ശബരിമല സമരത്തെ പിന്തുണക്കാതിരുന്നത്​ കരിമ്പിൻ ചണ്ടിപോലെ വലിച്ചെറിയുമെന്ന് അറിയാമായിരുന്നതിനാൽ -വെള്ളാപ്പള്ളി

പാലാ: തൊഴിലുറപ്പിനെക്കാൾ ഈഴവ സമുദായത്തിന് ആവശ്യം അധികാര ഉറപ്പാണെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാ പ്പള്ളി നടേശൻ. സമുദായത്തിൽ കുറെ തൊഴിലുറപ്പ് ആളുകളെ മാത്രം സൃഷ്​ടിച്ചതുകൊണ്ട് കാര്യമില്ല. ഭരണത്തിൽ പങ്കാളിത്ത ം കിട്ടണം. അധികാരത്തിനുള്ള ഉറപ്പാണ് ശ്രീനാരായണീയർക്ക് വേണ്ടത്. അല്ലാതെ വോട്ടുകുത്തി യന്ത്രങ്ങൾ മാത്രമല്ല സമു ദായമെന്ന് ഓരോരുത്തരും തിരിച്ചറിയണമെന്നും അദ്ദേഹം പറഞ്ഞു. എസ്.എൻ.ഡി.പി യോഗം മീനച്ചിൽ യൂനിയൻ യൂത്ത് മൂവ്‌മ​െൻറ് ​ രാമപുരത്ത് സംഘടിപ്പിച്ച ഏകദിന നേതൃപഠന ക്യാമ്പ് ‘ഏകലവ്യ 2019’ ഉദ്ഘാടനം ചെയ്യുകയായിരുന്നു അദ്ദേഹം.

ഈഴവർ വികാരജീവികളായതിനാലാണ് ശബരിമല സമരത്തിന് ചാടിപുറപ്പെടരുതെന്ന് പറഞ്ഞത്. പലരും പലതിനും സമുദായ അംഗങ്ങളെ ഉപയോഗിച്ചശേഷം കരിമ്പിൻ ചണ്ടിപോലെ വലിച്ചെറിയുമെന്ന് അറിയാമായിരുന്നതിനാലാണ് ശബരിമല സമരത്തെ പിന്തുണക്കാതിരുന്നത്​. സി. കേശവനെയും ആർ. ശങ്കറെയും കെ.ആർ. ഗൗരിയമ്മയെയും അച്യുതാനന്ദനെയും ഒടുവിൽ പിണറായി വിജയനെയും വരെ ജാതിപറഞ്ഞും തൊഴിൽ പറഞ്ഞും ആക്ഷേപിക്കാനും അതുവഴി നശിപ്പിക്കാനുമുള്ള ചിലരുടെ ശ്രമം ഇപ്പോഴും തുടരുകയാണ്​.

ഉപതെരഞ്ഞെടുപ്പുകളിൽ സമുദായത്തി​​െൻറ വോട്ടിന് വിലയുണ്ടാകണം. വോട്ട്ബാങ്ക് രാഷ്​ട്രീയമാണ് ഇന്നുള്ളത്. ആദർശ രാഷ്​ട്രീയത്തിന് പകരം ജാതിരാഷ്​ട്രീയം കൊടികുത്തിവാഴുകയാണ്. യഥാർഥ മതേതരത്വത്തിന് പകരം എല്ലാ രാഷ്​ട്രീയ കക്ഷികളും മൈക്ക് കെട്ടി മതേതരത്വം പറഞ്ഞ് സമുദായത്തെ കബളിപ്പിക്കുകയാണ്. മാറി ഭരിച്ച സർക്കാറുകളൊക്കെ ശ്രീനാരായണീയരോട് ചതിയാണ് ചെയ്തതെന്നും അദ്ദേഹം പറഞ്ഞു.

മീനച്ചിൽ യൂനിയൻ ചെയർമാൻ എ.ജി. തങ്കപ്പൻ അധ്യക്ഷതവഹിച്ചു. യൂത്ത് മൂവ്‌മ​െൻറ്​ ജില്ല കോഓഡിനേറ്റർ എം.പി സെൻ സംഘടന സന്ദേശം നൽകി. മീനച്ചിൽ യൂനിയൻ കൺവീനർ അഡ്വ. കെ.എം. സന്തോഷ്കുമാർ, യൂത്ത് മൂവ്‌മ​െൻറ്​ ജില്ല കോഓഡിനേറ്റർ ലാലിറ്റ് എസ്. തകിടിയേൽ, മീനച്ചിൽ യൂനിയൻ കമ്മിറ്റി അംഗം ഷിബു കല്ലറയ്ക്കൽ എന്നിവർ സംസാരിച്ചു. പി.ടി. മന്മഥൻ, സുരേഷ് പരമേശ്വരൻ എന്നിവർ ക്ലാസുകളെടുത്തു. സ്വാഗതസംഘം ജനറൽ കൺവീനർ സി.ടി. രാജൻ നന്ദി പറഞ്ഞു.