വാക്പോര്: വി.ഡി. സതീശനെതിരെ ഇ.പി. ജയരാജൻ, ബി.ജെ.പി ‘ബന്ധം’ ഇ.പി. സമ്മതിച്ചുവെന്ന് സതീശൻ

തി​രു​വ​ന​ന്ത​പു​രം: പ്ര​തി​പ​ക്ഷ ​നേ​താ​വ്​ വി.​ഡി. സ​തീ​ശ​നെ​തി​രെ ​അ​ഴി​മ​തി ആ​രോ​പ​ണ​വു​മാ​യി ഇ​ട​തു​മു​ന്ന​ണി ക​ൺ​വീ​ന​ർ ഇ.​പി. ജ​യ​രാ​ജ​ൻ. വി.​ഡി. സ​തീ​ശ​ൻ മ​ത്സ്യ​വ​ണ്ടി​യി​ൽ 150 കോ​ടി രൂ​പ ക​ട​ത്തി​യെ​ന്നും അ​ത്​ ഇ.​ഡി ​അ​ന്വേ​ഷി​ക്കാ​ത്ത​ത്​ കോ​ൺ​ഗ്ര​സ്​-​ബി.​ജെ.​പി അ​ന്ത​ർ​ധാ​ര​യാ​ണെ​ന്നും ജ​യ​രാ​ജ​ൻ പ​റ​ഞ്ഞു. പി.​വി. അ​ൻ​വ​ർ എം.​എ​ൽ.​എ നി​യ​മ​സ​ഭ​യി​ൽ ഉ​ന്ന​യി​ച്ച ആ​രോ​പ​ണം അ​ന്ന്​ പ്ര​തി​പ​ക്ഷ നേ​താ​വ്​ നി​ഷേ​ധി​ച്ചി​രു​ന്നു. ഇ​താ​ദ്യ​മാ​യാ​ണ്​ ഒ​രു സി.​പി.​എം നേ​താ​വ്​ പി.​വി. അ​ൻ​വ​റി​ന്‍റെ ആ​രോ​പ​ണം ഏ​റ്റു​പി​ടി​ക്കു​ന്ന​ത്.

ഇ.​പി. ജ​യ​രാ​ജ​ന്‍റെ ഭാ​ര്യ​ക്ക് ഓ​ഹ​രി​യു​ള്ള ക​ണ്ണൂ​രി​ലെ വൈ​ദേ​കം റി​സോ​ർ​ട്ട്​ ബി.​ജെ.​പി തി​രു​വ​ന​ന്ത​പു​രം സ്ഥാ​നാ​ർ​ഥി കേ​ന്ദ്ര​മ​ന്ത്രി രാ​ജീ​വ്​ ച​ന്ദ്ര​ശേ​ഖ​റി​ന്‍റെ ഭാ​ര്യ​ക്ക്​ പ​ങ്കാ​ളി​ത്ത​മു​ള്ള നി​രാ​മ​യ ക​മ്പ​നി ഏ​റ്റെ​ടു​ത്ത​ത്​ സി.​പി.​എം-​ബി.​ജെ.​പി പൊ​ളി​റ്റി​ക്ക​ൽ ഡീ​ൽ ആ​ണെ​ന്നാ​യി​രു​ന്നു വി.​ഡി. സ​തീ​ശ​ന്‍റെ ആ​രോ​പ​ണം. ആ​രോ​പ​ണം ത​ള്ളി​യ സി.​പി.​എം സം​സ്ഥാ​ന സെ​​ക്ര​ട്ട​റി എം.​വി. ഗോ​വി​ന്ദ​ൻ പ​ക്ഷേ, വൈ​ദേ​കം-​നി​രാ​മ​യ ക​രാ​ർ സം​ബ​ന്ധി​ച്ച വി​ശ​ദീ​ക​ര​ണ​ത്തി​ന്​ ത​യാ​റാ​യി​ല്ല.

പാ​ർ​ട്ടി​യി​ൽ​നി​ന്ന്​ നേ​രി​ട്ടു​ള്ള പി​ന്തു​ണ​യി​ല്ലെ​ന്ന ഘ​ട്ട​ത്തി​ലാ​ണ്​ ഇ.​പി. ജ​യ​രാ​ജ​ൻ പ്ര​തി​പ​ക്ഷ നേ​താ​വി​നെ​തി​രെ ക​ടു​ത്ത പ്ര​ത്യാ​രോ​പ​ണ​വു​മാ​യി രം​ഗ​ത്തു​വ​ന്ന​ത്. തൃ​ക്കാ​ക്ക​ര​യി​ലെ സ്ഥാ​നാ​ർ​ഥി​ക്കെ​തി​രെ അ​ശ്ലീ​ല വി​ഡി​യോ ഇ​റ​ക്കി​യ​തി​നു​പി​ന്നി​ല്‍ സ​തീ​ശ​നാ​ണ്. എ​ന്റെ ഭാ​ര്യ രാ​ജീ​വ് ച​ന്ദ്ര​ശേ​ഖ​റി​നൊ​പ്പം ഇ​രി​ക്കു​ന്ന വ്യാ​ജ​ചി​ത്രം പ്ര​ച​രി​പ്പി​ച്ച​തി​നു​പി​ന്നി​ൽ വി.​ഡി. സ​തീ​ശ​നാ​ണ്. ക​ണ്ണൂ​ർ ജി​ല്ല പൊ​ലീ​സ് മേ​ധാ​വി​ക്ക് ഭാ​ര്യ പ​രാ​തി ന​ൽ​കി. സ്വ​പ്ന സു​രേ​ഷി​നെ ഉ​പ​യോ​ഗി​ച്ച് മു​ഖ്യ​മ​ന്ത്രി​ക്കെ​തി​രെ വ്യാ​ജ വാ​ർ​ത്ത ച​മ​ച്ച​ത് സ​തീ​ശ​നാ​ണ്. വൈ​ദേ​ക​ത്തി​ൽ ഭാ​ര്യ​ക്കു​ള്ള ഓ​ഹ​രി വി​ൽ​ക്കു​ക​യാ​ണ്. ക​മ്യൂ​ണി​സ്റ്റു​കാ​ര​നാ​യ ത​ന്നെ ക​ള​ങ്ക​പ്പെ​ടു​ത്താ​ൻ അ​നു​വ​ദി​ക്കി​ല്ല. അ​തി​നാ​ലാ​ണ് ഓ​ഹ​രി വി​ൽ​ക്കു​ന്ന​തെ​ന്നും ജ​യ​രാ​ജ​ൻ പ​റ​ഞ്ഞു.

ബി.ജെ.പി ‘ബന്ധം’ ഇ.പി. സമ്മതിച്ചുവെന്ന് സതീശൻ

പ​റ​വൂ​ർ: ഇ.പി. ജയരാജനും കുടുംബത്തിനും ഓഹരി പങ്കാളിത്തമുള്ള വൈദേകം റിസോര്‍ട്ടും കേന്ദ്രമന്ത്രിയും തിരുവനന്തപുരത്തെ ബി.ജെ.പി സ്ഥാനാർഥിയുമായ രാജീവ് ചന്ദ്രശേഖറിന്‍റെ കമ്പനിയും തമ്മില്‍ ബിസിനസ് ബന്ധമുണ്ടെന്ന ആരോപണം ഇ.പി. ജയരാജന്‍ ശരിവെച്ചിരിക്കുകയാണെന്ന്​ പ്രതിപക്ഷ നേതാവ് വി.ഡി. സതീശൻ. പറവൂരില്‍ വാര്‍ത്തസമ്മേളനത്തിൽ സംസാരിക്കുകയായിരുന്നു അദ്ദേഹം. തനിക്കോ ഭാര്യക്കോ ഓഹരി പങ്കാളിത്തം ഉണ്ടെങ്കില്‍ അത് പ്രതിപക്ഷ നേതാവിനും ഭാര്യക്കും നല്‍കാമെന്ന് പറഞ്ഞിരുന്ന ജയരാജന്‍, ഇന്ന് തന്‍റെ ഭാര്യക്ക് വൈദേകത്തില്‍ ഓഹരി പങ്കാളിത്തമുണ്ടെന്ന് സമ്മതിച്ചിരിക്കുകയാണ്. എനിക്കും കുടുംബത്തിനും ജയരാജന്‍റെ ഓഹരി വേണ്ട. ജയരാജന്‍റെ ഭാര്യക്ക് പങ്കാളിത്തമുള്ള റിസോര്‍ട്ട് രാജീവ് ചന്ദ്രശേഖറിന്‍റെ കമ്പനിയുമായി കരാറുണ്ടാക്കിയശേഷമാണ് വൈദേകം-നിരാമയ റിസോർട്ട്​ എന്ന് പേരുമാറ്റിയത്.

സമുന്നതനായ പാർട്ടി നേതാവും ബി.ജെ.പി നേതാവും തമ്മില്‍ ബിസിനസ് പങ്കാളിത്തം അനുവദിക്കുന്ന പാര്‍ട്ടിയാണോ സി.പി.എം? ഇത്തരം ബിസിനസിനെക്കുറിച്ച് സംസ്ഥാന കമ്മിറ്റിയും കേന്ദ്ര കമ്മിറ്റിയും അറിഞ്ഞില്ലേ? കേരളത്തില്‍ പല മണ്ഡലത്തിലും ബി.ജെ.പി രണ്ടാംസ്ഥാനത്ത് വരുമെന്നും രാജീവ് ചന്ദ്രശേഖര്‍ ഉള്‍പ്പെടെയുള്ളവര്‍ മിടുമിടുക്കന്മാരാണെന്നും ജയരാജന്‍ പറഞ്ഞപ്പോഴാണ് ഇതിന് പിന്നിലെ ബന്ധമെന്തെന്ന് ഞങ്ങള്‍ അന്വേഷിച്ചത്. അപ്പോഴാണ് ഇവർ തമ്മിലുള്ള ബിസിനസ് ബന്ധം മനസ്സിലായത്. വൈദേകം റിസോര്‍ട്ടില്‍ നടന്ന ഇ.ഡി റെയ്ഡ് സെറ്റില്‍ ചെയ്യാനാണ് രാജീവ് ചന്ദ്രശേഖറിന്‍റെ കമ്പനി ഏറ്റെടുത്തത്. ഇങ്ങനെ ഭയപ്പെടുത്തിയാണോ വൈദേകവുമായി കരാര്‍ ഉണ്ടാക്കിയതെന്ന് രാജീവ് ചന്ദ്രശേഖര്‍ പറയണം. കൊടകര കുഴല്‍പണക്കേസില്‍ പിടിച്ചെടുത്ത പണം ഇന്‍കം ടാക്‌സിനെ ഏല്‍പിച്ചിട്ടില്ലെന്ന് ഇന്‍കം ടാക്‌സ് ഡയറക്ടര്‍ ജനറല്‍ വെളിപ്പെടുത്തിയിട്ടുണ്ട്. കുഴൽപണക്കേസ് അന്വേഷണം എന്തായി? പ്രധാനപ്പെട്ട ഒരു ബി.ജെ.പി നേതാവും കേസില്‍ പ്രതിയായില്ലെന്നും അദ്ദേഹം കൂട്ടിച്ചേർത്തു.