കരുവന്നൂർ കേസ്​ സി.പി.എമ്മിന്‍റെ പൊൻതൂവൽ -വി. മുരളീധരൻ

കൊച്ചി: കരുവന്നൂർ കേസിലൂടെ കള്ളപ്പണക്കേസിൽ പ്രതിയാക്കപ്പെടുന്ന പാർട്ടി എന്ന​ പുതിയൊരു പൊൻതൂവൽകൂടി സി.പി.എമ്മിന്​ കിട്ടിയിരിക്കുകയാണെന്ന്​ ബി.ജെ.പി നേതാവും മുൻ കേന്ദ്രമന്ത്രിയുമായ വി. മുരളീധരൻ. ഒരു രാഷ്​ട്രീയ പാർട്ടി ആദ്യമായാണ്​ കള്ളപ്പണക്കേസിൽ പ്രതിയാക്കപ്പെടുന്നതെന്നും അദ്ദേഹം പറഞ്ഞു.

രാഷ്ട്രീയ രംഗത്ത്​ സുതാര്യത വേണമെന്ന്​ പറയുന്നവരാണ്​ സി.പി.എം​. ക്വട്ടേഷനടക്കം സി.പി.എം നേതാക്കൾ ഏറ്റെടുത്ത്​ നടത്തുന്നുവെന്ന്​ പാർട്ടിയിലുള്ളവർ തന്നെ വിളിച്ചു പറയാൻ തുടങ്ങിയിരിക്കുന്നു എന്നും മുരളീധരൻ മാധ്യമപ്രവർത്തകരോട്​ പറഞ്ഞു.