വാനും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു

തിരുവല്ല: മാരുതി ഒമ്നി വാനും ബൈക്കും കൂട്ടിയിടിച്ച് കുമ്പനാട് ജംങ്ഷനിലുണ്ടായ അപകടത്തിൽ രണ്ട് യുവാക്കൾ മരിച്ചു. ബൈക്ക് യാത്രികരായിരുന്ന ഇലന്തൂർ സ്വദേശി ശ്രീക്കുട്ടൻ, വാര്യാപുരം സ്വദേശി കൈലേഷ് എന്നിവരാണ് മരിച്ചത്.

ഇന്ന് രാവിലെ 9 മണിയോടെ ആയിരുന്നു സംഭവം. കോയിപ്രം പൊലീസെത്തി മൃതദേഹങ്ങൾ കുമ്പനാട് ഫെലോഷിപ്പ് ആശുപത്രി മോർച്ചറിയിലേക്ക് മാറ്റി. അപകടത്തിൽപ്പെട്ട വാഹനങ്ങൾ നാട്ടുകാരുടെ സഹായത്തോടെ പൊലീസ് റോഡിൽ നിന്നും നീക്കം ചെയ്തു.