കണ്ണൂർ സർവകലാശാലയിലെ വിവാദ സിലബസ്​ പിൻവലിക്കില്ലെന്ന്​ വി.സി; പഠിക്കാൻ രണ്ടംഗ സമിതിയെ നിയമിച്ചു

കണ്ണൂർ: കണ്ണൂർ സർവകലാശാലയിലെ വിവാദ സിലബസ്​ പിൻവലിക്കില്ലെന്ന്​ വി.സി പ്രൊഫ. ഗോപിനാഥ്​ രവീന്ദ്രൻ. കാവിവത്​കരണമെന്ന ആരോപണം തെറ്റാണെന്നും അദ്ദേഹം വാർത്താ സമ്മേളനത്തിൽ പറഞ്ഞു.

പഠിക്കേണ്ടത്​ തന്നെയാണ്​ സിലബസിലുള്ളത്​. ആരോപണം ഉയർന്ന പശ്ചാത്തലത്തിൽ സിലബസിനെ കുറിച്ച്​ പഠിക്കാൻ രണ്ടംഗ സമിതിയെ നിയോഗിച്ചിട്ടുണ്ട്​. അവരുടെ റിപ്പോർട്ടിന്​ ശേഷമെ സിലബസ്​ പിൻവലിക്കുന്നതിനെ പറ്റി ആലോചിക്കുള്ളു. സർവകലാശാലക്ക്​ പുറത്തുള്ള അധ്യാപകരെയാണ്​ പഠിക്കാൻ നിയമിച്ചിരിക്കുന്നതെന്നും അദ്ദേഹം കൂട്ടിച്ചേർത്തു.

പി.ജി കോഴ്​സിൽ ആർ.എസ്​.എസ്​ സൈദ്ധാന്തികരുടെ പുസ്​തകങ്ങൾ ഉൾപ്പെടുത്താനുള്ള തീരുമാനം വലിയ വിവാദമായിരുന്നു. ഗോ​ൾ​വാ​ൾ​ക്ക​റു​ടെ 'വീ ​ഓ​ർ ഔ​ർ നാ​ഷ​ൻ​ഹു​ഡ് ഡി​ഫൈ​ൻ​ഡ്', 'ബ​ഞ്ച് ഓ​ഫ് തോ​ട്ട്സ്', സ​വ​ർ​ക്ക​റു​ടെ 'ഹി​ന്ദു​ത്വ; ഹൂ ​ഇ​സ്​ എ ​ഹി​ന്ദു' എ​ന്നീ പു​സ്​​ത​ക​ങ്ങ​ളി​െ​ല ചി​ല ഭാ​ഗ​ങ്ങ​ളാ​ണ്​​ സി​ല​ബ​സി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

എം.​എ ഗ​വേ​ണ​ൻ​സ് ആ​ൻ​ഡ് പൊ​ളി​റ്റി​ക്ക​ൽ സ​യ​ൻ​സ് പി.​ജി മൂ​ന്നാം സെ​മ​സ്​​റ്റ​റി​ലാ​ണ് വി​വാ​ദ പാ​ഠ​ഭാ​ഗ​ങ്ങ​ൾ ഉ​ള്ള​ത്. തീം​സ് - ഇ​ന്ത്യ​ൻ പൊ​ളി​റ്റി​ക്ക​ൽ തോ​ട്ട് എ​ന്ന പേ​പ്പ​റി​ലാ​ണ്​ പു​സ്​​ത​ക​ങ്ങ​ൾ പാ​ഠ​ഭാ​ഗ​ങ്ങ​ളാ​യു​ള്ള​ത്. കൂ​ടാ​തെ, ഹി​ന്ദു​ത്വ​വാ​ദി​ക​ളാ​യ ദീ​ന​ദ​യാ​ൽ ഉ​പാ​ധ്യാ​യ, ബാ​ൽ​രാ​ജ് മ​ധോ​ക് എ​ന്നി​വ​രു​ടെ പു​സ്​​ത​ക​ങ്ങ​ളി​ലെ ചി​ല ഭാ​ഗ​ങ്ങ​ളും സി​ല​ബ​സി​ലുണ്ട്.

അതെസമയം ബോ​ർ​ഡ് ഓ​ഫ് സ്​​റ്റ​ഡീ​സ് രൂ​പ​വ​ത്​​ക​രി​ക്കാ​തെ സി​ല​ബ​സ് ത​യാ​റാ​ക്കി എ​ന്ന​ ആ​ക്ഷേ​പം ഉയർന്നിട്ടുണ്ട്​. സി​ല​ബ​സ് പാ​ന​ലി​ലെ ഒ​രു വി​ഭാ​ഗം അ​ധ്യാ​പ​ക​രു​ടെ താ​ൽ​പ​ര്യം മാ​ത്രം പ​രി​ഗ​ണി​ച്ചാ​ണ് പേ​പ്പ​റു​ക​ൾ തീ​രു​മാ​നി​ച്ച​ത്. സി​ല​ബ​സിനെക്കുറിച്ച്​ ച​ർ​ച്ച ന​ട​ന്നി​ട്ടി​ല്ല. മ​റ്റ് അ​ധ്യാ​പ​ക​ർ നി​ർ​ദേ​ശി​ച്ച പേ​പ്പ​റു​ക​ളെ​ല്ലാം ഒ​രു വി​ഭാ​ഗം ത​ള്ളി​ക്ക​ള​ഞ്ഞ് സ്വ​ന്തം ഇ​ഷ്​​ട​പ്ര​കാ​ര​മാ​ണ്‌ ക​മ്മി​റ്റി പാ​ഠ്യ​പ​ദ്ധ​തി തീ​രു​മാ​നി​ച്ച​തെന്നും ആക്ഷേപം ഉണ്ട്​. എം.​എ പൊ​ളി​റ്റി​ക്ക​ൽ സ​യ​ൻ​സ് ആ​യി​രു​ന്ന പി.​ജി കോ​ഴ്സ് ഈ ​വ​ർ​ഷം മു​ത​ലാ​ണ് എം.​എ ഗ​വേ​ണ​ൻ​സ് ആ​ൻ​ഡ്​ പൊ​ളി​റ്റി​ക്ക​ൽ സ​യ​ൻ​സ് ആ​യ​ത്

ഇതിനെതിരെ വിവിധ വിദ്യാർഥി സംഘടനകൾ പ്രക്ഷോഭരംഗത്താണ്​.എന്നാൽ യൂനിവേഴ്​സിറ്റി നിലപാടിനെ പിന്തുണക്കുന്ന നിലപാടാണ് എസ്​.എഫ്​.ഐയുടെ നേതൃത്വത്തിലുള്ള​ യൂനിയൻ സ്വീകരിച്ചത്​.