കേന്ദ്ര-സംസ്ഥാന സര്ക്കാരുകള് സമ്മതിച്ചാലും കെ റെയില് പദ്ധതി നടപ്പാക്കാന് അനുവദിക്കില്ലെന്ന് വി.ഡി. സതീശൻ
text_fieldsകോട്ടയം: കേന്ദ്ര- സംസ്ഥാന സര്ക്കാരുകള് സമ്മതിച്ചാലും കെ-റെയില് പദ്ധതി നടപ്പാക്കാന് പ്രതിപക്ഷം അനുവദിക്കില്ലെന്ന് പ്രതിപക്ഷ നേതാവ് വി.ഡി. സതീശൻ. കെ-റെയില് അപ്രായോഗികവും കേരളത്തില് ഒരു കാരണവശാലും നടപ്പാക്കാന് കഴിയാത്തതുമാണ്.
കേരളത്തെ പാരിസ്ഥിതികമായും സാമ്പത്തികമായും തകര്ക്കുന്നതും വെറും കമീഷന് വേണ്ടി മാത്രം കൊണ്ടുവന്നതുമായ പാദ്ധതിയാണ് കെ-റെയില്. സ്കൂള് കുട്ടികള്ക്ക് ഉച്ചഭക്ഷണം കൊടുക്കാന് കഴിവില്ലാത്ത സര്ക്കാരാണ് രണ്ട് ലക്ഷം കോടി മുടക്കി കെ-റെയില് കൊണ്ടുവരാന് പോകുന്നത്. ഇന്ത്യയിലെ ഒരു സംസ്ഥാനത്തിനും ഇല്ലാത്ത കനത്ത ബാധ്യതയാണ് കേരളത്തിനുളളത്.
ട്രഷറി താഴിട്ട് പൂട്ടിയ സ്ഥിതിയിലാണ്. 12,000 കോടി രൂപ കരാറുകാര്ക്ക് കൊടുക്കാനുണ്ട്. 40,000 കോടി രൂപ ജീവനക്കാര്ക്ക് കൊടുക്കാനുണ്ട്. അപ്പോഴാണ് 2 ലക്ഷം കോടി മുടക്കി കെ-റെയില് കൊണ്ടുവരുന്നത്. ഒരു കാരണവശാലും പ്രതിപക്ഷം ഇത് അനുവദിക്കില്ലെന്നും വി.ഡി. സതീശൻ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.