ഊരാളുങ്കൽ സൊസൈറ്റിയുടെ ആസ്ഥാനമന്ദിരം ഇനി ഓർമ

കോഴിക്കോട്​: വടകരയിലെ ഊരാളുങ്കൽ ലേബർ കോൺട്രാക്ട്​ കോഓപറേറ്റിവ് സൊസൈറ്റിയുടെ അരനൂറ്റാണ്ടിലേറെ പഴക്കമുള്ള ആസ്ഥാനമന്ദിരം ദേശീയപാത വികസനത്തിനായി പൊളിച്ചുനീക്കുന്നു. ജോലി വ്യാഴാഴ്​ച തുടങ്ങും.

പഴയ ഓഫിസിനുമുന്നിൽ സൊസൈറ്റിയുടെ ആദ്യകാലപ്രവർത്തകരും നിലവിലെ ഭാരവാഹികളും ജീവനക്കാരും അണിനിരന്ന് ഫോട്ടോയെടുത്തു.

ദേശീയപാത വീതികൂട്ടുമ്പോൾ കെട്ടിടം സ്വന്തം ചെലവിൽ പൊളിച്ചുനീക്കുമെന്ന്​ സൊസൈറ്റി പ്രഖ്യാപിച്ചിരുന്നു. പഴയ കെട്ടിടത്തിന്​ പിറകിൽ ബഹുനില ഓഫിസ് നിർമിക്കുകയും ചെയ്തു.

നിരവധി പ്രമുഖർ സന്ദർശിച്ച ചരിത്രമുറങ്ങുന്ന കെട്ടിടമാണ്​ പൊളിച്ചു നീക്കുന്നതെന്ന്​ ഊരാളുങ്കൽ സൊസൈറ്റി വാർത്തക്കുറിപ്പിൽ അറിയിച്ചു.