വി.ഡി. സതീശൻ തീക്കൊള്ളി കൊണ്ട് തല ചൊറിയുന്നു -പി.ഡി.പി

കൊച്ചി: മതപരമായ കാര്യങ്ങളിൽ തീരുമാനം പറയാനുള്ള പണ്ഡിതന്മാരുടെ അവകാശത്തെ മറികടന്ന്​ വഖഫ് ചെയ്ത വസ്തുവകകളെ കുറിച്ച് വിധിന്യായം പറഞ്ഞ് ഒരു സമുദായത്തെ പരിഹസിച്ച പ്രതിപക്ഷ നേതാവ്​ വി.ഡി. സതീശൻ തീക്കൊള്ളി കൊണ്ടാണ് തല ചൊറിയുന്നതെന്ന് പി.ഡി.പി വൈസ് ചെയർമാൻ ടി.എ മുഹമ്മദ്‌ ബിലാൽ പറഞ്ഞു.

മുനമ്പത്തേത് വഖഫ് ഭൂമിയാണെന്നതിന് രേഖകൾ അടിവരയിടുമ്പോൾ വെള്ളത്തിന് തീ പിടിപ്പിക്കുന്ന സതീശന്റെ പ്രസ്താവന അടുത്ത മുഖ്യമന്ത്രി പദവി സ്വപ്നം കണ്ടാണ്​. സംഘ പരിവാരത്തെയും കാസ പോലുള്ള തീവ്ര ക്രൈസ്തവരെയും പ്രീണിപ്പിക്കുകയാണ്​ സതീശൻ ചെയ്യുന്നത്​. വിഷയത്തിൽ ലീഗ് മൗനം വെടിഞ്ഞ്​ നിലപാട് പറയണമെന്നും പി.ഡി.പി ആവശ്യപ്പെട്ടു.