ബി.ജെ.പിയെ തുരത്താൻ യു.ഡി.എഫും എൽ.ഡി.എഫും ​കൈകോർത്തു; കല്ലുവാതുക്കൽ പഞ്ചായത്തിൽ ബി.ജെ.പിക്ക്​ ഭരണംപോയി

ചാ​ത്ത​ന്നൂ​ർ (കൊ​ല്ലം): ക​ല്ലു​വാ​തു​ക്ക​ൽ പ​ഞ്ചാ​യ​ത്തി​ൽ ബി.​ജെ.​പി ഭ​ര​ണ​ത്തി​നെ​തി​രെ യു.​ഡി.​എ​ഫ്​ കൊ​ണ്ടു​വ​ന്ന അ​വി​ശ്വാ​സം ഇ​ട​തു പി​ന്തു​ണ​യി​ൽ പാ​സാ​യി. ഇതോടെ കൊ​ല്ലം ജി​ല്ല​യി​ൽ ബി.​ജെ.​പി ഭ​രി​ക്കു​ന്ന ഏ​ക പ​ഞ്ചാ​യ​ത്തി​ൽ അ​വ​ർ​ക്ക്​ ഭ​ര​ണം ന​ഷ്ട​മാ​യി.

ഗ്രാ​മ പ​ഞ്ചാ​യ​ത്ത്‌ പ്ര​സി​ഡ​ന്റ്‌ ബി.​ജെ.​പി​യു​ടെ എ​സ്. സു​ദീ​പ​ക്കെ​തി​രെ കോ​ൺ​ഗ്ര​സി​ന്റെ പാ​ർ​ല​മെ​ന്റ​റി പാ​ർ​ട്ടി ലീ​ഡ​ർ പ്ര​തീ​ഷ് കൊ​ണ്ടു​വ​ന്ന അ​വി​ശ്വാ​സ​പ്ര​മേ​യം ഇ​ട​തു​പ​ക്ഷം പി​ന്താ​ങ്ങു​ക​യാ​യി​രു​ന്നു. 23 അം​ഗ പ​ഞ്ചാ​യ​ത്ത്​ ക​മ്മി​റ്റി​യി​ൽ ബി.​ജെ.​പി-​ഒ​മ്പ​ത്, യു.​ഡി.​എ​ഫ്- എ​ട്ട്, എ​ൽ.​ഡി.​എ​ഫ്​-​ആ​റ്​ എ​ന്നി​ങ്ങ​നെ​യാ​ണ്​ ക​ക്ഷി​നി​ല.

വോ​ട്ടി​ങ്ങി​ൽ കോ​ൺ​ഗ്ര​സി​ന്റെ എ​ട്ട് അം​ഗ​ങ്ങ​ളും ഇ​ട​തു​പ​ക്ഷ​ത്തി​ന്റെ ആ​റ്​ അം​ഗ​ങ്ങ​ളും ചേ​ർ​ന്ന് അ​വി​ശ്വാ​സ പ്ര​മേ​യ​ത്തെ പി​ന്തു​ണ​ക്കു​ക​യാ​യി​രു​ന്നു. ഒ​മ്പ​തി​നെ​തി​രെ 14 വോ​ട്ടി​ന്​ പ്ര​മേ​യം പാ​സാ​യി. തു​ട​ർ​ന്ന്,​ വൈ​സ് പ്ര​സി​ഡ​ന്റ് എ​സ്. സ​ത്യ​പാ​ല​നെ​തി​രെ​യു​ള്ള ആ​വി​ശ്വാ​സ പ്ര​മേ​യ​ത്തി​ലും സ​മാ​ന​രീ​തി​യി​ൽ ഇ​രു​മു​ന്ന​ണി​ക​ളും ഒ​ന്നി​ച്ചു​നി​ന്ന്​ പ്ര​മേ​യം പാ​സാ​ക്കി.

യു.​ഡി.​എ​ഫി​ലെ ആ​ർ.​എ​സ്.​പി അം​ഗം ഡി. ​സു​ഭ​ദ്രാ​മ്മ​യാ​ണ്​ അ​വി​ശ്വാ​സ പ്ര​മേ​യം അ​വ​ത​രി​പ്പി​ച്ച​ത്. അ​വി​ശ്വാ​സ പ്ര​മേ​യ​ത്തി​ന്മേ​ലു​ള്ള ച​ർ​ച്ച​ക​ളി​ൽ ഒ​രേ സ്വ​ര​ത്തി​ലാ​യി​രു​ന്നു എ​ൽ.​ഡി.​എ​ഫ്-​യു.​ഡി.​എ​ഫ് അം​ഗ​ങ്ങ​ൾ. ജി​ല്ല​യി​ൽ ബി.​ജെ.​പി​യു​ടെ ശ​ക്തി​കേ​ന്ദ്ര​ങ്ങ​ളി​ലൊ​ന്നാ​യ ചാ​ത്ത​ന്നൂ​ർ മ​ണ്ഡ​ല​ത്തി​ലാ​ണ് ക​ല്ലു​വാ​തു​ക്ക​ൽ പ​ഞ്ചാ​യ​ത്ത്. 20 വർഷമായി എൽ.ഡി.എഫ് ഭരിച്ച കല്ലുവാതുക്കൽ പഞ്ചായത്തിലാണ് കഴിഞ്ഞ തവണ ബി.ജെ.പി ഭരണം പിടിച്ചത്. പുതിയ പ്രസിഡന്റ്, വൈസ് പ്രസിഡന്റ് സ്ഥാനങ്ങളിലേക്കുള്ള തെരഞ്ഞെടുപ്പ് പിന്നീട് നടക്കും.