വേങ്ങരയിൽ 72.12 ശതമാനം പോളിങ്​

വേങ്ങര: വേങ്ങര മണ്ഡലത്തിൽ നടന്ന ഉപതെരഞ്ഞെടുപ്പിലെ വോ​െട്ടടുപ്പിൽ 72.12 ശതമാനം പോളിങ്​. രാവിലെ മന്ദഗതിയിലായിരുന്ന വോ​െട്ടടുപ്പ്​ ഉച്ചക്ക്​ ശേഷമാണ്​ ചൂടുപിടിച്ചത്​. എവിടെയും അനിഷ്​ട സംഭവങ്ങൾ റിപ്പോർട്ട്​ ചെയ്​തില്ല. വേങ്ങര, എ.ആർ നഗർ, കണ്ണമംഗലം, ഒതുക്കുങ്ങൽ, പറപ്പൂർ, ഉൗരകം എന്നീ ആറ്​ പഞ്ചായത്തുകളിലായി 148 ബൂത്തുകളാണ്​ സജ്ജീകരിച്ചിരുന്നത്​.

ആകെ 1,70,009 വോട്ടർമാരിൽ 1,22,379 പേരാണ് സമ്മതിദാനവകാശം വിനിയോഗിച്ചത്. 87,750ൽ 56,516 പുരുഷന്മാരും 8​2,259ൽ 65,863 സ്ത്രീകളും വോട്ട് രേഖപ്പെടുത്തി.

അഞ്ച്​ മാതൃക ബൂത്തുകളും അഞ്ച്​ വനിത ബൂത്തുകളുമുണ്ടായിരുന്നു. രാവിലെ ഏഴിനാരംഭിച്ച വോ​െട്ടടുപ്പ്​ വൈകീട്ട്​ ഏ​േഴാടെയാണ്​ അവസാനിച്ചത്​. വിവിപാറ്റ്​ മെഷീൻ ഉപയോഗിച്ച്​ നടന്ന തെരഞ്ഞെടുപ്പിൽ കാര്യമായ സാ​േങ്കതിക തകരാറോ പ്രശ്​നങ്ങളോ എവിടെയുമുണ്ടായില്ല. ചുരുക്കും ചില ബൂത്തുകളിൽ മാത്രമാണ്​ യന്ത്രം തകരാറായത്​. ഇത്​ വൈകാതെ പരിഹരിച്ച്​ വോ​െട്ടടുപ്പ്​ തുടർന്നു.

പത്ത്​ പ്രശ്​നബാധിത ബൂത്തുകളുണ്ടായിരുന്നെങ്കിലും അക്രമ സംഭവങ്ങളൊന്നുമുണ്ടായില്ല. എല്ലാ ബൂത്തുകളിലും വീൽചെയർ ഒരുക്കിയിരുന്നു. ആറ്​ സ്​ഥാനാർഥികളിൽ എൽ.ഡി.എഫ്​ സ്​ഥാനാർഥി അഡ്വ. പി.പി. ബഷീറിന്​ മാത്രമാണ്​ മണ്ഡലത്തിൽ വോട്ടുണ്ടായിരുന്നത്​. 2016ൽ നടന്ന നിയമസഭ തെരഞ്ഞെടുപ്പിൽ 70.77 ആയിരുന്നു വേങ്ങരയിലെ പോളിങ്​ ശതമാനം. 2017ലെ മലപ്പുറം ലോക്​സഭ ഉപതെരഞ്ഞെടുപ്പിൽ ഇത്​ 67.76 ശതമാനമായിരുന്നു.