വണ്ടിപ്പെരിയാർ കൊലപാതകം: മൂന്നുവയസ്സുമുതൽ കുട്ടി പീഡനത്തിനിരയായെന്ന്​ കുറ്റപത്രം

തൊ​ടു​പു​ഴ: വ​ണ്ടി​പ്പെ​രി​യാ​റി​ൽ ആ​റു​വ​യ​സ്സു​കാ​രി​യെ പീ​ഡി​പ്പി​ച്ച​ശേ​ഷം കെ​ട്ടി​ത്തൂ​ക്കി കൊ​ല​പ്പെ​ടു​ത്തി​യ കേ​സി​ൽ പൊ​ലീ​സ് കു​റ്റ​പ​ത്രം സ​മ​ർ​പ്പി​ച്ചു. ബ​ലാ​ത്സം​ഗം, കൊ​ല​പാ​ത​കം എ​ന്നീ കു​റ്റ​ങ്ങ​ളും പോ​ക്സോ വ​കു​പ്പും ചു​മ​ത്തി​യാ​ണ്​ പെ​ൺ​കു​ട്ടി​യു​ടെ അ​യ​ൽ​വാ​സി​യാ​യ പ്ര​തി അ​ർ​ജു​നെ​തി​രെ (22) തൊ​ടു​പു​ഴ പോ​ക്​​സോ കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. 300 പേ​ജു​ള്ള കു​റ്റ​പ​ത്ര​ത്തി​ൽ 65 സാ​ക്ഷി​ക​ളെ​യും 250 പേ​രു​ടെ മൊ​ഴി​യും ഉ​ൾ​പ്പെ​ടു​ത്തി​യി​ട്ടു​ണ്ട്.

തേ​യി​ല എ​സ്​​റ്റേ​റ്റ്​ ല​യ​ത്തി​ൽ താ​മ​സി​ച്ചി​രു​ന്ന പെ​ൺ​കു​ട്ടി​യെ ജൂ​ൺ 30നാ​ണ്​ കൊ​ല്ല​പ്പെ​ട്ട​നി​ല​യി​ൽ ക​ണ്ട​ത്. വ​ണ്ടി​പ്പെ​രി​യാ​ർ സി.​ഐ ടി.​ഡി. സു​നി​ൽ​കു​മാ​റി​െൻറ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​ത്തി​ൽ നാ​ലു​ദി​വ​സ​ത്തി​ന​കം പ്ര​തി അ​റ​സ്​​റ്റി​ലാ​യി. പ്ര​തി​ക്ക്​ പ​ര​മാ​വ​ധി ശി​ക്ഷ ഉ​റ​പ്പാ​ക്കാ​നും സ്വാ​ഭാ​വി​ക ജാ​മ്യം ത​ട​യാ​നു​മാ​ണ്​ അ​റ​സ്​​റ്റി​ലാ​യി 90 ദി​വ​സം തി​ക​യും മു​മ്പ്​ കു​റ്റ​പ​ത്രം സ​മ​ർ​പ്പി​ച്ച​ത്. കു​ട്ടി​ക്ക്​ മൂ​ന്ന്​ വ​യ​സ്സു​ള്ള​പ്പോ​ൾ മു​ത​ൽ അ​ർ​ജു​ൻ പീ​ഡി​പ്പി​ച്ചി​രു​ന്ന​താ​യും പ്ര​കൃ​തി​വി​രു​ദ്ധ പീ​ഡ​നം ന​ട​ന്ന​താ​യും കൊ​ല​ക്കു​ശേ​ഷം തെ​ളി​വ്​ ന​ശി​പ്പി​ക്കാ​ൻ ശ്ര​മി​ച്ച​താ​യും കു​റ്റ​പ​ത്ര​ത്തി​ൽ പ​രാ​മ​ർ​ശ​മു​ണ്ട്​. മി​ഠാ​യി ന​ൽ​കി​യാ​ണ്​ കു​ട്ടി​യെ വ​ശീ​ക​രി​ച്ചി​രു​ന്ന​ത്.

സം​ഭ​വ​ദി​വ​സം കു​ട്ടി​യു​ടെ മാ​താ​പി​താ​ക്ക​ൾ ജോ​ലി​ക്കു​പോ​യ സ​മ​യം ഇ​യാ​ൾ വീ​ട്ടി​ലെ​ത്തി. പീ​ഡ​ന​ത്തി​നി​ടെ ബോ​ധ​ര​ഹി​ത​യാ​യ കു​ട്ടി​യെ വീ​ട്ടി​ലെ ക​യ​റി​ൽ കെ​ട്ടി​ത്തൂ​ക്കി എ​ന്നാ​ണ് പ്ര​തി​യു​ടെ മൊ​ഴി. ഇ​യാ​ൾ ഇ​​പ്പോ​ൾ ജി​ല്ല ജ​യി​ലി​ൽ റി​മാ​ൻ​ഡി​ലാ​ണ്. ക​ളി​ക്കു​ന്ന​തി​നി​ടെ ഷാ​ൾ ക​ഴു​ത്തി​ൽ കു​രു​ങ്ങി മ​രി​ച്ച​താ​ണെ​ന്നാ​ണ്​ ആ​ദ്യം എ​ല്ലാ​വ​രും ക​രു​തി​യ​ത്.

പോ​സ്​​​റ്റ്​​മോ​ർ​ട്ട​ത്തി​ലാ​ണ്​ കൊ​ല​പാ​ത​ക​മാ​ണെ​ന്ന്​ തെ​ളി​ഞ്ഞ​ത്. പെ​ൺ​കു​ട്ടി​യു​ടെ ദേ​ഹ​ത്തു​നി​ന്ന്​ പ്ര​തി​യു​ടെ മു​ടി ഉ​ൾ​പ്പെ​ടെ ശാ​സ്ത്രീ​യ തെ​ളി​വു​ക​ൾ പൊ​ലീ​സ്​ ശേ​ഖ​രി​ച്ചി​രു​ന്നു.

സം​ഭ​വ ദി​വ​സം അ​ർ​ജു​നൊ​പ്പം ഉ​ണ്ടാ​യി​രു​ന്ന സു​ഹൃ​ത്തു​ക്ക​ൾ, ല​യ​ത്തി​ലെ തൊ​ഴി​ലാ​ളി​ക​ൾ എ​ന്നി​വ​രി​ൽ​നി​ന്നും മി​ഠാ​യി വാ​ങ്ങാ​റു​ണ്ടാ​യി​രു​ന്ന ക​ട​ക്കാ​ര​നി​ൽ​നി​ന്നും തെ​ളി​വു​ക​ൾ ശേ​ഖ​രി​ച്ചി​ട്ടു​ണ്ട്.