അവിടെ രജിസ്റ്റർ ചെയ്ത്​ ഇവിടെ ഓടേണ്ട; നികുതി വെട്ടിക്കുന്ന ബസുകൾക്കെതിരെ നടപടിക്കൊരുങ്ങി സർക്കാർ

തി​രു​വ​ന​ന്ത​പു​രം: മ​റ്റു​ സം​സ്ഥാ​ന​ങ്ങ​ളി​ൽ ര​ജി​സ്റ്റ​ർ ചെ​യ്​​ത്​ കേ​ര​ള​ത്തി​ൽ ഓ​​ടു​ന്ന അ​ന്ത​ർ​സം​സ്ഥാ​ന ​കോ​ൺ​ട്രാ​ക്​​ട്​ കാ​ര്യേ​ജ്​ ബ​സു​ക​ൾ​ക്കെ​തി​രെ ന​ട​പ​ടി​ക്കൊ​രു​ങ്ങി മോ​ട്ടോ​ർ വാ​ഹ​ന​വ​കു​പ്പ്. നി​കു​തി​​ വെ​ട്ടി​ക്കു​ന്ന​തി​നാ​യി മ​റ്റു​ സം​സ്ഥാ​ന​ങ്ങ​ളി​ൽ ര​ജി​സ്റ്റ​ർ ചെ​യ്യു​ക​യും ഓ​ൾ ഇ​ന്ത്യ പെ​ർ​മി​റ്റെ​ടു​ത്ത്​ കേ​ര​ള​ത്തി​ൽ​നി​ന്ന്​ മ​റ്റു​ സം​സ്ഥാ​ന​ങ്ങ​ളി​ലേ​ക്കും തി​രി​ച്ചും സ​ർ​വി​സ്​ ന​ട​ത്തു​ക​യും ചെ​യ്യു​ന്ന​താ​ണ്​ ഇ​ത്ത​രം ബ​സു​ക​ളു​ടെ രീ​തി. കേ​ര​ള​ത്തി​ൽ ര​ജി​സ്റ്റ​ർ ചെ​യ്യേ​ണ്ട വാ​ഹ​ന​ങ്ങ​ൾ 2021ലെ ​ഓ​ൾ ഇ​ന്ത്യ പെ​ർ​മി​റ്റ് ആ​ൻ​ഡ്​ ഓ​ത​റൈ​സേ​ഷ​ൻ ച​ട്ട​ങ്ങ​ൾ പ്ര​കാ​രം നാ​ഗാ​ലാ​ന്‍ഡ്, ഒ​ഡി​ഷ, അ​രു​ണാ​ച​ൽ പ്ര​ദേ​ശ് എ​ന്നി​വി​ട​ങ്ങ​ളി​ൽ ര​ജി​സ്റ്റ​ർ ചെ​യ്ത് ഓ​ൾ ഇ​ന്ത്യ ടൂ​റി​സ്റ്റ് പെ​ർ​മി​റ്റ് സ്വ​ന്ത​മാ​ക്കി കേ​ര​ള​ത്തി​ൽ ഓ​ടു​ന്ന​ത്​ വ്യാ​പ​ക​മാ​ണ്. കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും ക​ർ​ണാ​ട​ക​യി​ലെ​യും ഉ​യ​ർ​ന്ന നി​കു​തി​യി​ൽ​നി​ന്നും ര​ക്ഷ​നേ​ടു​ക എ​ന്ന​താ​ണ് ഇ​ത്ത​രം ര​ജി​സ്ട്രേ​ഷ​നു​ക​ളു​ടെ ല​ക്ഷ്യം.

ക​ർ​ണാ​ട​ക, ത​മി​ഴ്​​നാ​ട്​ സം​സ്ഥാ​ന​ങ്ങ​ൾ ഇ​ത്ത​രം ബ​സു​ക​ൾ​ക്ക്​ ത​ങ്ങ​ളു​ടെ സം​സ്ഥാ​ന​ത്ത്​ നി​കു​തി ഏ​ർ​​പ്പെ​ടു​ത്തു​ക​യും ഇ​വ ക​ർ​ശ​ന​മാ​യി നി​രീ​ക്ഷി​ക്കു​ക​യും ചെ​യ്യു​ന്നു​ണ്ട്. ഇ​തേ മാ​തൃ​ക​യി​ൽ കേ​ര​ള​വും നി​കു​തി ഏ​ർ​പ്പെ​ടു​ത്തി​യി​ട്ടു​ണ്ടെ​ങ്കി​ലും പ​ല ബ​സു​ക​ളും ഇ​വ അ​ട​ക്കാ​ൻ ത​യാ​റാ​കു​ന്നി​ല്ല. ഇ​ത്ത​രം ബ​സു​ക​ൾ​ക്കെ​തി​രെ ന​വം​ബ​ർ ഒ​ന്നു മു​ത​ൽ ന​ട​പ​ടി ക​ർ​ശ​ന​മാ​ക്കാ​നാ​ണ്​ ഗ​താ​ഗ​ത ക​മീ​ഷ​ണ​റേ​റ്റി​ന്‍റെ തീ​രു​മാ​നം. ഇ​ത്ത​രം വാ​ഹ​ന​ങ്ങ​ൾ കേ​ര​ള​ത്തി​ലേ​ക്ക്​ ര​ജി​സ്​​ട്രേ​ഷ​ൻ മാ​റ്റ​ണം. അ​​ല്ലാ​ത്ത പ​ക്ഷം മോ​ട്ടോ​ർ വാ​ഹ​ന ടാ​ക്സേ​ഷ​ൻ നി​യ​മ പ്ര​കാ​രം നി​കു​തി ഈ​ടാ​ക്കാ​നാ​ണ്​ നി​ർ​ദേ​ശം.

ര​ജി​സ്ട്രേ​ഷ​ൻ മാ​റ്റു​ക​യോ കേ​ര​ള​ത്തി​ലെ നി​കു​തി അ​ട​ക്കു​ക​യോ ചെ​യ്യാ​ത്ത വാ​ഹ​ന​ങ്ങ​ൾ ന​വം​ബ​ർ ഒ​ന്നു മു​ത​ൽ കേ​ര​ള​ത്തി​ൽ സ​ർ​വി​സ് ന​ട​ത്താ​ൻ അ​നു​വ​ദി​ക്കി​ല്ല.

വി​നോ​ദ​സ​ഞ്ചാ​രം പ്രോ​ത്സാ​ഹി​പ്പി​ക്കു​ന്ന​തി​ന്‍റെ ഭാ​ഗ​മാ​യും കേ​ന്ദ്രീ​കൃ​ത പെ​ര്‍മി​റ്റ് സം​വി​ധാ​ന​ത്തി​ന്‍റ ഭാ​ഗ​വു​മാ​യാ​ണ്​ കേ​ന്ദ്ര​സ​ര്‍ക്കാ​ര്‍ 'ഓ​ള്‍ ഇ​ന്ത്യ പെ​ര്‍മി​റ്റ്' സം​വി​ധാ​നം ഏ​ര്‍പ്പെ​ടു​ത്തി​യ​ത്. വാ​ഹ​ന ഉ​ട​മ​ക​ളി​ല്‍നി​ന്നും പ​ണം വാ​ങ്ങി കേ​ന്ദ്ര​ഉ​പ​രി​ത​ല ഗ​താ​ഗ​ത​മ​ന്ത്രാ​ല​യം പെ​ര്‍മി​റ്റ് വി​ത​ര​ണം ചെ​യ്യും. ഈ ​തു​ക പി​ന്നീ​ട് കേ​ന്ദ്ര​സ​ര്‍ക്കാ​ര്‍ വി​വി​ധ സം​സ്ഥാ​ന​ങ്ങ​ള്‍ക്ക് വീ​തി​ച്ച് ന​ല്‍കും. വി​വി​ധ സം​സ്ഥാ​ന​ങ്ങ​ളി​ലെ വ്യ​ത്യ​സ്ത നി​കു​തി വ്യ​വ​സ്ഥ​ക​ള്‍ കാ​ര​ണ​മു​ള്ള ബു​ദ്ധി​മു​ട്ട് ഒ​ഴി​വാ​ക്കാ​നാ​യി​രു​ന്നു പു​തി​യ സം​വി​ധാ​ന​മെ​ന്നാ​ണ്​ കേ​ന്ദ്ര​ത്തി​ന്‍റെ വി​ശ​ദീ​ക​ര​ണ​മെ​ങ്കി​ലും എ​ന്നാ​ല്‍, ഈ ​സം​വി​ധാ​നം സം​സ്ഥാ​ന​ത്തി​ന് ന​ഷ്ട​മാ​ണെ​ന്ന നി​ഗ​മ​ന​ത്തി​ലാ​ണ് മോ​ട്ടോ​ര്‍ വാ​ഹ​ന​വ​കു​പ്പ്. കേ​ര​ള​ത്തി​ൽ ര​ജി​സ്റ്റ​ർ ചെ​യ്യു​ന്ന അ​ന്ത​ർ​സം​സ്ഥാ​ന സ്ലീ​പ്പ​ർ ബ​സി​ന് നി​കു​തി​യാ​യി മൂ​ന്നു​മാ​സ​ത്തേ​ക്ക് 1.25 ല​ക്ഷം രൂ​പ​യോ​ളം ന​ൽ​ക​ണം.

അ​രു​ണാ​ച​ൽ​പ്ര​ദേ​ശി​ലോ നാ​ഗാ​ലാ​ൻ​ഡി​ലോ ര​ജി​സ്റ്റ​ർ ചെ​യ്യു​ന്ന​വ​ക്ക്​ ഒ​രു വ​ർ​ഷ​ത്തേ​ക്ക് ഇ​തി​ന്‍റെ നാ​ലി​ലൊ​ന്ന്​ തു​ക പോ​ലും വേ​ണ്ടെ​ന്ന​താ​ണ്​ ഇ​ത്ത​രം ര​ജി​സ്​​ട്രേ​ഷ​നു​ക​ൾ വ​ർ​ധി​ക്കാ​ൻ കാ​ര​ണം.