നളിനി നെറ്റോക്കെതിരെ അന്വേഷണം ആവശ്യപ്പെട്ട്​ ഹരജി

തിരുവനന്തപുരം: ആഭ്യന്തര, വിജിലൻസ്​ വകുപ്പ്​ അഡീഷനൽ ചീഫ് സെക്രട്ടറിയും മുഖ്യമന്ത്രിയുടെ  സെക്രട്ടറിയുമായ നളിനി നെറ്റോക്കെതിരെ അന്വേഷണം ആവശ്യപ്പെട്ട് വിജിലന്‍സ് കോടതിയിൽ ഹരജി. സര്‍ക്കാര്‍ ഫയലുകളില്‍ തിരിമറി കാട്ടിയെന്നാണ്​ ഹരജിയിലെ ആരോപണം.

മുൻ ഡി.ജി.പി ടി.പി സെന്‍കുമാറിനെതിരെ വ്യാജ റിപ്പോര്‍ട്ടുണ്ടാക്കി മുഖ്യമന്ത്രിക്ക് കൈമാറിയെന്നും വിജിലന്‍സ് ഡയറക്ടര്‍ ജേക്കബ് തോമസിനെതിരായ റിപ്പോര്‍ട്ട് നളിനി നെറ്റോ പൂഴ്ത്തിയെന്നുമാണ്​ ഹരജിയിലെ ആരോപണം. അഭിഭാഷകനുമായ സതീഷ് ബസന്താണ് ഹര്‍ജി സമര്‍പ്പിച്ചത്.  ഹരജി ഫയലില്‍ സ്വീകരിച്ച കോടതി ഈ മാസം 27 ന് നിലപാടറിയിക്കാന്‍ വിജിലന്‍സിനോട് ആവശ്യപ്പെട്ടു.