അഖിൽ വധശ്രമം: നസീമിനും ശിവരഞ്​ജിത്തി​നും ജാമ്യമില്ല

തി​രു​വ​ന​ന്ത​പു​രം: യൂ​നി​വേ​ഴ്​​സി​റ്റി കോ​ള​ജിൽ അഖിൽ എന്ന വിദ്യാർഥിയെ വധിക്കാൻ ശ്രമിച്ച കേസിൽ റിമാൻഡി ൽ കഴിയുന്ന എസ്​.എഫ്​.ഐ നേതാക്കളുടെ ജാമ്യാപേക്ഷ കോടതി തള്ളി. ഒന്നാം പ്രതി ശിവരഞ്​ജിത്തും രണ്ടാം പ്രതി നസീമും സ മർപ്പിച്ച ജാമ്യാപേക്ഷയാണ്​ വഞ്ചിയൂർ ഫസ്​റ്റ്​ ക്ലാസ്​ ജുഡീഷ്യൽ മജിസ്​ട്രേറ്റ്​ കോടതി തള്ളിയത്​.

പ്രതികൾക്ക്​ ജാമ്യം അനുവദിച്ചാൽ ഗുരുതര ക്രമസമാധാന പ്രശ്​നങ്ങൾ ഉണ്ടാകുമെന്നും രണ്ട്​ പ്രതികളും നിരവധി ക്രിമിനൽ കേസുകളിൽ ഉൾപ്പെട്ടവരാണെന്നുമുള്ള പ്രോസിക്യൂഷൻ വാദം അംഗീകരിച്ചാണ്​ ജാമ്യാപേക്ഷ തള്ളിയത്​. മറ്റ്​ പ്രതികളായ ആദിൽ, അദ്വൈത്​ എന്നിവരുടെ പരീക്ഷാ ​ഹാൾ ടിക്കറ്റ്​ വേണമെന്ന ആവശ്യവും കോടതി അംഗീകരിച്ചില്ല. പ്രിൻസിപ്പലിൻെറ രേഖാമൂലമുള്ള അനുമതി വാങ്ങി വരുവാനും കോടതി നിർദേശിച്ചു.

നാ​ല്​ മു​ത​ൽ ആ​റ്​ വ​രെ പ്ര​തി​ക​ളാ​യ മ​ണി​ക​ണ്ഠ​ൻ അ​ദ്വൈ​ത്, ആ​ദി​ൽ മു​ഹ​മ്മ​ദ്, ആ​രോ​മ​ൽ എ​ന്നി​വ​രു​ടെ ജാ​മ്യാ​പേ​ക്ഷ കോ​ട​തി ക​ഴി​ഞ്ഞ ​ദി​വ​സം നി​ര​സി​ച്ചി​രു​ന്നു. കേ​സി​ൽ 17 പ്ര​തി​ക​ളു​ണ്ടെ​ന്നാ​ണ്​ പൊ​ലീ​സ്​ പ​റ​യു​ന്ന​ത്. ഇ​തി​ൽ ആ​റ്​ പ്ര​തി​ക​ളെ​യാ​ണ്​ പി​ടി​കൂ​ടി​യ​ത്.

യൂ​നി​വേ​ഴ്​​സി​റ്റി കോ​ള​ജ്​ സം​ഭ​വം മാ​ധ്യ​മ​ങ്ങ​ൾ പെ​രു​പ്പി​ച്ച്​ കാ​ണി​ക്കു​ന്ന​താ​ണെ​ന്നും കോ​ള​ജു​ക​ളി​ൽ സാ​ധാ​ര​ണ ന​ട​ക്കാ​റു​ള്ള അ​ടി​പി​ടി മാ​ത്ര​മാ​ണ്​ അ​വി​ടെ​യു​ണ്ടാ​യ​തെ​ന്നുമായിരുന്നു കോ​ട​തി​യി​ൽ പ്ര​തി​ഭാ​ഗ​ത്തി​​​െൻറ വാ​ദം. എ​ന്നാ​ൽ, കേ​സ്​ കെ​ട്ടി​ച്ച​മ​ച്ച​ത​ല്ലെ​ന്നും വി​ദ്യാ​ർ​ഥി​യു​ടെ പ​രി​ക്ക്​ ഗു​രു​ത​ര​മാ​ണെ​ന്നും പ്രോ​സി​ക്യൂ​ഷ​ൻ വ്യക്തമാക്കിയിരുന്നു.

അതേസമയം ഉത്തരക്കടലാസ്​ വിവാദത്തിൽ പ്രാഥമിക അന്വേഷണത്തിന്​ ​േ​ശഷം കേസ്​ രജിസ്​റ്റർ ചെയ്യാമെന്നാണ്​ ക്രൈംബ്രാഞ്ച്​ നിലപാട്​.