ജനപ്രതിനിധികളെ ചോദ്യം ചെയ്യാൻ തീരുമാനിച്ചിട്ടില്ല- ആലുവ റൂറൽ എസ്​.പി

ആലുവ: നടിയെ ആക്രമിച്ച കേസുമായി ബന്ധപ്പെട്ട്​ ജനപ്രതിനിധികളെ ചോദ്യം ചെയ്യാൻ തീരുമാനിച്ചിട്ടില്ലെന്ന്​ ആലുവ റൂറൽ എസ്​.പി എ.വി ജോർജ്​. ആരോപണമുയർന്നാൽ ആർക്കെതിരെയും അന്വേഷണം നടത്തുമെന്നും എ.വി ജോർജ്​ അറിയിച്ചു.

​നേരത്തെ കൊല്ലം എം.എൽ.എ മുകേഷ്​, ആലുവ എം.എൽ.എ അൻവർ സാദത്ത്​ എന്നിവ​​രെ നടിയെ ആക്രമിച്ച കേസുമായി ബന്ധപ്പെട്ട്​ ചോദ്യം ചെയ്യുമെന്ന്​ വാർത്തകളുണ്ടായിരുന്നു. നടിയെ ആക്രമിച്ച കേസിലെ ഒന്നാം പ്രതി പൾസർ സുനി മുമ്പ്​ മുകേഷി​​​െൻറ ഡ്രൈവറായിരുന്നു. ദിലീപുമായി അടുത്ത ബന്ധമുള്ള വ്യക്​തിയാണ്​ അൻവർ സാദത്ത്​. ഇതാണ്​ ഇരുവരെയും ചോദ്യം ചെയ്യാൻ സാധ്യതയുണ്ടെന്ന്​ വാർത്തകൾ വരാൻ കാരണം.

അൻവർ സാദത്ത്​ എം.എൽ.എയുടെ പങ്ക്​ അന്വേഷിക്കണമെന്ന്​ ആവശ്യപ്പെട്ട്​ ഡി.വൈ.എഫ്​.​െഎ പൊലീസിൽ​ പരാതിയും നൽകിയിട്ടുണ്ട്​. ഇതിന്​ പിന്നാലെയാണ്​ നിലപാട്​ വ്യക്​തമാക്കി റൂറൽ എസ്​.പി രംഗത്തെത്തിയത്​​.