അട്ടപ്പാടിയിലെ സ്ഥിതി പരിശോധിക്കേണ്ടത് തന്‍റെ ബാധ്യതയാണെന്ന് വീണാ ജോർജ്

പാലക്കാട്​: അട്ടപ്പാടിയിലെ സ്ഥിതി പരിശോധിക്കേണ്ടത് ത​െൻറ ബാധ്യതയാണെന്ന്​ ആരോഗ്യമന്ത്രി വീണാ ജോർജ്​​. അത് ഇനിയും ചെയ്യും. അട്ടപ്പാടിയിൽ സന്ദർശനം നടത്താൻ തലേ ദിവസമാണ് തീരുമാനിച്ചത്. ത​െൻറ സന്ദർശനവുമായി ബന്ധപ്പെട്ട് ആശുപത്രി സൂപ്രണ്ട് പറയുന്ന രാഷ്​ട്രീയ ആരോപണങ്ങൾക്ക് മറുപടി പറയാനില്ല. താൻ ചെയ്യുന്നത് ത​െൻറ ഉത്തരവാദിത്തമാണെന്നും മന്ത്രി വ്യക്​തമാക്കി.

Also Read:അട്ടപ്പാടിയിലെ അരിവാൾ രോഗം: സ്​ക്രീനിങ്​ ക്യാമ്പുകൾ മുടങ്ങിയിട്ട്​ എട്ടുവർഷം

നേരത്തെ, ആരോഗ്യമന്ത്രി വീണാ ജോര്‍ജ് അട്ടപ്പാടി സന്ദര്‍ശിച്ചതെന്തിനെന്ന ചോദ്യവുമായി പ്രതിപക്ഷ നേതാവ് വി.ഡി സതീശൻ രംഗത്തെത്തിയിരുന്നു. ആദിവാസികള്‍ക്കുവേണ്ടി ഒരു പദ്ധതിയും പ്രഖ്യാപിച്ചിട്ടില്ലെന്നും ആരോഗ്യമന്ത്രി വന്നുപോയിട്ടും അട്ടപ്പാടിയില്‍ ഒരു മാറ്റവും ഉണ്ടായിട്ടില്ലെന്നും അദ്ദേഹം കുറ്റപ്പെടുത്തിയിരുന്നു.

Also Read:അട്ടപ്പാടി ശിശുമരണം: ആശുപത്രി സൂപ്രണ്ടിനെ ബലിയാടാക്കാൻ സർക്കാർ നീക്കം; തുറന്നടിച്ച്​ ഡോ. പ്രഭുദാസ്​

ആരോഗ്യമന്ത്രിയുടെ സന്ദര്‍ശന സമയത്ത് നോഡല്‍ ഓഫീസറെ ഇല്ലാത്ത യോഗത്തിന്റെ പേര് പറഞ്ഞ് തിരുവനന്തപുരത്തേക്ക് മാറ്റിയതായി പരാതി ഉയർന്നിരുന്നു. പ്രതിപക്ഷ നേതാവ് എത്തുന്നതിന് മുമ്പ് അട്ടപ്പാടിയിലെത്താനുള്ള തിടുക്കമായിരുന്നു ആരോഗ്യമന്ത്രിക്കെന്ന് നോഡല്‍ ഓഫീസര്‍ ഡോ. പ്രഭുദാസ് പറഞ്ഞിരുന്നു.