വന്ദേഭാരത് ഇരിക്കട്ടെ, സിൽവർ ലൈനിനായി മുന്നോട്ട് പോകാനുറച്ച് സംസ്ഥാന സർക്കാർ

തിരുവനന്തപുരം: കേരളത്തിന് വന്ദേഭാരത് ട്രെയിന്‍ അനുവദിച്ചെങ്കിലും സില്‍വര്‍ ലൈൻ പദ്ധതിക്ക് പകരമാവില്ലെന്ന നിലപാടിലാണ് സംസ്ഥാന സർക്കാർ. പുതിയ സാഹചര്യത്തിൽ സിൽവർ ലൈനിനായുളള പ്രവർത്തനം ശക്തമാക്കാനാണ് സർക്കാർ തീരുമാനം. സില്‍വര്‍ ലൈനി​െൻറ കേന്ദ്രാനുമതിക്ക് വേണ്ടിയുള്ള ​ശ്രമം തുടരും. വന്ദേഭാരത്, കെ-റെയിലിനു ബദൽ എന്ന നിലക്കാണ് ബി.ജെ.പി ​കേന്ദ്രങ്ങൾ ചിത്രീകരിക്കുന്നത്.

നിലവിൽ സാമൂഹിക മാധ്യങ്ങളിലുൾപ്പെടെ വന്ദേഭാരത് ട്രെയിൻ അനുവദിച്ചത് വലിയ സംഭവമായി അവതരിപ്പിക്കുന്നതിനെതിരെ ഇടത് അനുകൂല സൈബർ സംഘം രംഗത്തുണ്ട്. വിവിധ നേതാക്കളും ഇന്ത്യയിൽ തന്നെ ഏറ്റവും വരുമാനം റെയി​ൽവേക്ക് സമ്മാനിക്കുന്ന കേരളത്തിന് അർഹിക്കുന്ന പരിഗണന നൽകിയില്ലെന്ന് കുറ്റപ്പെടുത്തി രംഗത്ത് വന്നിരുന്നു.

വ​ന്ദേ​ഭാ​ര​ത് വലിയ രീതിയിലുള്ള ആഘോഷമാക്കാൻ ബി.ജെ.പി ശ്രമിക്കുന്നതിന് പിന്നിൽ സി.പി.എമ്മിന്റെ കെ-റെയിൽ സ്വപ്നം തീർന്നുവെന്ന് വരുത്താനാണ്. ഈയൊരു പശ്ചാതലത്തിൽ ഏറെ കരുതലോടെ നീങ്ങാനാണ് സി.പി.എം ​തീരുമാനം.

ഇതിനിടെ, കേരളത്തിന് അനുവദിച്ച വ​ന്ദേ​ഭാ​ര​ത് എ​ക്സ്പ്രസ് കാ​സ​ർ​കോ​ട് ജി​ല്ല​യെ ഒ​ഴി​വാ​ക്കി ക​ണ്ണൂ​രി​ൽ സ​ർ​വി​സ് അ​വ​സാ​നി​ക്കും. തി​രു​വ​ന​ന്ത​പു​ര​ത്തു നി​ന്ന് പു​ല​ർ​ച്ച അ​ഞ്ചി​ന് മു​മ്പ് പു​റ​പ്പെ​ട്ട് എ​ട്ടു​മ​ണി​ക്കൂ​റി​ന​കം ക​ണ്ണൂ​രി​ലെ​ത്തി തി​രി​ച്ചു രാ​ത്രി തി​രു​വ​ന​ന്ത​പു​ര​ത്തേ​ക്ക് എ​ത്തു​ന്ന രീ​തി​യി​ലാ​യി​രി​ക്കും വ​ന്ദേ​ഭാ​ര​ത് സ​ർ​വി​സ് ന​ട​ത്തു​ക. ഇ​തു​സം​ബ​ന്ധി​ച്ച് ഔ​ദ്യോ​ഗി​ക​മാ​യി റെ​യി​ൽ​വേ അ​ധി​കൃ​ക​ത​ർ​ക്ക് യാ​തൊ​രു അ​റി​യി​പ്പും ഇ​തു​വ​രെ ല​ഭി​ച്ചി​ട്ടി​ല്ല.

ക​ണ്ണൂ​രി​ൽ പ​ക​ൽ ചു​രു​ങ്ങി​യ സ​മ​യം മാ​ത്ര​മേ നി​ർ​ത്തി​യി​ടു​ക​യു​ള്ളൂ​വെ​ന്ന് ഉ​റ​പ്പാ​ണ്. സ​ർ​വി​സ് ആ​രം​ഭി​ക്കു​ന്ന​തോ​ടെ ക​ണ്ണൂ​ർ കാ​സ​ർ​കോ​ട് ജി​ല്ല​യി​ലെ​യും യാ​ത്ര​ക്കാ​ർ​ക്ക് ഏ​റെ ഉ​പ​കാ​ര​പ്പെ​ടു​മെ​ന്നു​റ​പ്പാ​ണ്. പ​ക​ൽ സ​മ​യ​ങ്ങ​ളി​ൽ സ​ർ​വി​സ് ന​ട​ത്തു​ന്ന​തി​നാ​ൽ വ​ന്ദേ​ഭാ​ര​ത് സ​ർ​വി​സി​ന് വേ​ണ്ടി മ​റ്റു ട്രെ​യി​നു​ക​ൾ വ​ഴി​യി​ൽ പി​ടി​ച്ചി​ടേ​ണ്ടി വ​രു​മെ​ന്നും ഇ​തു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്നു. എ​ന്നാ​ൽ തി​രു​വ​ന​ന്ത​പു​രം, എ​റ​ണാ​കു​ളം ജി​ല്ല​ക​ളി​ൽ ജോ​ലി​ചെ​യ്യു​ന്ന ഉ​ദ്യോ​ഗ​സ്ഥ​ർ​ക്കും മ​റ്റും വേ​ഗ​ത്തി​ൽ ക​ണ്ണൂ​രി​ലേ​ക്ക് എ​ത്താ​ൻ വ​ന്ദേ​ഭാ​ര​ത് എ​ത്തു​ന്ന​തോ​ടെ ഏ​റെ ഉ​പ​കാ​ര​പ്ര​ദ​മാ​ണ്. സ​ർ​വി​സ് സ​മ​യ​ങ്ങ​ളി​ൽ കൂ​ടു​ത​ൽ വ്യ​ക്ത​ത വ​ന്നാ​ൽ മാ​ത്ര​മേ പൂ​ർ​ണ​രൂ​പം ല​ഭി​ക്കു​ക​യു​ള്ളൂ.