അരിക്കൊമ്പനിൽ വീണ്ടും അനിശ്ചിതത്വം

തൊ​ടു​പു​ഴ: അ​രി​ക്കൊ​മ്പ​നെ മ​യ​ക്കു​വെ​ടി​വെ​ച്ച്​ പി​ടി​കൂ​ടി കോ​ട​നാ​ട്ടേ​ക്ക്​ മാ​റ്റു​ന്ന​ത്​ വി​ല​ക്കി​യ ഹൈ​കോ​ട​തി ഉ​ത്ത​ര​വി​നെ​തി​രെ സം​സ്ഥാ​ന സ​ർ​ക്കാ​ർ സു​പ്രീം കോ​ട​തി​യെ സ​മീ​പി​ക്കാ​ൻ തീ​രു​മാ​നി​ച്ച​തോ​ടെ ദൗ​ത്യം വീ​ണ്ടും അ​നി​ശ്ചി​ത​ത്വ​ത്തി​ൽ.

സാ​റ്റ​ലൈ​റ്റ്​ റേ​ഡി​യോ കോ​ള​ർ ല​ഭ്യ​മാ​ക്കു​ന്ന​തി​നു​ള്ള ത​ട​സ്സ​ങ്ങ​ൾ നീ​ങ്ങി​യ​തി​​ന്​ പി​ന്നാ​ലെ​യാ​ണ്​ വി​ഷ​യം സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലേ​ക്ക്​ മാ​റു​ന്ന​ത്. ദൗ​ത്യം അ​നി​ശ്ചി​ത​മാ​യി നീ​ണ്ടു​പോ​കു​ന്ന​തി​ൽ ചി​ന്ന​ക്ക​നാ​ൽ, ശാ​ന്ത​മ്പാ​റ പ​ഞ്ചാ​യ​ത്തു​ക​ളി​ലെ ജ​ന​ങ്ങ​ൾ​ക്കി​ട​യി​ൽ ആ​ശ​ങ്ക​യും അ​തൃ​പ്തി​യും ശ​ക്ത​മാ​ണ്.

അ​രി​ക്കൊ​മ്പ​നെ കോ​ട​നാ​ട്ടെ കൂ​ട്ടി​ല​ട​ക്കു​ന്ന​ത്​ വി​ല​ക്കി​യ ഹൈ​കോ​ട​തി, വി​ദ​ഗ്​​ധ സ​മി​തി​യു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ആ​ന​യെ പി​ടി​കൂ​ടി പ​റ​മ്പി​ക്കു​ള​ത്തേ​ക്ക്​ മാ​റ്റാ​ൻ നി​ർ​ദേ​ശി​ച്ചി​രു​ന്നു. ഇ​തി​നെ​തി​രാ​യ ഹ​ര​ജി പ​രി​ഗ​ണി​ക്ക​വെ പു​തി​യ സ്ഥ​ലം ഒ​രാ​ഴ്​​ച​ക്ക​കം ക​ണ്ടെ​ത്താ​നും സാ​ധ്യ​മാ​യി​ല്ലെ​ങ്കി​ൽ പ​റ​മ്പി​ക്കു​ള​ത്തേ​ക്ക്​ മാ​റ്റാ​നു​മാ​ണ്​ സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടി​രു​ന്ന​ത്.

മ​റ്റൊ​രു സ്ഥ​ലം ക​ണ്ടെ​ത്താ​നാ​വാ​ത്ത സാ​ഹ​ച​ര്യ​ത്തി​ലാ​ണ്​ കോ​ട​നാ​ട്ടേ​ക്ക്​ മാ​റ്റു​ന്ന​തി​നു​ള്ള വി​ല​ക്ക്​ ചോ​ദ്യം ചെ​യ്ത്​ സു​പ്രീം​ കോ​ട​തി​യെ സ​മീ​പി​ക്കു​ന്ന​ത്. ആ​ന​യെ കോ​ട​നാ​ട്ടെ കൂ​ട്ടി​ലേ​ക്ക്​ മാ​റ്റു​ന്ന​തി​ന്​ അ​നു​കൂ​ല​മാ​യ വി​ധി നേ​ടി​യെ​ടു​ക്കു​ക​യാ​ണ്​ ല​ക്ഷ്യം. ഇ​തോ​ടെ, ദൗ​ത്യം ഇ​നി​യും നീ​ളു​മെ​ന്ന്​ ഉ​റ​പ്പാ​യി.

ആ​ന​​യെ ഇ​ടു​ക്കി​യി​ൽ​നി​ന്ന്​ മാ​റ്റു​ന്ന​തി​നു​ള്ള ഒ​രു​ക്കം ഭൂ​രി​ഭാ​ഗ​വും വ​നം വ​കു​പ്പ്​ ഇ​തി​ന​കം പൂ​ർ​ത്തി​യാ​ക്കി. അ​സ​മി​ൽ​നി​ന്ന്​ റേ​ഡി​യോ കോ​ള​ർ എ​ത്തി​ക്കു​ക എ​ന്ന​തു​കൂ​ടി​യാ​ണ്​ പ്ര​ധാ​ന​മാ​യും അ​വ​ശേ​ഷി​ക്കു​ന്ന​ത്. ര​ണ്ട്​ ദി​വ​സ​ത്തി​ന​കം റേ​ഡി​യോ കോ​ള​ർ ഇ​ടു​ക്കി​യി​ൽ എ​ത്തു​മെ​ന്നാ​ണ്​ ക​രു​തു​ന്ന​ത്.

ദൗ​ത്യ​സം​ഘ​വും കു​ങ്കി​യാ​ന​ക​ളും അ​നി​ശ്ചി​ത​മാ​യി മൂ​ന്നാ​റി​ൽ തു​ട​രു​ന്ന​തും വ​നം വ​കു​പ്പി​ന്​ ബാ​ധ്യ​ത​യാ​ണ്. ഇ​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ​ക്ക്​ ഇ​തി​ന​കം 10 ല​ക്ഷ​ത്തോ​ളം രൂ​പ ചെ​ല​വ​ഴി​ച്ചു​ക​ഴി​ഞ്ഞു. ആ​ദ്യ കു​ങ്കി​യാ​ന സ്ഥ​ല​ത്തെ​ത്തി​യി​ട്ട്​ മൂ​ന്നാ​ഴ്ച​യി​ല​ധി​ക​മാ​യി. സി​മ​ന്‍റ് ​പാ​ല​ത്തെ സ്വ​കാ​ര്യ എ​സ്​​റ്റേ​റ്റി​ന്‍റെ കെ​ട്ടി​ട​ങ്ങ​ളി​ലും സ്ഥ​ല​ത്തു​മാ​ണ്​ കു​ങ്കി​യാ​ന​ക​ളെ​യും ജീ​വ​ന​ക്കാ​രെ​യും പാ​ർ​പ്പി​ച്ചി​ട്ടു​ള്ള​ത്.

ര​ണ്ട്​ ദി​വ​സ​ത്തി​ന​കം പൂ​ർ​ത്തി​യാ​കു​മെ​ന്ന്​ പ​റ​ഞ്ഞ ദൗ​ത്യം നീ​ണ്ടു​പോ​കു​ന്ന​ത്​ എ​സ്​​റ്റേ​റ്റ്​ അ​ധി​കൃ​ത​രെ​യും പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ കു​ങ്കി​യാ​ന​ക​ളു​ടെ ക്യാ​മ്പ്​ ശാ​ന്ത​മ്പാ​റ​യി​ലെ ഗൂ​ഡ​മ്പാ​റ എ​സ്​​റ്റേ​റ്റി​ലേ​ക്ക്​ മാ​റ്റാ​നും ആ​ലോ​ച​ന​യു​ണ്ട്.

ഹൈ​കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ൽ അ​രി​ക്കൊ​മ്പ​നെ ഉ​ട​ൻ ഇ​ടു​ക്കി​യി​ൽ​നി​ന്ന്​ മാ​റ്റു​മെ​ന്ന വി​ശ്വാ​സ​ത്തി​ലാ​ണ്​ ശാ​ന്ത​മ്പാ​റ, ചി​ന്ന​ക്ക​നാ​ൽ പ​ഞ്ചാ​യ​ത്തു​ക​ളി​ൽ നാ​ട്ടു​കാ​രും ജ​ന​പ്ര​തി​നി​ധി​ക​ളും ചേ​ർ​ന്ന്​ ആ​രം​ഭി​ച്ച പ്ര​തി​ഷേ​ധം പി​ൻ​വ​ലി​ച്ച​ത്. എ​ന്നാ​ൽ, ന​ട​പ​ടി​ക​ൾ അ​ന​ന്ത​മാ​യി നീ​ളു​ക​യാ​ണെ​ങ്കി​ൽ പ്ര​തി​ഷേ​ധ പ​രി​പാ​ടി​ക​ൾ കൂ​ടു​ത​ൽ ശ​ക്ത​മാ​യി പു​ന​രാ​രം​ഭി​ക്കു​മെ​ന്ന്​ ഇ​വ​ർ പ​റ​യു​ന്നു.