നാർകോട്ടിക്​ വ്യാപനത്തിന്​ പലതരം സംഘങ്ങ​​ൾ​ -മുഖ്യമന്ത്രി

തിരുവനന്തപുരം: നാർകോട്ടിക്​ വ്യാപനത്തിന്​ പലതരം സംഘങ്ങൾ പലയിടത്തും പ്രവർത്തിക്കുന്നുവെന്ന്​ മുഖ്യമന്ത്രി പിണറായി വിജയൻ. സമൂഹത്തിൽ ഗുണകരമായി ചിന്തിക്കുന്നവരും ദുഷിച്ച്​ ചിന്തിക്കുന്നവരും ഉണ്ടാകും. ദുഷിച്ച രീതിയിൽ ചിന്തിക്കുന്ന ചിലർ സ്വാർഥത മുൻനിർത്തി പണം സമ്പാദിക്കാൻ തെറ്റായ വഴിയ​ിലേക്ക്​ പോകും. വളരുന്ന തലമുറയെ തകർക്കുന്ന ഇടപെടലുകളിലേക്ക്​ ഇവർ കടക്കുന്നു.

165 സ്​കൂളുകളിലേക്കുകൂടി സ്​റ്റുഡൻസ്​ കേഡറ്റ്​ പദ്ധതി വ്യാപിപ്പിക്കുന്നതി​െൻറ ഉദ്​ഘാടനം നിർവഹിക്കുകയായിരുന്നു മുഖ്യമന്ത്രി. ആരോഗ്യമുള്ള തലമുറയെ വാർ​ത്തെടുക്കാൻ നാം പ്രയത്​നിക്കു​േമ്പാൾ നാടിനെതിരെ ചിന്തിക്കുന്ന ശക്തികൾ ഭാവി തകർക്കാനും ശാരീരികവും മാനസികവുമായി ആരോഗ്യമുള്ള തലമുറ വരാതിരിക്കാനും ശ്രമിക്കുകയാണ്​. സ്​റ്റുഡൻസ്​ പൊലീസിന്​ ഇത്തരം പ്രവണതകളെ സ്​കൂളുകളിൽ നല്ലരീതിയിൽ പ്രതിരോധിക്കാനാകണം.

എല്ലാ സ്​കൂളുകളിലേക്കും എസ്​.പി.സി പദ്ധതി വ്യാപിപ്പിക്കും. പുതുതലമുറയെ വാർത്തെടുക്കാൻ വലിയ സംഭാവന സ്​റ്റുഡൻസ്​ കേഡറ്റ്​ പദ്ധതി നൽകുന്നെന്നും അദ്ദേഹം പറഞ്ഞു. മന്ത്രി വി. ശിവൻകുട്ടി അധ്യക്ഷതവഹിച്ച​ു. ചീഫ് സെക്രട്ടറി ഡോ. വി.പി. ജോയ്, ഡി.ജി.പി അനിൽ കാന്ത്, പ്രിൻസിപ്പൽ സെക്രട്ടറി എ.പി.എം. മുഹമ്മദ് ഹനീഷ്, എ.ഡി.ജി.പി മനോജ് എബ്രഹാം, ഐ.ജി പി. വിജയൻ, പൊതുവിദ്യാഭ്യാസ വകുപ്പ് ഡയറക്ടർ കെ. ജീവൻ ബാബു, എക്സൈസ്​ വിജിലൻസ്​ എസ്​.പി കെ. മുഹമ്മദ് ഷാഫി എന്നിവർ പങ്കെടുത്തു.