പൗരത്വ ഭേദഗതി നിയമത്തിനെതിരെ മനുഷ്യ ഭൂപടം തീർത്ത് യു.ഡി.എഫ് VIDEO
text_fieldsതിരുവനന്തപുരം: പൗരത്വ ഭേദഗതി നിയമത്തിനെതിരെ ജില്ല കോൺഗ്രസ് കമ്മിറ്റികളുടെ നേതൃത്വത്തിൽ 12 ജില്ലകളിൽ യു.ഡി.എഫ് മനുഷ്യ ഭൂപടം തീർത്തു.
‘ഒരുക്കാം ഒരുമയുടെ ഭൂപടം’ എന്ന മുദ്രാവാക്യം മുഴക്കി ആയിരക്കണക്കിന് പ്രവർത്തകർ ഇന്ത്യൻ ഭൂപടത്തിെൻറ മാതൃകയിൽ അണിനിരന്നു. മുൻ മന്ത്രി എം. കമലത്തിെൻറ നിര്യാണത്തെ തുടർന്ന് കോഴിക്കോടിനെയും രാഹുൽ ഗാന്ധിയുടെ ഭരണഘടന സംരക്ഷണ റാലി ഉണ്ടായിരുന്നതിനാൽ വയനാടിനെയും പരിപാടിയിൽനിന്ന് ഒഴിവാക്കിയിരുന്നു.
മനുഷ്യ ഭൂപടത്തിൽ അണിനിരന്നവർ മഹാത്മ ഗാന്ധിയെ ഗോഡ്സെ വെടിവെച്ച് കൊന്ന 5.17ന് ഭരണഘടന സംരക്ഷണ പ്രതിജ്ഞയെടുത്തു. ജില്ലാ കേന്ദ്രങ്ങളിൽ മുതിർന്ന നേതാക്കൾ പരിപാടിക്ക് നേതൃത്വം നൽകി. ത്രിവർണ പതാകയുടെ നിറങ്ങളുള്ള തൊപ്പികൾ ധരിച്ചാണ് പ്രവർത്തകർ ഭൂപടത്തിൽ അണിനിരന്നത്. തിരുവനന്തപുരം പുത്തരിക്കണ്ടം മൈതാനത്ത് നടന്ന പരിപാടി കോൺഗ്രസ് വർക്കിങ് കമ്മിറ്റിയംഗം എ.കെ. ആൻറണി ഉദ്ഘാടനം ചെയ്തു.
മോദി സർക്കാർ മുന്നോട്ടുവെക്കുന്ന വിദ്വേഷ-വിഭാഗീയ രാഷ്ട്രീയത്തെ ഒറ്റക്കെട്ടായി ചെറുക്കണമെന്നും ലക്ഷ്യം കണ്ടെത്തും വരെ തളരാതെ പോരാടണമെന്നും അദ്ദേഹം പറഞ്ഞു. കണ്ണൂരിൽ പ്രതിപക്ഷ നേതാവ് രമേശ് ചെന്നിത്തല പരിപാടിക്ക് നേതൃത്വം നൽകി. ഇടുക്കിയിൽ തൊടുപുഴ പ്രൈവറ്റ് ബസ്സ്റ്റാൻഡ് ഗ്രൗണ്ടിലും പാലക്കാട് ചെറിയ കോട്ട മൈതാനത്തുമായിരുന്നു പരിപാടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.