മന്ത്രിയുടെ രാജി: യു.ഡി.എഫ്​ എം.എൽ.എമാർ സത്യഗ്രഹം അവസാനിപ്പിച്ചു

തിരുവനന്തപുരം: ബാലാവകാശ കമീഷന്‍ നിയമനത്തില്‍ സ്വജനപക്ഷപാതവും സത്യപ്രതിജ്ഞാ ലംഘനവും നടത്തിയ മ​ന്ത്രി കെ.കെ. ശൈലജ രാജിവെക്കണമെന്നാവശ്യപ്പെട്ട്​ പ്രതിപക്ഷ എം.എൽ.എമാർ നിയമസഭ കവാടത്തിൽ നടത്തിവന്ന സത്യഗ്രഹം അവസാനിപ്പിച്ചു. നിയമസഭസമ്മേളനം അവസാനിച്ച സാഹചര്യത്തിലാണ്​ എംഎൽ.എമാരുടെ സത്യഗ്രഹം അവസാനിപ്പിക്കുന്നതെന്നും ശൈലജയുടെ രാജി ആവശ്യപ്പെട്ട്​ പ്രക്ഷോഭം യു.ഡി.എഫ്​ തുടരുമെന്നും പ്രതിപക്ഷനേതാവ്​ രമേശ്​ ചെന്നിത്തല വാർത്തസമ്മേളനത്തിൽ വ്യക്​തമാക്കി. അതി​​െൻറ ഭാഗമായാണ്​ അധികാരദുർവിനിയോഗവും സ്വജനപക്ഷപാതവും ചൂണ്ടിക്കാട്ടി താൻ ലോകായുക്​തയെ സമീപിച്ചതെന്നും അദ്ദേഹം കൂട്ടിച്ചേർത്തു.

ബാലാവകാശ കമീഷൻ അംഗത്തി​​െൻറ നിയമനവുമായി ബന്ധപ്പെട്ട്​ കോടതി പരാമർശത്തി​​െൻറ കൂടി പശ്ചാത്തലത്തിൽ കെ.കെ. ശൈലജ രാജി​െവക്കണമെന്നാവശ്യപ്പെട്ട്​ കഴിഞ്ഞ തിങ്കളാഴ്​ച മുതലാണ്​ യു.ഡി.എഫ്​ എം.എൽ.എമാരായ വി.പി. സജീന്ദ്രൻ, എൽദോസ്​ കുന്നപ്പിള്ളി, ടി.വി. ഇബ്രാഹിം, എൻ. ഷംസുദ്ദീൻ, ​േറാജി എം. ​േജാൺ എന്നിവർ  സത്യഗ്രഹം നടത്തിവന്നത്​.