ശ്രീധന്യക്കെതി​െ​ര അധിക്ഷേപം; അപമാനിച്ചയാൾക്ക് സിയാലുമായി ബന്ധമി​ല്ലെന്ന്​

കൊച്ചി: സിവിൽ സർവിസ് പരീക്ഷയിൽ ഉന്നതവിജയം നേടിയ ​ശ്രീധന്യ സുരേഷിനെ വംശീയമായി അധിക്ഷേപിച്ച യുവാവിനെതിരെ സമൂ ഹമാധ്യമങ്ങളിൽ വ്യാപക പ്രതിഷേധം. പ്രതികൂല സാഹചര്യങ്ങളെ തരണംചെയ്​ത്​ മഹത്തായ നേട്ടം കൈവരിച്ച വയനാട്ടിലെ കുറിച ്യ സമുദായാംഗമായ ശ്രീധന്യയെ കുറിച്ചുള്ള ‘മീഡിയ വൺ’ ചാനലിൻെറ വാർത്തയുടെ ഫേസ്​ബുക്ക്​ കമൻറ്​ കോളത്തിലാണ്​ അ ജയകുമാർ എന്ന പേരിലുള്ള അക്കൗണ്ടിൽനിന്ന്​ തരംതാണ കമൻറ്​ വന്നത്​.

അജയകുമാറി​​​െൻറ പ്രൊഫൈലിൽ കൊച്ചി വിമാനത്താവളത്തിലെ ഇലക്ട്രിക്കൽ എൻജിനീയറാണെന്ന്​ ചേർത്തിരുന്നു. ഇതേ തുടർന്ന്​ നിരവധി പേർ വിമാനത്താവള കമ്പനിയായ ‘സിയാലു’മായി ബന്ധപ്പെടുകയും ഇയാൾക്കെതിരെ നടപടിയെടുക്കണമെന്ന്​ ആവശ്യപ്പെടുകയും ചെയ്​തു. എന്നാൽ, ഇങ്ങനെയൊരു വ്യക്തി തങ്ങളുടെ സ്ഥാപനത്തിൽ ജോലിചെയ്യുന്നില്ലെന്നു പറഞ്ഞ്​ ‘സിയാൽ’ അധികൃതർതന്നെ രംഗത്തെത്തി.

ആദിവാസി വിഭാഗത്തിൽനിന്ന്​ ആദ്യമായി ഐ.എ.എസ്​ ലഭിച്ച ശ്രീധന്യ സുരേഷിനെ ഫേസ്​​ബുക്കിലൂടെ അപമാനിച്ചയാൾക്ക് കൊച്ചി അന്താരാഷ്​ട്ര വിമാനത്താവളവുമായി ബന്ധമില്ലെന്ന് സിയാൽ പി.ആർ.ഒ പി.എസ്​. ജയൻ അറിയിച്ചു. സിയാലിലെ ഇലക്ട്രിക്കൽ എൻജിനീയറാണെന്ന പ്രചാരണം അടിസ്​ഥാനരഹിതമാണ്. ശ്രീധന്യ സുരേഷിനെ സിയാലിലെ ജീവനക്കാരും മാനേജ്മ​​െൻറും പ്രശംസിക്കുന്നതായും അദ്ദേഹം വാർത്തക്കുറിപ്പിൽ അറിയിച്ചു.