സർക്കാർ ജീവനക്കാർ 80 ശതമാനവും നികുതി പരിധിക്ക്​ പുറത്ത്

തി​രു​വ​ന​ന്ത​പു​രം: ആ​ദാ​യ നി​കു​തി പ​രി​ധി 12 ല​ക്ഷ​മാ​ക്കി കേ​ന്ദ്ര ബ​ജ​റ്റി​ല്‍ പ്ര​ഖ്യാ​പി​ച്ച​തോ​ടെ സം​സ്ഥാ​ന സ​ര്‍ക്കാ​ര്‍ ജീ​വ​ന​ക്കാ​രി​ല്‍ 80 ശ​ത​മാ​ന​വും നി​കു​തി​പ​രി​ധി​ക്ക്​ പു​റ​ത്താ​യി. പ്ര​തി​മാ​സം ഒ​രു ല​ക്ഷം രൂ​പ​ക്ക്​ മു​ക​ളി​ല്‍ ശ​മ്പ​ളം വാ​ങ്ങു​ന്ന ജീ​വ​ന​ക്കാ​ര്‍ ആ​ദാ​യ നി​കു​തി അ​ട​ച്ചാ​ല്‍ മ​തി​യാ​കും. സം​സ്ഥാ​ന സ​ര്‍ക്കാ​റി​ന്​ കീ​ഴി​ലെ 5.5 ല​ക്ഷം ജീ​വ​ന​ക്കാ​രി​ല്‍ ഏ​താ​ണ്ട് 80,000ത്തി​ന്​ താ​ഴെ പേ​ര്‍ മാ​ത്ര​മേ പു​തി​യ പ്ര​ഖ്യാ​പ​ന​പ്ര​കാ​രം ആ​ദാ​യ​നി​കു​തി അ​ട​യ്​​ക്കേ​ണ്ട​താ​യി വ​രൂ. സെ​ക്ര​ട്ടേ​റി​യ​റ്റി​ൽ അ​ണ്ട​ര്‍ സെ​ക്ര​ട്ട​റി ഹ​യ​ര്‍ ഗ്രേ​ഡി​ന്​ മു​ക​ളി​ലു​ള്ള ജീ​വ​ന​ക്കാ​ർ മാ​ത്ര​മാ​ണ്​ അ​ടു​ത്ത സാ​മ്പ​ത്തി​ക​വ​ര്‍ഷം ആ​ദാ​യ​നി​കു​തി അ​ട​യ്‌​ക്കേ​ണ്ടി വ​രി​ക.

മ​റ്റ്​ വ​കു​പ്പു​ക​ളി​ല്‍ ഡെ​പ്യൂ​ട്ടി ഡ​യ​റ​ക്ട​ര്‍, ഡി​വൈ.​എ​സ്.​പി, കോ​ള​ജ് അ​ധ്യാ​പ​ക​ര്‍, നി​ശ്ചി​ത​വ​ര്‍ഷം സ​ര്‍വി​സു​ള്ള ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍ സീ​നി​യ​ര്‍ അ​ധ്യാ​പ​ക​ര്‍ തു​ട​ങ്ങി​യ​വ​ര്‍ ആ​ദാ​യ​നി​കു​തി സ്ലാ​ബി​ല്‍ ഉ​ള്‍പ്പെ​ടും.

കേ​ന്ദ്ര ബ​ജ​റ്റി​ല്‍ പ്ര​ഖ്യാ​പി​ച്ച ആ​ദാ​യ​നി​കു​തി ഇ​ള​വി​ലൂ​ടെ ജീ​വ​ന​ക്കാ​ര്‍ക്ക് കു​റ​ഞ്ഞ​ത് ഒ​രു മാ​സ​ത്തെ ശ​മ്പ​ളം ലാ​ഭ​മാ​കു​മെ​ന്നാ​ണ്​ ക​ണ​ക്കാ​ക്കു​ന്ന​ത്. ധ​ന​വ​കു​പ്പി​ന്റെ ക​ണ​ക്കു​പ്ര​കാ​രം 2,88,120 സ​ര്‍ക്കാ​ര്‍ ജീ​വ​ന​ക്കാ​രാ​ണ് 50,000 രൂ​പ​ക്ക് മു​ക​ളി​ല്‍ ശ​മ്പ​ളം വാ​ങ്ങു​ന്ന​ത്.

നി​ല​വി​ലെ സ​മ്പ്ര​ദാ​യ പ്ര​കാ​രം 3.5 ല​ക്ഷ​ത്തോ​ളം ജീ​വ​ന​ക്കാ​ര്‍ ആ​ദാ​യ നി​കു​തി പ​രി​ധി​യി​ല്‍ ഉ​ള്‍പ്പെ​ട്ടി​രു​ന്നു.

ഇ​താ​ണ് ഏ​താ​ണ്ട് നാ​ലി​ലൊ​ന്നാ​യി കു​റ​യു​ന്ന​ത്. എ​ന്നാ​ല്‍, ഐ.​എ.​എ​സ്, ഐ.​പി.​എ​സ് അ​ട​ക്ക​മു​ള്ള സി​വി​ല്‍ സ​ര്‍വി​സ് ഉ​ദ്യോ​ഗ​സ്ഥ​രി​ല്‍ ജൂ​നി​യ​ര്‍ ഉ​ദ്യോ​ഗ​സ്ഥ​ര്‍ ഒ​ഴി​കെ​യു​ള്ള​വ​ര്‍ ആ​ദാ​യ​നി​കു​തി അ​ട​യ്‌​ക്കേ​ണ്ടി​വ​രും.