ഉ​മ തോ​മ​സ്​ അ​പ​ക​ടം: ന​ഗ​ര​സ​ഭ​ക്ക്​ ഗു​രു​ത​ര വീ​ഴ്ച; ഹെ​ൽ​ത്ത്​ ഇ​ൻ​സ്​​പെ​ക്ട​ർ​ക്ക്​ സ​സ്​​പെ​ൻ​ഷ​ൻ

കൊ​ച്ചി: എ​റ​ണാ​കു​ളം ക​ലൂ​ർ ജ​വ​ഹ​ർ​ലാ​ൽ നെ​ഹ്​​റു സ്​​റ്റേ​ഡി​യ​ത്തി​ലെ നൃ​ത്ത​പ​രി​പാ​ടി​ക്കി​ടെ ഉ​മ തോ​മ​സ്​ എം.​എ​ൽ.​എ​ക്ക്​ ഗാ​ല​റി​യി​ൽ നി​ന്ന്​ വീ​ണ്​ ഗു​രു​ത​ര പ​രി​ക്കേ​ൽ​ക്കാ​നി​ട​യാ​യ സം​ഭ​വ​ത്തി​ൽ കൊ​ച്ചി കോ​ർ​പ​റേ​ഷ​നും ഗു​രു​ത​ര വീ​ഴ്ച. പ​രി​പാ​ടി​ക്ക്​ സു​ര​ക്ഷ ഉ​റ​പ്പാ​ക്കു​ന്ന​തി​ൽ വീ​ഴ്​​ച വ​രു​ത്തി​യെ​ന്ന്​ ക​ണ്ടെ​ത്തി​യ​തി​നെ​ത്തു​ട​ർ​ന്ന്​ ന​ഗ​ര​സ​ഭ ഹെ​ൽ​ത്ത്​ ഓ​ഫി​സി​ലെ ഹെ​ൽ​ത്ത്​ ഇ​ൻ​സ്​​പെ​ക്ട​റെ അ​ന്വേ​ഷ​ണ വി​ധേ​യ​മാ​യി സ​സ്​​പെ​ൻ​ഡ്​ ചെ​യ്തു. ന​ഗ​ര​സ​ഭ​യു​ടെ റ​വ​ന്യു, ആ​രോ​ഗ്യ, എ​ഞ്ചി​നീ​യ​റി​ങ് വി​ഭാ​ഗ​ങ്ങ​ളു​ടെ വീ​ഴ്ച​യെ​ക്കു​റി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി.

ന​ഗ​ര​സ​ഭ​യു​ടെ ക​ലൂ​ര്‍ 16ാം സ​ർ​ക്കി​ളി​ലെ ഹെ​ൽ​ത്ത്​ ഇ​ൻ​സ്​​പെ​ക്ട​ർ എം.​എ​ന്‍. നി​ത​യെ ആ​ണ്​ സ​സ്​​പെ​ൻ​ഡ്​ ചെ​യ്ത​ത്. നൃ​ത്ത​പ​രി​പാ​ടി​യു​ടെ സം​ഘാ​ട​ക​രാ​യ ‘മൃ​ദം​ഗ​വി​ഷ​ൻ’ പി.​പി.​ആ​ര്‍ ലൈ​സ​ൻ​സി​നാ​യി (കേ​ര​ള പ്ലേ​സ​സ്​ ഓ​ഫ്​ പ​ബ്ലി​ക്​ റി​സോ​ർ​ട്ട്​ ആ​ക്ട്) പ്ര​കാ​രം ക​ലൂ​രി​ലെ ഹെ​ൽ​ത്ത്​ ഇ​ൻ​സ്​​പെ​ക്ട​ർ​ക്ക്​ അ​പേ​ക്ഷ ന​ൽ​കി​യി​രു​ന്നു. പ​ണം സ്വീ​ക​രി​ച്ച് പൊ​തു​സ്ഥ​ല​ങ്ങ​ളി​ല്‍ പ​രി​പാ​ടി ന​ട​ത്തു​ന്ന​തി​ന് ന​ഗ​ര​സ​ഭ ആ​രോ​ഗ്യ വി​ഭാ​ഗം ന​ൽ​കു​ന്ന​താ​ണ് പി.​പി.​ആ​ര്‍ ലൈ​സ​ന്‍സ്.

പ​ണം സ്വീ​ക​രി​ക്കാ​തെ ന​ട​ത്തു​ന്ന​തി​നാ​ൽ പി.​പി.​ആ​ർ ലൈ​സ​ൻ​സ്​ ആ​വ​ശ്യ​മി​​ല്ലെ​ന്ന്​ പ​റ​ഞ്ഞ്​ ഹെ​ൽ​ത്ത്​ ഇ​ൻ​സ്​​പെ​ക്ട​ർ പ​രി​പാ​ടി​യു​ടെ ത​ലേ ദി​വ​സം അ​പേ​ക്ഷ നി​ര​സി​ക്കു​ക​യാ​യി​രു​ന്നു. എ​ന്നാ​ൽ, നൃ​ത്ത​പ​രി​പാ​ടി​യി​ൽ പ​​ങ്കെ​ടു​ത്ത​വ​രി​ൽ നി​ന്നും സ്​​പോ​ൺ​സ​ർ​മാ​രി​ൽ നി​ന്നും പ​ണം സ്വീ​ക​രി​ച്ച്​ വ​രു​മാ​നം ല​ക്ഷ്യ​മി​ട്ടാ​ണ്​ പ​രി​പാ​ടി സം​ഘ​ടി​പ്പി​ച്ച​തെ​ന്ന വി​വ​രം പി​ന്നീ​ട്​ പു​റ​ത്തു​​വ​ന്നു. പ​രി​പാ​ടി ന​ട​ക്കു​ന്ന സ്ഥ​ലം ഹെ​ൽ​ത്ത്​ ഇ​ൻ​സ്​​പെ​ക്ട​ർ നേ​രി​ട്ട്​ പ​രി​ശോ​ധി​ച്ച്​ മേ​ല​ധി​കാ​രി​ക​ൾ​ക്ക്​ റി​പ്പോ​ർ​ട്ട്​ ന​ൽ​കേ​ണ്ട​താ​ണെ​ങ്കി​ലും അ​തു​ണ്ടാ​യി​ല്ല. അ​പ​ക​ട​ത്തി​ന്‍റെ പ​ശ്​​ചാ​ത്ത​ല​ത്തി​ൽ ചൊ​വ്വാ​ഴ്ച വ​കു​പ്പ് മേ​ധാ​വി​ക​ളു​ടെ യോ​ഗം വി​ളി​ച്ച​പ്പോ​ഴാ​ണ് ന​ഗ​ര​സ​ഭ സെ​ക്ര​ട്ട​റി ഇ​ക്കാ​ര്യം അ​റി​യു​ന്ന​ത് എ​ന്നാ​ണ്​ മേ​യ​ർ എം. ​അ​നി​ൽ​കു​മാ​ർ പ​റ​യു​ന്ന​ത്. വീ​ഴ്ച വ​രു​ത്തി​യ​വ​ർ​ക്കെ​തി​രെ ശ​ക്​​ത​മാ​യ ന​ട​പ​ടി സ്വീ​ക​രി​ക്കു​മെ​ന്നും അ​ദ്ദേ​ഹം അ​റി​യി​ച്ചു.