​ടു​പ്പ്​ തു​ട​ങ്ങി​യി​രു​ന്നു.

2020 ജ​നു​വ​രി 21നാ​ണ്​ കൊ​റോ​ണ വൈ​റ​സി​നെ​തി​രെ സം​സ്​​ഥാ​ന സ​ർ​ക്കാ​റി​ന്‍റെ ആ​ദ്യ ജാ​ഗ്ര​ത നി​ർ​ദേ​ശം എ​ത്തു​ന്ന​ത്. ഐ​സൊ​ലേ​ഷ​ൻ വാ​ർ​ഡു​ക​ൾ ത​യാ​റാ​ക്കി സ​മ്പ​ർ​ക്ക​പ്പ​ട​ർ​ച്ച ത​ട​ഞ്ഞാ​യി​രു​ന്നു തു​ട​ക്കം. എ​ന്നാ​ൽ പ​ഴു​ത​ട​ച്ച നി​രീ​ക്ഷ​ണ​ത്തി​ൽ​നി​ന്നു​മാ​റി​ സ​മ്പ​ർ​ക്ക​ത്തി​ലു​ള്ള​വ​രെ​ല്ലാം ക്വാ​റ​ന്‍റീ​നി​ൽ പോ​കേ​െണ്ട​ന്നാ​ണ്​ പു​തി​യ പ്രോ​ട്ടോ​​കോ​ൾ.

കോ​വി​ഡ് ബാ​ധി​ച്ച് തു​ട​ങ്ങു​മ്പോ​ള്‍ ലോ​ക​ത്താ​ക​മാ​നം വ്യ​ക്ത​മാ​യ പ്രോ​ട്ടോ​കോ​ളി​ല്ലാ​യി​രു​ന്നു​. ആ ​ഘ​ട്ട​ത്തി​ലാ​ണ്​ അ​ട​ച്ചു​പൂ​ട്ട​ൽ വേ​ണ്ടി​വ​ന്ന​തെ​ന്നാ​ണ്​ ആ​രോ​ഗ്യ​വ​കു​പ്പ്​ പ​റ​യു​ന്ന​ത്. ര​ണ്ടാം​ത​രം​ഗം രൂ​ക്ഷ​മാ​യ 2021 മേ​യ് 12ന് 43,529 ​രോ​ഗ​ബാ​ധ റി​പ്പോ​ര്‍ട്ട് ചെ​യ്ത​പ്പോ​ള്‍ വാ​ക്‌​സി​നേ​ഷ​ന്‍ 20 ശ​ത​മാ​നമാ​യി​രു​ന്നു. നി​ല​വി​ൽ 18ന് ​മു​ക​ളി​ലു​ള്ള 100 ശ​ത​മാ​ന​ത്തി​നും ആ​ദ്യ ഡോ​സ് വാ​ക്‌​സ​ൻ ന​ൽ​കാ​നാ​യ​തോ​ടെ മ​ഹാ​ഭൂ​രി​പ​ക്ഷ​ത്തി​നും പ്ര​തി​രോ​ധ​ശേ​ഷി കൈ​വ​രി​ക്കാ​നാ​യി​ട്ടു​ണ്ടെ​ന്നാ​ണ്​ ആ​രോ​ഗ്യ​വ​കു​പ്പി​ന്‍റെ ആ​ത്മ​വി​ശ്വാ​സം. പ​രി​ശോ​ധ​ന​ക​ളു​ടെ എ​ണ്ണ​ത്തി​ന​പ്പു​റം ടി.​പി.​ആ​ർ അ​ടി​സ്​​ഥാ​ന​മാ​ക്കി​യു​ള്ള പ്ര​തി​രോ​ധ​ദൗ​ത്യ​മാ​യി​രു​ന്നു തു​ട​ക്ക​ത്തി​ൽ. ടി.​പി.​ആ​ർ ഒ​ഴി​വാ​ക്കി ആ​ശു​പ​ത്രി​ക​ളി​ൽ പ്ര​വേ​ശി​പ്പി​ക്കു​ന്ന​വ​രു​ടെ എ​ണ്ണം അ​ടി​സ്ഥാ​ന​പ്പെ​ടു​ത്തി​യു​ള്ള നി​യ​​ന്ത്ര​ണ​ങ്ങ​ളാ​ണി​പ്പോ​ൾ.

പ്ര​തി​ദി​ന ക​ണ​ക്കെ​ടു​പ്പും പ്ര​ഖ്യാ​പ​ന​വും അ​വ​സാ​നി​പ്പി​ച്ച്​ പ​ക​രം ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ന്ന​വ​രു​ടെ എ​ണ്ണം മാ​ത്രം ജ​ന​ത്തെ അ​റി​യി​ച്ചാ​ൽ മ​തി​യെ​ന്ന ആ​വ​ശ്യ​വും ഉ​യ​രു​ന്നു​ണ്ട്.

ഇ​തു​വ​രെ​യു​ള്ള ക​ണ​ക്ക്​

കോ​വി​ഡ്​ സ്ഥി​രീ​ക​രി​ച്ച​വ​ർ 58,81,133

ചി​കി​ത്സ​യി​ലു​ള്ള​വ​ർ 3,33,447

രോ​ഗ​മു​ക്തി 54,94,185

കോ​വി​ഡ്​ മ​ര​ണ​ങ്ങ​ൾ 52,786

ഒ​ന്നാം ഡോ​സ്​ വാ​ക്സി​നെ​ടു​ത്ത​വ​ർ 2,67,71,208 (100 ശ​ത​മാ​നം)

ര​ണ്ടാം ഡോ​സെ​ടു​ത്ത​വ​ർ 2,23,28,429 (83.83 ശ​ത​മാ​നം)

മു​ൻ​ക​രു​ത​ൽ ഡോ​സ്​ 4,10,154 38.53(ശ​ത​മാ​നം)

കൗ​മാ​ര​ക്കാ​രി​ലെ വാ​ക്​​സി​ൻ 10,23,858 (67.48 ശ​ത​മാ​നം)

ജി​​ല്ല തി​​രി​​ച്ച വി​​വ​​രം

ജി​​ല്ല രോ​​ഗ​​ബാ​​ധി​​ത​​ർ മ​​ര​​ണം

എ​​റ​​ണാ​​കു​​ളം 7,62,722 6248

തി​​രു​​വ​​ന​​ന്ത​​പു​​രം 6,24,375 6851

​കോ​​ഴി​​ക്കോ​​ട്​ 6,20,281 4746

മ​​ല​​പ്പു​​റം 6,10,760 3932

തൃ​​ശൂ​​ർ 6,07,730 5719

കൊ​​ല്ലം 4,55,114 5103

പാ​​ല​​ക്കാ​​ട്​ 4,17,959 4423

കോ​​ട്ട​​യം 3,88,749 3004

ആ​​ല​​പ്പു​​ഴ 3,53,172 4088

ക​​ണ്ണൂ​​ർ 3,20,721 3813

പ​​ത്ത​​നം​​തി​​ട്ട 2,33,382 1938

ഇ​​ടു​​ക്കി 1,81,258 1068

കാ​​സ​​ർ​​കോ​​ട്​ 1,56,256 1075

വ​​യ​​നാ​​ട്​ 1,48,654 778