‘മുദ്രപത്രം ഇവിടെ കിട്ടും, വലിയ തുകയുടേത് മാത്രം

കോ​ഴി​ക്കോ​ട്: ന​ഷ്ടം കു​റ​ക്കാ​ൻ വെ​ണ്ട​ർ​മാ​ർ വ​ൻ തു​ക​യു​ടെ മു​ദ്ര​പ​ത്ര​ങ്ങ​ൾ മാ​ത്രം വി​ൽ​പ​ന ന​ട​ത്തു​ന്ന​താ​യി ആ​ക്ഷേ​പം. മു​ദ്ര​പ​ത്ര​ങ്ങ​ൾ ‘ഇ-​സ്റ്റാ​മ്പി’​ലേ​ക്ക് മാ​റി​യ​തോ​ടെ​യാ​ണ് ഈ ​പ്ര​വ​ണ​ത വ​ർ​ധി​ച്ച​ത്. ചെ​റി​യ തു​ക​ക്കു​ള്ള മു​ദ്ര​പ​ത്ര​ങ്ങ​ളോ ഇ-​സ്റ്റാ​മ്പു​ക​ളോ ല​ഭി​ക്കാ​ത്ത​തി​നാ​ൽ ഉ​പ​യോ​ക്താ​ക്ക​ൾ ന​ഷ്ടം സ​ഹി​ച്ച് കി​ട്ടു​ന്ന തു​ക​ക്ക് വാ​ങ്ങി ആ​വ​ശ്യ​ങ്ങ​ൾ നി​റ​വേ​റ്റു​ക​യാ​ണ്. ചെ​റി​യ തു​ക​യു​ടെ സ്റ്റാ​മ്പു​ക​ൾ ന​ൽ​കു​ന്ന​ത് വെ​ണ്ട​ർ​മാ​ർ​ക്ക് ന​ഷ്ടം വ​രു​ത്തു​ന്ന​ത് കാ​ര​ണ​മാ​ണ് 200 രൂ​പ​ക്ക് മു​ക​ളി​ലു​ള്ള സ്റ്റാ​മ്പു​ക​ൾ മാ​ത്രം വി​ൽ​പ​ന ന​ട​ത്തു​ന്ന​ത്.

കു​റ​ഞ്ഞ തു​ക​യു​ടെ സ്റ്റാ​മ്പ് ചോ​ദി​ച്ചാ​ൽ ഇ​ല്ലെ​ന്നാ​ണ് വെ​ണ്ട​ർ​മാ​രു​ടെ മ​റു​പ​ടി. നാ​ലു ശ​ത​മാ​നം ക​മീ​ഷ​നാ​ണ് മു​ദ്ര​പ​ത്രം വി​ൽ​പ​ന​ക്ക് റ​വ​ന്യൂ വ​കു​പ്പ് ന​ൽ​കു​ന്ന​ത്. 10 രൂ​പ​യു​ടെ സ്റ്റാ​മ്പ് ഡൗ​ൺ​ലോ​ഡ് ചെ​യ്ത് ന​ൽ​കാ​ൻ ക​ട​ലാ​സ് ചെ​ല​വ് മാ​ത്രം ഒ​രു രൂ​പ വ​രും. മ​ഷി​യു​ടെ​യും ഇ​ന്റ​ർ​നെ​റ്റി​ന്റെ​യും ജീ​വ​ന​ക്കാ​ർ​ക്കു​ള്ള കൂ​ലി​യും വാ​ട​ക​യും ഉ​ൾ​െ​പ്പ​ടു​മ്പോ​ൾ ചെ​ല​വ് ര​ണ്ടു രൂ​പ​യെ​ങ്കി​ലു​മാ​കും. എ​ന്നാ​ൽ, ല​ഭി​ക്കു​ന്ന ക​മീ​ഷ​ൻ 40 പൈ​സ​യാ​ണ്.

ഇ​ങ്ങ​നെ ന​ഷ്ടം വ​രു​ന്ന​തി​നാ​ലാ​ണ് ചെ​റി​യ തു​ക​യു​ടെ സ്റ്റാ​മ്പി​ന് എ​ത്തു​ന്ന​വ​ർ​ക്കും 200 രൂ​പ​യു​ടെ സ്റ്റാ​മ്പ് ന​ൽ​കു​ന്ന​ത്. 20 രൂ​പ​യു​ടെ​യും 50 രൂ​പ​യു​ടെ​യും 100 രൂ​പ​യു​ടെ​യും സ്റ്റാ​മ്പി​നെ​ത്തു​ന്ന ആ​വ​ശ്യ​ക്കാ​രെ​യാ​ണ് മ​ട​ക്കി​യ​യ​ക്കു​ന്ന​ത്. 200 രൂ​പ​ക്ക് എ​ട്ടു രൂ​പ ക​മീ​ഷ​ൻ ല​ഭി​ക്കു​മ്പോ​ൾ ര​ണ്ടു രൂ​പ​യോ​ള​മേ ചെ​ല​വു വ​രു​ന്നു​ള്ളൂ.

ആ​ധാ​ര​ങ്ങ​ളു​ടെ ര​ജി​സ്‌​ട്രേ​ഷ​ൻ, ക​രാ​ർ തു​ട​ങ്ങി​യ​വ​ക്ക് വ​ൻ തു​ക​ക​ളു​ടെ സ്റ്റാ​മ്പു​ക​ൾ വി​ൽ​പ​ന ന​ട​ത്തു​ന്ന​തി​നാ​ൽ ന​ഷ്ടം ഉ​ണ്ടാ​വി​ല്ലെ​ന്നും സേ​വ​ന​ത്തി​ന്റെ ഭാ​ഗ​മാ​യി കു​റ​ഞ്ഞ തു​ക​യു​ടേ​തും ന​ൽ​ക​ണ​മെ​ന്നാ​ണ് റ​വ​ന്യൂ അ​ധി​കൃ​ത​ർ പ​റ​യു​ന്ന​ത്.

ഇ-​സ്റ്റാ​മ്പ് വി​ൽ​പ​ന​ക്ക് 10 രൂ​പ സ​ർ​വി​സ് ചാ​ർ​ജ് ഈ​ടാ​ക്കാ​ൻ അ​നു​വ​ദി​ക്ക​ണ​മെ​ന്ന് വെ​ണ്ട​ർ​മാ​രു​ടെ കൂ​ട്ടാ​യ്മ സ​ർ​ക്കാ​റി​നോ​ട് ആ​വ​ശ്യ​പ്പെ​ട്ടി​ട്ടു​ണ്ട്. ഇ​തി​ൽ ഉ​ട​ൻ തീ​രു​മാ​ന​മു​ണ്ടാ​കും. മു​ദ്ര​പ​ത്ര​ത്തി​ന്റെ അ​ച്ച​ടി​ച്ചെ​ല​വ്‌ ഒ​ഴി​വാ​ക്കാ​നും ആ​ധു​നി​ക സാ​ങ്കേ​തി​ക​വി​ദ്യ പ്ര​യോ​ജ​ന​പ്പെ​ടു​ത്താ​നു​മാ​ണ്‌ ഇ- ​സ്റ്റാ​മ്പി​ങ് ന​ട​പ്പാ​ക്കി​യ​ത്. ഇ​തോ​ടെ വ​ർ​ഷം 60 കോ​ടി രൂ​പ അ​ച്ച​ടി ഇ​ന​ത്തി​ൽ സ​ർ​ക്കാ​റി​ന് ലാ​ഭ​മു​ണ്ടാ​കും.2017 മു​ത​ൽ ഒ​രു ല​ക്ഷ​ത്തി​നു മു​ക​ളി​ൽ മു​ദ്ര​പ​ത്രം ആ​വ​ശ്യ​മു​ള്ള ര​ജി​സ്‌​ട്രേ​ഷ​ന്‌ ഇ-​സ്റ്റാ​മ്പ്‌ ഉ​പ​യോ​ഗി​ക്കു​ന്നു​ണ്ട്‌.

ര​ജി​സ്‌​ട്രേ​ഷ​ൻ മേ​ഖ​ല​യി​ൽ ഇ-​സ്റ്റാ​മ്പി​ങ് ഏ​ർ​പ്പെ​ടു​ത്തു​ന്ന ആ​ദ്യ സം​സ്ഥാ​ന​മാ​ണ് കേ​ര​ളം. വെ​ണ്ട​ർ​മാ​രു​ടെ തൊ​ഴി​ൽ ന​ഷ്ടം പ​രി​ഗ​ണി​ച്ച് അ​വ​രു​ടെ വ​രു​മാ​നം നി​ല​നി​ർ​ത്തി​യാ​ണ് സേ​വ​ന​ങ്ങ​ൾ ന​ൽ​കു​ന്ന​ത്. ഇ-​സ്റ്റാ​മ്പി​ങ് വ​ഴി വെ​ണ്ട​ർ​മാ​ർ മു​ഖേ​ന പൊ​തു​ജ​ന​ങ്ങ​ൾ​ക്ക് മു​ദ്ര​പ​ത്ര​ങ്ങ​ൾ വെ​ബ്‌​സൈ​റ്റി​ൽ​നി​ന്ന് ഡൗ​ൺ​ലോ​ഡ് ചെ​യ്യാ​ൻ ക​ഴി​യും. വെ​ണ്ട​ർ​മാ​ർ​ക്ക് വെ​ബ്സൈ​റ്റ് ഉ​പ​യോ​ഗ​പ്പെ​ടു​ത്തു​ന്ന​തി​ന് പ്ര​ത്യേ​കം ലോ​ഗി​ൻ സം​വി​ധാ​ന​വും ഏ​ർ​പ്പെ​ടു​ത്തി​യി​ട്ടു​ണ്ട്.