ക്രൈസ്തവർ ആക്രമിക്കപ്പെടുന്നു എന്നത് യാഥാർത്ഥ്യം, അതെല്ലാം വിശ്വാസികളുടെ മനസ്സിലുണ്ട് -വി.ഡി സതീശൻ
text_fieldsതിരുവനന്തപുരം: ക്രൈസ്തവർ ആക്രമിക്കപ്പെടുന്നു എന്നത് രാജ്യത്തെ യാഥാർത്ഥ്യമാണെന്ന് പ്രതിപക്ഷ നേതാവ് വി.ഡി. സതീശൻ. മദർ തെരേസക്ക് നൽകിയ ഭാരത രത്ന തിരിച്ചുവാങ്ങണമെന്ന് പറഞ്ഞത് ഈ ആർ.എസ്.എസ് ആണ്. അതെല്ലാം യഥാർത്ഥ ക്രൈസ്തവ വിശ്വാസികളുടെ മനസ്സിലുണ്ട്. ഹിന്ദുവിന്റെ അട്ടിപ്പേർ അവകാശം ആർ.എസ്.എസ് ഏറ്റെടുക്കേണ്ട, പ്രത്യേകിച്ചും കേരളത്തിൽ -അദ്ദേഹം പഞ്ഞു.
തിരുവനന്തപുരം രൂപതയുടെ നേതൃത്വത്തിൽ വിഴിഞ്ഞത്ത് സമരം നടന്നപ്പോൾ സി.പി.എമ്മിന് ഒപ്പമായിരുന്നു ആർ.എസ്.എസ്.
ചർച്ച് ബില്ലിന്റെ ഉള്ളടക്കം ആർക്കും അറിയില്ലെന്നും അത് അറിയാതെ പ്രതികരിക്കണമെന്ന് മന്ത്രി പറഞ്ഞാൽ ഞാനെന്തു പറയാനാണെന്നും അദ്ദേഹം ചോദിച്ചു. ചർച്ച് ബില്ലിന്റെ കോപ്പി നൽകിയാൽ പ്രതികരിക്കാം. ചർച്ച് ബില്ലിന്റെ ഉള്ളടക്കം മന്ത്രി വെളിപ്പെടുത്തണം. താൻ നടത്തുന്ന ഇഫ്താർ സർക്കാർ ചെലവിൽ അല്ലെന്നും യു.ഡി.എഫ് ആണ് ചെലവ് വഹിക്കുകയെന്നും അദ്ദേഹം ആരോപണങ്ങൾക്ക് മറുപടി നൽകി.
ദുരിതാശ്വാസനിധി ദുര്വിനിയോഗക്കേസിലെ ഹരജിക്കാരനെ പേപ്പട്ടിയോട് ഉപമിച്ച ലോകായുക്ത പ്രസ്താവന പിന്വലിച്ച് മാപ്പ് പറയണമെന്നും അദ്ദേഹം ആവശ്യപ്പെട്ടു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.