ലഹരിക്കടിമയായ വിനായകൻ പൊലീസ് സ്റ്റേഷനിൽ നടത്തിയത് പേക്കൂത്ത്; സഖാവായതിനാലാണോ പ്രിവിലേജ് -ഉമ തോമസ്

കൊച്ചി: ലഹരിക്കടിമയായ വിനായകൻ പൊലീസ് സ്റ്റേഷനിൽ നടത്തിയത് പേക്കൂത്താണെന്ന് കോൺഗ്രസ് എം.എൽ.എ ഉമ തോമസ്. ഇത്രയും മോശമായി സ്റ്റേഷനിൽ വന്ന് പെരുമാറിയിട്ടും, ഉദ്യോഗസ്ഥരുടെ ഡ്യുട്ടി തടസ്സപ്പെടുത്തുകയും ചെയ്തിട്ടും ദുർബലമായ വകുപ്പുകൾ ചുമത്തി സ്റ്റേഷൻ ജാമ്യത്തിൽ പറഞ്ഞ് വിട്ടത് 'സഖാവായതിന്റെ പ്രിവിലേജാണോ​'​യെന്ന് ഉമ തോമസ് ചോദിച്ചു.

അതോ വിട്ടയച്ചത് ക്ലിഫ് ഹൗസിൽ നിന്ന് ലഭിച്ച നിർദേശത്തെ തുടർന്നാണോ എന്ന് അറിയാൻ താല്പര്യമുണ്ടെന്ന് ഉമ തോമസ് പറഞ്ഞു. അത് എന്ത് തന്നെയായാലും നടപടി അന്തസായി പണിയെടുക്കുന്ന ഒരു വിഭാഗം പൊലീസ് ഉദ്യോഗസ്ഥരുടെ മനോവീര്യം കെടുത്തുന്നത് കൂടിയാണ് എന്ന് പറയാത വയ്യെന്നും ഉമ തോമസ് പറഞ്ഞു.

പൊ​ലീ​സ് സ്റ്റേ​ഷ​നി​ൽ മ​ദ്യ​പി​ച്ചെ​ത്തി അ​സ​ഭ്യ​വ​ർ​ഷം ന​ട​ത്തി​യ​തി​ന് ന​ട​ൻ വി​നാ​യ​ക​ൻ കഴിഞ്ഞ ദിവസം അ​റ​സ്റ്റി​ലായിരുന്നു. ചൊ​വ്വാ​ഴ്ച വൈ​കീ​ട്ട് ഏ​ഴ് മ​ണി​യോ​ടെ​യാ​യി​രു​ന്നു സം​ഭ​വം. വൈ​കീ​ട്ട് നാ​ലോ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്ക​മെ​ന്ന് എ​റ​ണാ​കു​ളം നോ​ർ​ത്ത് പൊ​ലീ​സ് പ​റ​ഞ്ഞു. ക​തൃ​ക്ക​ട​വി​ലു​ള്ള ഫ്ലാ​റ്റി​ൽ​നി​ന്ന്​ വി​നാ​യ​ക​ൻ നോ​ർ​ത്ത് പൊ​ലീ​സ് സ്റ്റേ​ഷ​നി​ലേ​ക്ക് വി​ളി​ക്കു​ക​യും ഭാ​ര്യ​യു​മാ​യു​ള്ള ത​ർ​ക്ക​ത്തെ​ക്കു​റി​ച്ച് പ​രാ​തി​പ്പെ​ടു​ക​യും ചെ​യ്തു.

പൊ​ലീ​സി​ന്‍റെ സ​ഹാ​യം ആ​വ​ശ്യ​പ്പെ​ട്ട​തോ​ടെ വ​നി​ത പൊ​ലീ​സ്​ അ​ട​ങ്ങു​ന്ന ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി. ഫ്ലാ​റ്റ് വാ​ങ്ങി​യ​തി​ലെ സാ​മ്പ​ത്തി​ക ത​ർ​ക്ക​ങ്ങ​ളാ​ണ് ഇ​രു​വ​രും ത​മ്മി​ലു​ള്ള പ്ര​ശ്ന​ത്തി​ന് വ​ഴി​വെ​ച്ച​തെ​ന്ന് മ​ന​സ്സി​ലാ​ക്കി. പൊ​ലീ​സ്​ ഉ​ദ്യോ​ഗ​സ്ഥ മ​ഫ്തി​യി​ലാ​ണ്​ വി​നാ​യ​ക​ന്‍റെ വീ​ട്ടി​ലെ​ത്തി​യ​ത്. ഇ​തി​നി​ടെ പൊ​ലീ​സ്​ ഉ​ദ്യോ​ഗ​സ്ഥ​രോ​ട് വി​നാ​യ​ക​ൻ അ​സ​ഭ്യം പ​റ​ഞ്ഞെ​ന്നും ആ​രോ​പ​ണ​മു​ണ്ട്. തു​ട​ർ​ന്ന് പൊ​ലീ​സു​കാ​ർ തി​രി​ച്ച്​ സ്റ്റേ​ഷ​നി​ലെ​ത്തി.

വൈ​കീ​ട്ട്​ വി​നാ​യ​ക​ൻ വീ​ണ്ടും പൊ​ലീ​സ് സ്റ്റേ​ഷ​നി​ലേ​ക്ക് വി​ളി​ച്ച് പ​രാ​തി ആ​വ​ർ​ത്തി​ച്ചു. ഏ​ഴ് മ​ണി​യോ​ടെ സ്റ്റേ​ഷ​നി​ൽ നേ​രി​ട്ടെ​ത്തി​യ വി​നാ​യ​ക​ൻ അ​സ​ഭ്യ​വ​ർ​ഷം ന​ട​ത്തു​ക​യാ​യി​രു​ന്നു. മ​ഫ്തി​യി​ലെ​ത്തി​യ ഉ​ദ്യോ​ഗ​സ്ഥ​യാ​രാ​ണെ​ന്ന് അ​റി​യ​ണ​മെ​ന്ന് ആ​വ​ശ്യ​പ്പെ​ട്ടെ​ന്നും പൊ​ലീ​സ് പ​റ​യു​ന്നു. ഇ​തി​നി​ടെ സ്റ്റേ​ഷ​നി​ൽ​വെ​ച്ച് പു​ക​വ​ലി​ച്ച വി​നാ​യ​ക​ന് പി​ഴ​യീ​ടാ​ക്കു​ക​യും ചെ​യ്തു. ശാ​ന്ത​നാ​ക്കാ​ൻ ശ്ര​മി​ച്ചെ​ങ്കി​ലും ബ​ഹ​ളം തു​ട​രു​ക​യാ​യി​രു​ന്നു. ഇ​തോ​ടെ സി.​ഐ​യു​ടെ നേ​തൃ​ത്വ​ത്തി​ലു​ള്ള സം​ഘം ന​ട​പ​ടി​യെ​ടു​ക്കു​ക​യാ​യി​രു​ന്നു​വെ​ന്ന്​ പൊ​ലീ​സ്​ പ​റ​ഞ്ഞു.

എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന​ക്ക് എ​ത്തി​ച്ച​തു​ക​ണ്ട്​ ആ​ളു​ക​ൾ കൂ​ടി​യ​തോ​ടെ ആ​ശു​പ​ത്രി​യി​ലും ഇ​യാ​ൾ ബ​ഹ​ളം​വെ​ച്ചു. ല​ഹ​രി​ക്ക​ടി​പ്പെ​ട്ട് പൊ​തു​സ്ഥ​ല​ത്ത് നി​യ​ന്ത്ര​ണ​മി​ല്ലാ​തെ പെ​രു​മാ​റി​യ​തി​നാ​ണ് കേ​സെ​ടു​ത്ത​ത്. അ​തേ​സ​മ​യം, എ​ന്തി​നാ​ണ് ത​ന്നെ പി​ടി​കൂ​ടി​യ​തെ​ന്ന് അ​റി​യി​ല്ലെ​ന്നാ​ണ് വി​നാ​യ​ക​ൻ മാ​ധ്യ​മ​ങ്ങ​ളോ​ട് പ്ര​തി​ക​രി​ച്ച​ത്.