ഹയർ സെക്കൻഡറി അധ്യാപക നിയമനത്തിന് ‘അപ്രഖ്യാപിത നിരോധനം’

കോ​ട്ട​യം: പി.​എ​സ്.​സി റാ​ങ്ക് ലി​സ്റ്റു​ക​ൾ നി​ല​വി​ൽ വ​ന്ന് മാ​സ​ങ്ങ​ൾ ക​ഴി​ഞ്ഞി​ട്ടും നി​യ​മ​നം ന​ട​ക്കാ​തെ ഹ​യ​ർ സെ​ക്ക​ൻ​ഡ​റി അ​ധ്യാ​പ​ക ത​സ്തി​ക​ക​ൾ. സ്റ്റാ​ഫ് ഫി​ക്​​സേ​ഷ​ൻ എ​ന്ന കാ​ര​ണം നി​ര​ത്തി​യാ​ണ് നി​യ​മ​നം ത​ട​യു​ന്ന​തെ​ന്ന്​ ഉ​ദ്യോ​ഗാ​ർ​ഥി​ക​ൾ ചൂ​ണ്ടി​ക്കാ​ട്ടു​ന്നു. പു​തി​യ അ​ധ്യ​യ​ന വ​ർ​ഷ​ത്തി​ലും സ്ഥി​രം അ​ധ്യാ​പ​ക നി​യ​മ​നം ന​ട​ക്കാ​ത്ത​ത്​ പ്ല​സ്​ ടു ​പ​ഠ​ന​ത്തെ ബാ​ധി​ച്ചേ​ക്കും.

സ്റ്റാ​ഫ് ഫി​ക്​​സേ​ഷ​ൻ ക​ഴി​ഞ്ഞി​ട്ടേ ഒ​ഴി​വു​ക​ൾ റി​പ്പോ​ർ​ട്ട് ചെ​യ്യാ​വൂ​വെ​ന്ന് ഇ​തു​വ​രെ ഹ​യ​ർ സെ​ക്ക​ൻ​ഡ​റി ഡ​യ​റ​ക്ട​റേ​റ്റി​നെ സ​ർ​ക്കാ​ർ ഉ​ത്ത​ര​വ്​ പ്ര​കാ​രം അ​റി​യി​ച്ചി​ട്ടി​ല്ല. എ​ന്നി​ട്ടും ഒ​ഴി​വു​ക​ൾ റി​പ്പോ​ർ​ട്ട് ചെ​യ്യാ​തെ അ​ന​ന്ത​മാ​യി നീ​ട്ടി​ക്കൊ​ണ്ടു​പോ​കു​ക​യാ​ണ്. ഗ​ണി​ത​ശാ​സ്ത്രം, ഫി​സി​ക്സ്, ബോ​ട്ട​ണി, ഇ​ക്ക​ണോ​മി​ക്സ്, പൊ​ളി​റ്റി​ക്ക​ൽ സ​യ​ൻ​സ്, സു​വോ​ള​ജി, ഇം​ഗ്ലീ​ഷ്, സ്റ്റാ​റ്റി​സ്റ്റി​ക്സ് ഉ​ൾ​പ്പെ​ടെ ഭൂ​രി​ഭാ​ഗം വി​ഷ​യ​ങ്ങ​ളി​ലും വി​ര​മി​ക്ക​ൽ ഒ​ഴി​വു​ക​ൾ അ​ട​ക്കം പി.​എ​സ്.​സി​ക്ക് റി​പ്പോ​ർ​ട്ട് ചെ​യ്തി​ട്ടി​ല്ല. സ്ഥാ​ന​ക്ക​യ​റ്റ ന​ട​പ​ടി​ക​ൾ പൂ​ർ​ത്തി​യാ​കാ​ത്ത​തും നി​യ​മ​ന​ങ്ങ​ൾ​ക്ക്​ ത​ട​സ്സ​മാ​യു​ണ്ട്. സ്റ്റാ​ഫ് ഫി​ക്​​സേ​ഷ​ൻ ക​ഴി​ഞ്ഞ ശേ​ഷം ജൂ​നി​യ​ർ ടു ​സീ​നി​യ​ർ ത​സ്തി​ക​യി​ലേ​ക്ക്​ സ്ഥാ​ന​ക്ക​യ​റ്റ ന​ട​പ​ടി​ക​ൾ പൂ​ർ​ത്തി​യാ​യാ​ൽ മാ​ത്ര​മേ വി​ര​മി​ച്ച ഒ​ഴി​വു​ക​ൾ റി​പ്പോ​ർ​ട്ട് ചെ​യ്യൂ​വെ​ന്നാ​ണ് ഹ​യ​ർ സെ​ക്ക​ൻ​ഡ​റി ഡ​യ​റ​ക്ട​റേ​റ്റ് വൃ​ത്ത​ങ്ങ​ൾ പ​റ​യു​ന്ന​ത്. എ​ല്ലാ വ​കു​പ്പു​ക​ളും വി​ര​മി​ക്ക​ല​ട​ക്കം കാ​ര​ണ​ങ്ങ​ളാ​ൽ ഉ​ണ്ടാ​കു​ന്ന ഒ​ഴി​വു​ക​ൾ പ്ര​തീ​ക്ഷി​ത ഒ​ഴി​വു​ക​ളാ​യി പി.​എ​സ്.​സി​ക്ക് റി​പ്പോ​ർ​ട്ട് ചെ​യ്യ​ണ​മെ​ന്ന സ​ർ​ക്കാ​ർ ഉ​ത്ത​ര​വാ​ണ് ഇ​തി​ലൂ​ടെ അ​ട്ടി​മ​റി​ക്ക​പ്പെ​ടു​ന്ന​ത്. നി​യ​മ​ന​ങ്ങ​ൾ ന​ട​ക്കാ​താ​യ​തോ​ടെ ക​ഴി​ഞ്ഞ വ​ർ​ഷ​ത്തേ​തി​ന്​ സ​മാ​ന​മാ​യി പു​തി​യ അ​ധ്യ​യ​ന വ​ർ​ഷ​ത്തി​ലും വി​വി​ധ വി​ഷ​യ​ങ്ങ​ൾ പ​ഠി​പ്പി​ക്കാ​ൻ ഗെ​സ്റ്റ് അ​ധ്യാ​പ​ക​രെ നി​യ​മി​ക്കേ​ണ്ട അ​വ​സ്ഥ​യി​ലാ​ണ് സ്കൂ​ളു​ക​ൾ.

കാ​ലാ​വ​ധി ക​ഴി​യാ​റാ​യ റാ​ങ്ക് പ​ട്ടി​ക​ക​ളു​ടെ കാ​ര്യ​ത്തി​ലും സ​മാ​ന​മാ​യ സാ​ഹ​ച​ര്യ​മാ​ണു​ള്ള​ത്. വി​വി​ധ പി.​എ​സ്.​സി അ​ധ്യാ​പ​ക ലി​സ്റ്റു​ക​ളി​ൽ​പെ​ട്ട ഉ​ദ്യോ​ർ​ഥി​ക​ൾ​ക്ക് റാ​ങ്ക് ലി​സ്റ്റി​ന്‍റെ കാ​ലാ​വ​ധി​ക്കു​ള്ളി​ൽ നി​യ​മ​നം ല​ഭി​ക്കാ​ത്ത സാ​ഹ​ച​ര്യ​മാ​ണ്​ ഇ​പ്പോ​ഴു​ള്ള​ത്.