സ്ഥാ​നാ​ർ​ഥി നി​ർ​ണ​യം: മ​ണ്ണാ​ർ​ക്കാ​ട്ട് ഇ​രു​ട്ടി​ൽ ത​പ്പി യു.​ഡി.​എ​ഫ്

മ​ണ്ണാ​ർ​ക്കാ​ട്: ഊ​ഹാ​പോ​ഹ​ങ്ങ​ളും സാ​ധ്യ​ത​ക​ളു​മെ​ല്ലാം അ​വ​സാ​നി​ക്കാ​ൻ മ​ണി​ക്കൂ​റു​ക​ൾ മാ​ത്രം അ​വ​ശേ​ഷി​ക്കു​മ്പോ​ഴും മ​ണ്ണാ​ർ​ക്കാ​ട് ആ​ര് സ്ഥാ​നാ​ർ​ഥി​യാ​കു​മെ​ന്ന​ത് ഊ​ഹി​ക്കാ​ൻ പോ​ലും ക​ഴി​യാ​തെ മ​ണ്ണാ​ർ​ക്കാ​ട് യു.​ഡി.​എ​ഫ് നേ​തൃ​ത്വ​വും പ്ര​വ​ർ​ത്ത​ക​രും. തെ​ര​ഞ്ഞെ​ടു​പ്പ് തീ​രു​മാ​ന​മാ​യ​ത് മു​ത​ൽ നി​ല​വി​ലെ എം.​എ​ൽ.​എ ഷം​സു​ദ്ദീ​ൻ ത​ന്നെ മ​ണ്ഡ​ല​ത്തി​ൽ മ​ത്സ​രി​ക്കു​മെ​ന്നാ​യി​രു​ന്നുപ്ര​തീ​ക്ഷ.

എ​ന്നാ​ൽ, ക​ഴി​ഞ്ഞ ഞാ​യ​റാ​ഴ്ച മു​ത​ൽ ഇ​ക്കാ​ര്യ​ത്തി​ൽ ആ​ശ​യ​ക്കു​ഴ​പ്പം ഉ​ട​ലെ​ടു​ത്തു. ഷം​സു​ദ്ദീ​ൻ തി​രൂ​രി​ലേ​ക്ക് മാ​റു​ന്ന​ത് ഏ​ക​ദേ​ശം ധാ​ര​ണ​യാ​യ​തോ​ടെ മ​ണ്ണാ​ർ​ക്കാ​ട്ടു​നി​ന്നു​ള്ള നേ​താ​ക്ക​ളി​ലൊ​രാ​ൾ സ്ഥാ​നാ​ർ​ഥി​യാ​കാ​നു​ള്ള സാ​ധ്യ​ത​യാ​യി​രു​ന്നു തെ​ളി​ഞ്ഞ​ത്. എ​ന്നാ​ൽ, ഇ​ക്കാ​ര്യ​ത്തി​ൽ നേ​താ​ക്ക​ൾ​ക്കി​ട​യി​ൽ പ​ര​സ്പ​ര ധാ​ര​ണ ഇ​ല്ലാ​താ​വു​ക​യും സം​സ്ഥാ​ന ക​മ്മി​റ്റി​യു​ടെ മു​ന്നി​ലേ​ക്ക് ആ​റ്​ പേ​രു​ക​ൾ പ​രി​ഗ​ണ​ന​ക്ക് എ​ത്തു​ക​യും ചെ​യ്ത​തോ​ടെ ആ​ശ​യ​ക്കു​ഴ​പ്പം ഉ​ട​ലെ​ടു​ത്തു.

മ​ണ്ണാ​ർ​ക്കാ​ട് മ​ണ്ഡ​ല​ത്തി​ലേ​ക്ക് സം​സ്ഥാ​ന യൂ​ത്ത് ലീ​ഗ് സെ​ക്ര​ട്ട​റി എം.​എ. സ​മ​ദി​നെ സം​സ്ഥാ​ന നേ​തൃ​ത്വം നേ​ര​ത്തേ പ​രി​ഗ​ണി​ച്ചെ​ങ്കി​ലും പ്രാ​ദേ​ശി​ക​മാ​യി എ​തി​ർ​പ്പു​യ​രു​ക​യും മ​ണ്ഡ​ല​ത്തി​ൽ നി​ന്നു​ത​ന്നെ​യു​ള്ള സ്‌​ഥാ​നാ​ർ​ഥി വേ​ണ​മെ​ന്ന ആ​വ​ശ്യം ശ​ക്ത​മാ​കു​ക​യും ചെ​യ്തു.

ഇ​തി​ന് ജി​ല്ല ക​മ്മി​റ്റി​യും അ​നു​മ​തി ന​ൽ​കി. എ​ന്നാ​ൽ, മ​ണ്ഡ​ല​ത്തി​ൽ നി​ന്ന് ആ​രാ​ക​ണ​മെ​ന്നു​ള്ള കാ​ര്യ​ത്തി​ൽ ഏ​കോ​പ​ന​മി​ല്ലാ​തി​രു​ന്ന​തോ​ടെ ഇ​ത്ത​വ​ണ​യും മ​ണ്ഡ​ല​ത്തി​ൽ​നി​ന്ന് പു​റ​ത്തു​നി​ന്നു​ള്ള ആ​രെ​ങ്കി​ലും സ്ഥാ​നാ​ർ​ഥി​യാ​കാ​നു​ള്ള സാ​ധ്യ​ത വ​ർ​ധി​ച്ചി​രി​ക്കു​ക​യാ​ണ്.

ഷം​സു​ദ്ദീ​ൻ ഒ​ഴി​ച്ച് മ​റ്റാ​ര് മ​ണ്ഡ​ല​ത്തി​ന് പു​റ​ത്തു​നി​ന്ന് വ​ന്നാ​ലും അ​ത് തെ​ര​ഞ്ഞെ​ടു​പ്പ് പ്ര​ക​ട​ന​ത്തെ ബാ​ധി​ക്കു​മെ​ന്ന​താ​ണ് അ​വ​സ്ഥ. ഷം​സു​ദ്ദീ​ൻ അ​ല്ലെ​ങ്കി​ൽ മ​ണ്ഡ​ല​ത്തി​ൽ നി​ന്നു​ള്ള​വ​ർ​ത​ന്നെ വേ​ണ​മെ​ന്ന് ഐ​ക്യ​ത്തോ​ടെ ആ​വ​ശ്യ​പ്പെ​ടു​മ്പോ​ഴും മ​ണ്ഡ​ല​ത്തി​ൽ​നി​ന്ന് ആ​ര് എ​ന്നു​ള്ള കാ​ര്യ​ത്തോ​ട​ടു​ക്കു​മ്പോ​ൾ ഐ​ക്യം ഇ​ല്ലാ​താ​കു​ന്ന സ്ഥി​തി​യാ​ണ്.