വൃത്തിഹീന സാഹചര്യം; പന്തളത്ത്​ ഹോട്ടൽ അടപ്പിച്ചു

പ​ന്ത​ളം: വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ പ്ര​വ​ർ​ത്തി​ച്ച ഹോ​ട്ട​ൽ ഫ​ല​ക് മ​ജ​രി​സ് ന​ഗ​ര​സ​ഭ ആ​രോ​ഗ്യ​വി​ഭാ​ഗം പൂ​ട്ടി​ച്ചു. ക​ഴി​ഞ്ഞ ദി​വ​സം ഹോ​ട്ട​ൽ ഫ​ല​ക് മ​ജ​രി​സി​ൽ​നി​ന്ന്​ ഭ​ക്ഷ​ണം ക​ഴി​ച്ച കു​ട്ടി​ക്ക് ശാ​രീ​രി​ക അ​സ്വ​സ്ഥ​ത അ​നു​ഭ​വ​പ്പെ​ട്ട​തി​നെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും കു​ടും​ബം ന​ഗ​ര​സ​ഭ​യി​ൽ പ​രാ​തി ന​ൽ​കു​ക​യും ചെ​യ്തി​രു​ന്നു.

ഇ​തി​നെ തു​ട​ർ​ന്നാ​ണ്​ പ​രി​ശോ​ധ​ന ന​ട​ത്തി നോ​ട്ടീ​സ്​ ന​ൽ​കി ന​ഗ​ര​സ​ഭ​യി​ലെ ആ​രോ​ഗ്യ വി​ഭാ​ഗം ഹോ​ട്ട​ൽ അ​ട​പ്പി​ച്ച​ത്. ഉ​ച്ച​ക്കു ശേ​ഷം മാ​ത്രം തു​റ​ന്നു പ്ര​വ​ർ​ത്തി​ക്കു​ന്ന ഹോ​ട്ട​ലി​ൽ ന​ഗ​ര​സ​ഭ ഹെ​ൽ​ത്ത്‌ സൂ​പ്ര​ണ്ട് ബി​നോ​യ്‌ ബി​ജി​യു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ തി​ക​ച്ചും വൃ​ത്തി​ഹീ​ന​മാ​യ ചു​റ്റു​പാ​ടു​ക​ളി​ലാ​ണ്​ പ്ര​വ​ർ​ത്ത​ന​മെ​ന്ന്​ വ്യ​ക്ത​മാ​യി.

ഭ​ക്ഷ്യ​വി​ഷ​ബാ​ധ ഏ​ൽ​ക്കു​ന്ന സം​ഭ​വ​ങ്ങ​ൾ കൂ​ടു​ന്ന പ​ശ്ചാ​ത്ത​ല​ത്തി​ലാ​ണ്​ ജാ​ഗ്ര​ത​യും ക​ർ​ശ​ന ന​ട​പ​ടി​യു​മാ​യി ന​ഗ​ര​സ​ഭ ആ​രോ​ഗ്യ​വ​കു​പ്പ് രം​ഗ​ത്തി​റ​ങ്ങി​യ​ത്. ന​ഗ​ര​സ​ഭ ലൈ​സ​ൻ​സ് ഇ​ല്ലാ​തെ​യാ​ണ് ഹോ​ട്ട​ൽ പ്ര​വ​ർ​ത്തി​ച്ചി​രു​ന്ന​ത്. ലൈ​സ​ൻ​സ് ഹെ​ൽ​ത്ത്‌ കാ​ർ​ഡ്, വെ​ള്ളം പ​രി​ശോ​ധി​ച്ച സ​ർ​ട്ടി​ഫി​ക്ക​റ്റ് ഒ​ന്നും ത​ന്നെ ഇ​ല്ലെ​ന്നും അ​ന്വേ​ഷ​ണ ഉ​ദ്യോ​ഗ​സ്ഥ​ർ ക​ണ്ടെ​ത്തി.

2021ൽ ​കാ​ലാ​വ​ധി തീ​ർ​ന്ന വെ​ള്ളം പ​രി​ശോ​ധി​ച്ച സ​ർ​ട്ടി​ഫി​ക്ക​റ്റാ​ണ് ഇ​പ്പോ​ഴും കൈ​വ​ശം വെ​ച്ചി​രി​ക്കു​ന്ന​ത്. നി​ര​വ​ധി ത​വ​ണ നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ ഉ​ൾ​പ്പെ​ടെ പി​ടി​ച്ചെ​ടു​ത്ത് പി​ഴ​യ​ട​ക്കാ​ൻ നോ​ട്ടീ​സ് ന​ൽ​കി​യ ഹോ​ട്ട​ലാ​ണ് ഇ​ത്. ന​ഗ​ര​സ​ഭ ന​ൽ​കി​യ പി​ഴ​ത്തു​ക​പോ​ലും ഇ​തു​വ​രെ​യും അ​ട​ച്ചി​ട്ടി​ല്ല.

മ​തി​യാ​യ കി​ച്ച​ൺ സൗ​ക​ര്യം ഇ​ല്ലാ​തെ​യാ​ണ് ഈ ​സ്ഥാ​പ​നം നി​ല​വി​ൽ പ്ര​വ​ർ​ത്തി​ച്ചു വ​ന്നി​രു​ന്ന​ത്. ശു​ചി​മു​റി​യു​ടെ പൈ​പ്പി​നോ​ട് ചേ​ർ​ന്ന് മ​സാ​ല പു​ര​ട്ടി​വെ​ച്ചി​രി​ക്കു​ന്ന ഇ​റ​ച്ചി​യാ​ണ് ആ​രോ​ഗ്യ​വ​കു​പ്പ് ക​ണ്ടെ​ത്തി​യ​ത്. സം​ഭ​വ​ത്തെ തു​ട​ർ​ന്ന്​ മ​റ്റ്​ വി​വി​ധ ഹോ​ട്ട​ലു​ക​ളി​ലും ആ​രോ​ഗ്യ​വ​കു​പ്പ് പ​രി​ശോ​ധ​ന ന​ട​ത്തി നോ​ട്ടീ​സ് ന​ൽ​കി. വ​രും ദി​വ​സ​ങ്ങ​ളി​ൽ ക​ർ​ശ​ന​മാ​യ പ​രി​ശോ​ധ​ന ന​ട​ത്തി ശ​ക്ത​മാ​യ ന​ട​പ​ടി സ്വീ​ക​രി​ക്കു​ന്ന​താ​ണെ​ന്ന് ന​ഗ​ര​സ​ഭ സെ​ക്ര​ട്ട​റി ഇ.​ബി അ​നി​ത അ​റി​യി​ച്ചു.

ഹെ​ൽ​ത്ത്‌ ഇ​ൻ​സ്‌​പെ​ക്ട​ർ ഗ്രേ​ഡ് ഒ​ന്ന് വി. ​കൃ​ഷ്ണ​കു​മാ​ർ, ഹെ​ൽ​ത്ത് ഇ​ൻ​സ്‌​പെ​ക്ട​ർ​മാ​രാ​യ പി. ​ആ​ർ. ദീ​പു​മോ​ൻ, ഇ. ​കെ. മ​നോ​ജ്‌, വി. ​അ​നീ​ഷ, എ. ​ഷ​ഹ​ന എ​ന്നി​വ​ർ പ​രി​ശോ​ധ​ന​ക്ക്​ നേ​തൃ​ത്വം ന​ൽ​കി.