ഭിന്നശേഷിക്കാർക്ക് ട്രെയിൻയാത്ര ഇളവിന് ഇനി യു.ഡി.ഐ.ഡി മതി

തൃ​ശൂ​ർ: ഭി​ന്ന​ശേ​ഷി​ക്കാ​ർ​ക്ക് ഇ​നി ട്രെ​യി​ൻ യാ​ത്ര നി​ര​ക്കി​ള​വി​നാ​യി ഡോ​ക്ട​റു​ടെ സ​ർ​ട്ടി​ഫി​ക്ക​റ്റും അ​ത് അം​ഗീ​ക​രി​ക്കു​ന്ന​ത​ട​ക്ക​മു​ള്ള നൂ​ലാ​മാ​ല​ക​ളും ഉ​ണ്ടാ​വി​ല്ല. ഭി​ന്ന​ശേ​ഷി​ക്കാ​ർ​ക്കു​ള്ള ഏ​കീ​കൃ​ത തി​രി​ച്ച​റി​യ​ൽ കാ​ർ​ഡാ​യ യു.​ഡി.​ഐ.​ഡി (യു​ണി​ക് ഡി​സ​ബി​ലി​റ്റി ഐ​ഡ​ൻ​റി​റ്റി കാ​ർ​ഡ്) മ​തി.

ഇ​തു​സം​ബ​ന്ധി​ച്ച നി​ർ​ദേ​ശം കേ​ന്ദ്ര റെ​യി​ൽ​വേ മ​ന്ത്രാ​ല​യ​വും യു.​ഡി.​ഐ.​ഡി​യും സ്വീ​ക​രി​ച്ചു. യാ​ത്ര​ക​ൾ ഏ​റെ ബു​ദ്ധി​മു​ട്ടി​ലാ​വു​ന്ന ല​ക്ഷ​ക്ക​ണ​ക്കി​ന് ഭി​ന്ന​ശേ​ഷി​ക്കാ​ർ​ക്ക് സ​ഹാ​യ​ക​മാ​യ തീ​രു​മാ​ന​ത്തി​ന് പി​ന്നി​ൽ തൃ​ശൂ​ർ സ്വ​ദേ​ശി​യും ഡെ​പ്യൂ​ട്ടി ക​ല​ക്ട​റു​മാ​യ കെ. ​മ​ധു​വാ​ണ്.

ഇ​ക്ക​ഴി​ഞ്ഞ ആ​ഗ​സ്​​റ്റ്​ 16നാ​ണ് മ​ധു യു.​ഡി.​ഐ.​ഡി മ​ന്ത്രാ​ല​യ​ത്തി​നും റെ​യി​ൽ​വേ മ​ന്ത്രാ​ല​യ​ത്തി​നും അ​പേ​ക്ഷ ന​ൽ​കി​യ​ത്. നി​ർ​ദേ​ശം അം​ഗീ​ക​രി​ച്ച് ന​ട​പ്പാ​ക്കു​ക​യാ​ണെ​ന്ന മ​ന്ത്രാ​ല​യ​ത്തി​െൻറ മ​റു​പ​ടി​യും മ​ധു​വി​െൻറ കാ​ർ​ഡ് റെ​യി​ൽ​വേ യാ​ത്ര ഇ​ള​വു​മാ​യി ലി​ങ്ക് ചെ​യ്ത​തും ഉ​ൾ​പ്പെ​ടു​ത്തി​യ വി​വ​ര​ങ്ങ​ളോ​ടെ ഇ-​മെ​യി​ലാ​യി തി​ങ്ക​ളാ​ഴ്ച മ​റു​പ​ടി ല​ഭി​ച്ചു. 40 ശ​ത​മാ​നം അം​ഗ​പ​രി​മി​ത​രാ​യ​വ​ർ​ക്കാ​ണ് റെ​യി​ൽ​വേ ഇ​ള​വി​ന് അ​ർ​ഹ​ത​യു​ള്ള​ത്.