മൈക്രോഫിനാൻസ് കേ​സി​ൽ വെള്ളാപ്പള്ളിക്ക് വിജിലൻസ് ക്ലീൻചിറ്റ്

തി​രു​വ​ന​ന്ത​പു​രം: മൈ​ക്രോ ഫി​നാ​ൻ​സ് ത​ട്ടി​പ്പ് കേ​സി​ൽ എ​സ്.​എ​ൻ.​ഡി.​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​ടേ​ശ​ന് ക്ലീ​ൻ ചി​റ്റ് ന​ൽ​കി വി​ജി​ല​ൻ​സ്. വി.​എ​സ്. അ​ച്യു​താ​ന​ന്ദ​ൻ ന​ൽ​കി​യ പ​രാ​തി​യി​ല്‍ വെ​ള്ളാ​പ്പ​ള്ളി​യെ ഒ​ന്നാം പ്ര​തി​യാ​ക്കി എ​ടു​ത്ത കേ​സി​ലാ​ണ് വെ​ള്ള​പൂ​ശി റി​പ്പോ​ർ​ട്ട് ന​ൽ​കി​യ​ത്. കേ​സ് അ​വ​സാ​നി​പ്പി​ക്കു​ന്ന​തി​ൽ ആ​ക്ഷേ​പം ഉ​ണ്ടെ​ങ്കി​ൽ അ​റി​യി​ക്ക​ണ​മെ​ന്ന് കാ​ണി​ച്ച് തൃ​ശൂ​ർ വി​ജി​ല​ൻ​സ് കോ​ട​തി അ​ച്യു​താ​ന​ന്ദ​ന് നോ​ട്ടീ​സ​യ​ച്ചു.

എ​സ്.​എ​ൻ.​ഡി.​പി യൂ​നി​യ​ൻ ശാ​ഖ​ക​ള്‍ വ​ഴി ന​ട​ത്തി​യ മൈ​ക്രോ​ഫി​നാ​ൻ​സ് ത​ട്ടി​പ്പി​ല്‍ 15 കോ​ടി​യു​ടെ ക്ര​മ​ക്കേ​ട് ന​ട​ന്നെ​ന്നാ​ണ്​ വി.​എ​സി​ന്റെ പ​രാ​തി. പി​ന്നാ​ക്ക ക്ഷേ​മ കോ​ർ​പ​റേ​ഷ​നി​ൽ​നി​ന്ന്​ വാ​യ്പ​യെ​ടു​ത്ത്​ കൂ​ടി​യ പ​ലി​ശ​ക്ക്​ ന​ൽ​കി​യെ​ന്നും പ​രാ​തി​യി​ലു​ണ്ടാ​യി​രു​ന്നു. പ്രാ​ഥ​മി​ക അ​ന്വേ​ഷ​ണം ന​ട​ത്തി​യ വി​ജി​ല​ൻ​സ് വെ​ള്ളാ​പ്പ​ള്ളി​യെ ഒ​ന്നാം പ്ര​തി​യാ​ക്കി കേ​സെ​ടു​ത്തു. 124 കേ​സു​ക​ളാ​ണ് വി​ജി​ല​ൻ​സ് അ​ന്വേ​ഷി​ച്ച​ത്.

ഹൈ​കോ​ട​തി നി​ർ​ദേ​ശ പ്ര​കാ​രം എ​റ​ണാ​കു​ളം റേ​ഞ്ച്​ എ​സ്.​പി ഹി​മേ​ന്ദ്ര​നാ​ഥാ​ണ് അ​ന്വേ​ഷ​ണം ഏ​കോ​പി​ച്ച​ത്. വി​ജി​ല​ൻ​സ് അ​ന്വേ​ഷി​ച്ച​തി​ൽ അ​ഞ്ചു​കേ​സു​ക​ളാ​ണ് എ​ഴു​തി​ത്ത​ള്ളാ​ൻ തീ​രു​മാ​നി​ച്ച​ത്. വാ​യ്പ ന​ൽ​കി​യ പ​ണം സ​ർ​ക്കാ​റി​ലേ​ക്ക് തി​രി​ച്ച​ട​ച്ചെ​ന്നും കൂ​ടു​ത​ൽ പ​ലി​ശ​ക്ക്​ പ​ണം ന​ൽ​കി​യ​തി​ൽ ക്ര​മ​ക്കേ​ട് ക​ണ്ടെ​ത്താ​നാ​യി​ട്ടി​ല്ലെ​ന്നു​മാ​ണ് വി​ജി​ല​ൻ​സി​ന്‍റെ ഭാ​ഷ്യം. 54 കേ​സി​ൽ അ​ന്വേ​ഷ​ണം അ​ന്തി​മ​ഘ​ട്ട​ത്തി​ലാ​ണ്. ഇ​തി​ലും റി​പ്പോ​ർ​ട്ട്​ വെ​ള്ളാ​പ്പ​ള്ളി​ക്ക് അ​നു​കൂ​ല​മാ​ണെ​ന്നാ​ണ് സൂ​ച​ന.

മൈ​ക്രോ ഫി​നാ​ൻ​സ് കേ​സി​ൽ വി​ജി​ല​ൻ​സ് അ​ന്വേ​ഷ​ണം ഇ​ഴ​ഞ്ഞു നീ​ങ്ങി​യ​പ്പോ​ള്‍ വി.​എ​സാ​ണ് ഹൈ​കോ​ട​തി​യെ സ​മീ​പി​ച്ച​ത്. ബി.​ഡി.​ജെ.​എ​സ് ബി.​ജെ.​പി​ക്കൊ​പ്പം ചേ​ർ​ന്ന​തോ​ടെ വെ​ള്ളാ​പ്പ​ള്ളി​ക്കെ​തി​രെ സി.​പി.​എം ആ​രോ​പ​ണം ക​ടു​പ്പി​ച്ചി​രു​ന്നു. ഒ​ന്നാം പി​ണ​റാ​യി സ​ർ​ക്കാ​റാ​ണ് സം​സ്ഥാ​ന വ്യാ​പ​ക അ​ന്വേ​ഷ​ണം തു​ട​ങ്ങി​യ​ത്. അ​തി​നി​ടെ​യാ​ണ് വെ​ള്ളാ​പ്പ​ള്ളി​യെ കേ​ര​ള ന​വോ​ത്ഥാ​ന സം​ര​ക്ഷ​ണ സ​മി​തി ചെ​യ​ർ​മാ​നാ​യി സ​ർ​ക്കാ​ർ നി​യ​മി​ച്ച​ത്. പ​ണം തി​രി​ച്ച​ട​ച്ചാ​ണ്​ വി​ജി​ല​ൻ​സ് അ​ന്വേ​ഷ​ണ​ത്തി​ൽ​നി​ന്ന്​ ത​ല​യൂ​രി​യ​ത്. സാ​മ്പ​ത്തി​ക ന​ഷ്ടം വ​ന്നി​ല്ലെ​ന്ന് ചൂ​ണ്ടി​ക്കാ​ട്ടി വി​ജി​ല​ൻ​സും പി​ന്നാ​ക്കം​പോ​യി. മൈ​ക്രോ ഫി​നാ​ൻ​സ് ന​ട​ത്തി​പ്പി​ന്‍റെ കോ​ഓ​ഡി​നേ​റ്റ​റാ​യി​രു​ന്ന മ​ഹേ​ശ​ൻ അ​ന്വേ​ഷ​ണ​ത്തി​നി​ടെ ആ​ത്മ​ഹ​ത്യ ചെ​യ്തി​രു​ന്നു. ഇ​തി​നു​പി​ന്നി​ൽ വെ​ള​ളാ​പ്പ​ള്ളി​ക്കും തു​ഷാ​റി​നു​മെ​തി​രെ ആ​ക്ഷേ​പ​മു​യ​ർ​ന്നി​രു​ന്നു. ഈ ​ആ​ത്മ​ഹ​ത്യ​ക്കേ​സ് ഇ​പ്പോ​ള്‍ ക്രൈം​ബ്രാ​ഞ്ച് അ​ന്വേ​ഷി​ക്കു​ക​യാ​ണ്.