ജീവിതം മടുത്തുവെന്ന് കുറിപ്പ്; ഹാസ്യകലാകാരൻ ജീവനൊടുക്കിയ നിലയിൽ

കോഴിക്കോട്: ജീവിതം മടുത്തുവെന്ന് കുറിപ്പെഴുതി വെച്ച ശേഷം ഹാസ്യകലാകാരനെ ജീവനൊടുക്കിയ നിലയിൽ കണ്ടെത്തി. വളയം ടൗണിലെ ഓട്ടോഡ്രൈവർ കൂടിയായ പിള്ളാട്ട് സി.പി. ഷാജിയെയാണ് തൂങ്ങിമരിച്ച നിലയിൽ കണ്ടെത്തിയത്. 41 വയസായിരുന്നു.

ഷാജിയെ ഇന്നലെ കാണാതായതിനെ തുടർന്ന് നടത്തിയ തിരച്ചിലിലാണ് വീട്ടുപറമ്പിലെ മരത്തിൽ തൂങ്ങിയ നിലയിൽ കണ്ടെത്തിയത്. ആത്മഹത്യ കുറിപ്പും കണ്ടെത്തി. ജീവിതം മടുത്തുവെന്ന് കുറിപ്പിലെഴുതിവെച്ചതായാണ് റിപ്പോർട്ട്.

വളയം പൊലീസ് സ്ഥലത്തെത്തി ഇൻക്വസ്റ്റ് നടത്തിയ ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. അച്ഛൻ പരേതനായ കേളപ്പൻ, അമ്മ ജാനു.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ് ലൈൻ നമ്പർ: 1056)