സാമ്പത്തിക തിരിമറി: വെള്ളാപ്പള്ളിയെ ക്രൈംബ്രാഞ്ച് ചോദ്യം ചെയ്തു
text_fieldsചേർത്തല: കൊല്ലം എസ്.എൻ കോളജിലെ സാമ്പത്തിക തിരിമറിയിൽ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശനെ ക്രൈംബ്രാഞ്ച് ചോദ്യം ചെയ്തു. കണിച്ചുകുളങ്ങരയിലെ വസതിയിലെത്തിയാണ് ക്രൈംബ്രാഞ്ച് എസ്.പി ഷാജി സുഗുണെൻറ നേതൃത്വത്തിൽ മണിക്കൂറുകളോളം ചോദ്യം ചെയ്തത്.
1997-98 കാലഘട്ടത്തിൽ കോളജ് സിൽവർ ജൂബിലിക്ക് പിരിച്ചെടുത്ത 1.15 കോടിയിൽ 55 ലക്ഷം വെള്ളാപ്പള്ളി സ്വന്തം അക്കൗണ്ടിലേക്ക് വകമാറ്റിയെന്നതാണ് കേസ്. കൊല്ലം സ്വദേശിയും എസ്.എൻ ട്രസ്റ്റ് അംഗവുമായ സുരേന്ദ്രബാബു നൽകിയ പരാതിയിലാണ് അന്വേഷണം.
ചൊവ്വാഴ്ച വൈകീട്ട് നാലിന് ക്രൈംബ്രാഞ്ച് എ.ഡി.ജി.പി ടോമിൻ തച്ചങ്കരിയുടെ നിർദേശപ്രകാരം എത്തിയ സംഘം രാത്രി വൈകുവോളം ചോദ്യം ചെയ്തു. 2004ൽ ആരംഭിച്ച കേസിൽ വർഷങ്ങളായി രേഖകളൊന്നും കണ്ടെത്തിയില്ലെന്ന് പറഞ്ഞ് കേസ് പൊലീസ് എഴുതിത്തള്ളുന്ന ഘട്ടത്തിൽ സുരേന്ദ്രബാബു വീണ്ടും നൽകിയ പരാതിയിലാണ് അന്വേഷണം ക്രൈംബ്രാഞ്ചിന് വിട്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.