കോവിഡ്​ മരണങ്ങളുടെ പുതിയ പട്ടിക ഉടൻ തയാറാക്കണം- പ്രതിപക്ഷ നേതാവ്

കോഴിക്കോട്​: ​കോവിഡ്​ മരണങ്ങളുടെ കണക്ക്​ തയാറാക്കുന്നതിൽ ലോകാരോഗ്യ സംഘടനയുടെയും ഐ.സി.എം.ആറി​‍െൻറയും മാനദണ്ഡങ്ങൾ പൂർണമായി സംസ്​ഥാന സർക്കാർ ലംഘിച്ചതായും മാനദണ്ഡം പാലിച്ച​ുള്ള​ മരണ ലിസ്​റ്റ്​ 10 ദിവസത്തിനകം തയാറാക്കാൻ ജില്ല കലകട്​ർമാർക്ക്​ സർക്കാർ നിർദേശം നൽകണമെന്നും പ്രതിപക്ഷ നേതാവ്​ വി.ഡി.സതീശൻ. കാലിക്കറ്റ്​ പ്രസ്​ ക്ലബ്​ മീറ്റ്​ ദപ്രസ്​ പരിപാടിയിൽ സംസാരിക്കുകയായിരുന്നു അദ്ദേഹം.

വൈകിയാൽ കേന്ദ്ര സർക്കാർ നഷ്​ട പരിഹാരത്തിനുള്ള ഉത്തരവിറക്കിയതിനു​ ശേഷം മരണസംഖ്യ കൂട്ടിയ ലിസ്​റ്റ്​ പ്രഖ്യാപിച്ചുവെന്ന ആരോപണം വരും. ചികിത്സിക്കുന്ന ഡോക്​ടർ​ എന്തു​ തരം മരണമെന്ന്​​ നിശ്ചയിക്കേണ്ടതിനു​ പകരം തിരുവനന്തപുരത്ത്​ വിദഗ്​ധ സമിതിയെ ചുമതലയേൽപ്പിച്ചതാണ് പ്രശ്​നമായത്​​. മരണസംഖ്യ കുറച്ചുകാണിക്കാനുള്ള ഗൂഢാലോചന പൊളിയുമെന്ന ഭയമാണിപ്പോൾ.

മരണത്തിന്​ സർക്കാറാണ്​ കാരണക്കാരെന്ന്​ ഞങ്ങൾ പറയില്ല. അത്​ പേടിച്ച്​ മെഡിക്കൽ രേഖകളിൽ കൃത്രിമം കാ​ട്ടേണ്ട. വീടും പറമ്പും പണയംവെച്ച്​ ചികിത്സ നടത്തിയ ആയിരങ്ങളുടെ പേര്​ ലിസ്​റ്റിലില്ല. ബന്ധുക്കൾ പരാതി കൊടുത്താൽ മതിയെന്നാണ്​​ ഇപ്പോൾ സർക്കാർ പറയുന്നത്​. മന്ത്രിക്കോ കലക്​ടർക്കോ വില്ലേജാപ്പീസിലോ പരാതി കൊടുത്താൽതന്നെ പൊതു ജനങ്ങൾക്ക്​​ കോവിഡ്​ ഉണ്ടെന്ന്​ തെളിവ്​ കൊടുക്കാനാവുമോ​? തെളിവു മുഴുവൻ ആരോഗ്യവകുപ്പിൻെറയും തദ്ദേശവകുപ്പി െൻറയും കൈയിലാണ്​. ശ്​മശാനങ്ങളിൽ കോവിഡ്​ പ്രേ​ട്ടോകോളിൽ സംസ്​കരിച്ചവരുടെ രേഖകളുണ്ട്​.

പെട്രോളിനും ഡീസലിനും പാചകവാതകത്തിനും മര്യാദയില്ലാതെ വിലകൂട്ടി ജനങ്ങളെ പീഡിപ്പിക്കുന്നതിൽ ക്രൂരമായ ആനന്ദം കണ്ടെത്തുകയാണ്​ കേ​ന്ദ്ര സർക്കാർ. സംസ്​ഥാന സർക്കാർ ഓരോ തവണ വില കൂട്ടു​േമ്പാഴും വരുമാനം കൂടുന്നതിൽ രഹസ്യമായി ആനന്ദിക്കുന്നു. മുട്ടിൽ മരം മുറി കേസിൽ വനം മാഫിയ​െയ രക്ഷിക്കാൻ കർഷകർക്കും ആദിവാസികൾക്കുമെതിരെ കേസെടുക്കുകയാണ്​. കൊള്ളക്ക്​ കാരണമായ സർക്കാർ ഉത്തരവ്​ പിൻവലിച്ച ഫെബ്രുവരി രണ്ടി​‍െൻറ പിറ്റേന്ന്​ അന്നത്തെ വനം മന്ത്രിയുടെ അഡീഷനൽ ​പ്രൈവറ്റ്​ സെക്രട്ടറി വനം മാഫിയയുമായി ഫോണിൽ സംസാരിച്ചതിന്​ രേഖയുണ്ട്​.

അന്നുച്ചക്ക്​ പാസില്ലാത്ത മരം മുഴുവൻ ലക്കിടി ചെക്​ പോസ്​റ്റ്​ വഴി എറണാകുളത്തെത്തി. ലക്കിടി ചെക്​ പോസ്​റ്റിലെ ഫെബ്രുവരി മൂന്നിലെ രജിസ്​റ്ററിലെ രണ്ട്​ കോളം വെള്ള വൈറ്റ്​നർ െവച്ച്​ മായ്​ച്ച നിലയിലാണ്​. തെളിവുകൾ വെച്ച്​ അന്നത്തെ വനം, റവന്യൂ മന്ത്രിമാരെ കൂടി പ്രതികളാക്കാനാകുമെന്നും സതീശൻ പറഞ്ഞു​. എം.കെ.രാഘവൻ എം.പിയും പ​ങ്കെടുത്തു. പ്രസ്​ക്ലബ്​ പ്രസിഡൻറ്​ എം.ഫിറോസ്​ ഖാൻ അധ്യക്ഷത വഹിച്ചു. ട്രഷറർ ഇ.പി.മുഹമ്മദ്​ സ്വാഗതം പറഞ്ഞു.