അലിഞ്ഞില്ലാതായി, 20 വർഷത്തെ കാത്തിരിപ്പും നൊമ്പരവും

ത​വ​നൂ​ർ: ജീ​വി​തം മു​ൻ​കൂ​ട്ടി​യെ​ഴു​താ​ൻ ക​ഴി​യാ​ത്ത തി​ര​ക്ക​ഥ​യാ​ണെ​ന്ന വാ​ച​ക​ത്തെ അ​ന്വ​ർ​ഥ​മാ​ക്കു​ന്ന നി​മി​ഷ​ങ്ങ​ൾ​ക്കാ​ണ് ത​വ​നൂ​ർ ​െറ​സ്ക്യൂ ഹോം ​ബു​ധ​നാ​ഴ്ച സാ​ക്ഷി​യാ​യ​ത്. അ​മ്മ​യും മ​ക​നും നേ​രി​ൽ ക​ണ്ട നി​മി​ഷ​ത്തി​ൽ നീ​ണ്ട 20 വ​ർ​ഷ​ത്തെ കാ​ത്തി​രി​പ്പി​ന്റെ നോ​വു​ക​ളും വേ​ദ​ന​ക​ളു​മെ​ല്ലാം അ​ലി​ഞ്ഞി​ല്ലാ​താ​യി. ഇ​നി​യൊ​രി​ക്ക​ലും കൂ​ടി​ച്ചേ​ര​ൽ ഇ​ല്ലെ​ന്ന് ക​രു​തി​യ നേ​ര​ത്താ​യി​രു​ന്നു ഇ​രു​വ​രു​ടെ​യും ക​ണ്ടു​മു​ട്ട​ൽ.

അ​ക്ഷ​യ്ക്ക് നാ​ലും സ​ഹോ​ദ​രി പൂ​ജ​ക്ക് അ​ഞ്ചും വ​യ​സ്സു​ള്ള​പ്പോ​ഴാ​ണ് അ​വ​രു​ടെ മാ​താ​വാ​യ ക​രി​ഷ്മ​യെ ന​ഷ്ട​പ്പെ​ടു​ന്ന​ത്. അ​മ്മ​യു​ടെ കൈ​പി​ടി​ച്ച് സ​ഹോ​ദ​രി​ക്കൊ​പ്പം സ്കൂ​ളി​ൽ പോ​യ നി​മി​ഷം ഒ​രു​മി​ന്നാ​യം​പോ​ലെ ഇ​പ്പോ​ഴും അ​ക്ഷ​യി​ന്റെ മ​ന​സ്സി​ലു​ണ്ട്. മ​ഹാ​രാ​ഷ്ട്ര റോ​ഹ റാ​യ്ഗ​ഡ് സ്വ​ദേ​ശി​നി​യാ​യ ക​രി​ഷ്മ അം​ഗ​ൻ​വാ​ടി അ​ധ്യാ​പി​ക​യാ​യി​രു​ന്നു. മാ​ന​സി​കാ​സ്വാ​സ്ഥ്യ​ത്തെ​ത്തു​ട​ർ​ന്ന് 20 വ​ർ​ഷം മു​മ്പ് അ​ക്ഷ​യ്, പൂ​ജ എ​ന്നി​വ​രെ വി​ദ്യാ​ല​യ​ത്തി​ലാ​ക്കി നാ​ടു​വി​ടു​ക​യാ​യി​രു​ന്നു. അ​ഞ്ച് വ​ർ​ഷ​ത്തോ​ളം പ​ല​യി​ട​ങ്ങ​ളി​ൽ അ​ല​ഞ്ഞു​തി​രി​ഞ്ഞു. 2008 മാ​ർ​ച്ച് 21 ന് ​പെ​രി​ന്ത​ൽ​മ​ണ്ണ പൊ​ലീ​സ് വ​ഴി ത​വ​നൂ​ർ റെ​സ്ക്യൂ ഹോ​മി​ൽ എ​ത്തു​ക​യാ​യി​രു​ന്നു.

സൂ​പ്ര​ണ്ട് മു​ഖേ​ന ക​രി​ഷ്മ​യു​ടെ വി​വ​ര​ങ്ങ​ൾ മി​സ്സി​ങ് പേ​ഴ്സ​ൻ​സ് കേ​ര​ള എ​ന്ന വാ​ട്സ്ആ​പ്പ് ഗ്രൂ​പ്പി​ൽ അ​യ​ക്കു​ക​യും ഝാ​ർ​ഖ​ണ്ഡി​ലെ സാ​മൂ​ഹി​ക​പ്ര​വ​ർ​ത്ത​ക​ൻ മു​ന്നു ശ​ർ​മ​യു​ടെ സ​ഹാ​യ​ത്തോ​ടെ കു​ടും​ബ​ത്തെ ക​ണ്ടെ​ത്തു​ക​യു​മാ​യി​രു​ന്നു. മ​ക്ക​ളാ​യ അ​ക്ഷ​യും പൂ​ജ​യും കു​ടും​ബാം​ഗ​ങ്ങ​ളും വി​ഡി​യോ കാ​ൾ വ​ഴി പ​ര​സ്പ​രം തി​രി​ച്ച​റി​യു​ക​യും മാ​ർ​ച്ച് മൂ​ന്നി​ന് സ്വ​പ്ന​തു​ല്യ​മാ​യ നി​മി​ഷ​ത്തി​ന് സാ​ക്ഷി​യാ​വു​ക​യും ചെ​യ്തു.

പി​ന്നീ​ടെ​ല്ലാം പെ​ട്ടെ​ന്നാ​യി​രു​ന്നു. താ​ലൂ​ക്കി​ൽ​നി​ന്ന് രേ​ഖ​ക​ൾ കൈ​പ്പ​റ്റി മ​ക​നും മ​റ്റ് കു​ടും​ബാം​ഗ​ങ്ങ​ളും ബു​ധ​നാ​ഴ്ച സ്ഥാ​പ​ന​ത്തി​ൽ എ​ത്തി ക​രി​ഷ്മ​യെ സ്വീ​ക​രി​ച്ചു. വെ​ള്ളി​യാ​ഴ്ച ഉ​ച്ച​ക്ക് കു​ടും​ബാം​ഗ​ങ്ങ​ൾ നാ​ട്ടി​ലേ​ക്ക് മ​ട​ങ്ങും. വു​മ​ൺ പ്രൊ​ട്ട​ക്ഷ​ൻ ഓ​ഫി​സ​ർ ടി.​എം. ശ്രു​തി, റെ​സ്ക്യൂ ഹോം ​സൂ​പ്ര​ണ്ട് എ​ൻ. റ​സി​യ, ത​വ​നൂ​ർ മ​ഹി​ള മ​ന്ദി​രം സൂ​പ്ര​ണ്ട് എ​ൻ.​ടി. സൈ​ന​ബ, മി​സ്സി​ങ് പേ​ഴ്സ​ൻ​സ് കേ​ര​ള ഗ്രൂ​പ് അ​ഡ്മി​നും ത​ല​ശ്ശേ​രി ചി​ൽ​ഡ്ര​ൻ​സ് ഹോ​മി​ലെ ചൈ​ൽ​ഡ് വെ​ൽ​ഫെ​യ​ർ ഇ​ൻ​സ്പെ​ക്ട​റു​മാ​യ ഒ.​കെ.​എം. അ​ഷ​റ​ഫ്, മ​റ്റ് സ്ഥാ​പ​ന ജീ​വ​ന​ക്കാ​ർ, മാ​നേ​ജ്മെ​ന്റ് ക​മ്മി​റ്റി അം​ഗം എം. ​ബാ​ല​ച​ന്ദ്ര​ൻ എ​ന്നി​വ​ർ ഇ​വ​രെ യാ​ത്ര​യാ​ക്കി.

ക​രി​ഷ്മ​യു​ടെ ഉ​റ്റ​വ​രെ ക​ണ്ടെ​ത്തി​ക്കൊ​ടു​ക്കാ​നാ​യ​തി​ൽ ഏ​റെ ചാ​രി​താ​ർ​ഥ്യ​മു​ണ്ടെ​ന്ന് മി​സ്സി​ങ് പേ​ഴ്സ​ൻ​സ് കേ​ര​ള വാ​ട്സ്ആ​പ്പ് കൂ​ട്ടാ​യ്മ അ​ഡ്മി​നും ത​ല​ശ്ശേ​രി ചി​ൽ​ഡ്ര​ൻ​സ് ഹോ​മി​ലെ ചൈ​ൽ​ഡ് വെ​ൽ​ഫെ​യ​ർ ഇ​ൻ​സ്പെ​ക്ട​റു​മാ​യ ഒ.​കെ.​എം. അ​ഷ​റ​ഫ്.മ​ഹാ​രാ​ഷ്ട്ര​യി​ലെ സാ​മൂ​ഹി​ക പ്ര​വ​ർ​ത്ത​ക​ൻ മു​ന്നു ശ​ർ​മ​യാ​ണ് നി​ർ​ണാ​യ​ക​ശ്ര​മം ന​ട​ത്തി​യ​തെന്നും അദ്ദേഹം പറഞ്ഞു.