എ.ഡി.ജി.പിക്കെതിരെ വിജിലൻസ് അന്വേഷണം: ഫയൽ അനക്കാതെ സർക്കാർ

തി​രു​വ​ന​ന്ത​പു​രം: എ.​ഡി.​ജി.​പി എം.​ആ​ർ. അ​ജി​ത് കു​മാ​റി​നെ​തി​രെ വി​ജി​ല​ൻ​സ് അ​ന്വേ​ഷ​ണം വേ​ണ​മെ​ന്ന സം​സ്ഥാ​ന പൊ​ലീ​സ് മേ​ധാ​വി​യു​ടെ ശി​പാ​ർ​ശ​യി​ൽ ആ​റു​ദി​വ​സം ക​ഴി​ഞ്ഞി​ട്ടും തീ​രു​മാ​ന​മെ​ടു​ക്കാ​തെ മു​ഖ്യ​മ​ന്ത്രി. ഡി.​ജി.​പി​യു​ടെ ശി​പാ​ർ​ശ ഇ​തു​വ​രെ ആ​ഭ്യ​ന്ത​ര വ​കു​പ്പ് വി​ജി​ല​ൻ​സ് മേ​ധാ​വി​ക്ക് കൈ​മാ​റി​യി​ല്ല. അ​നു​മ​തി വൈ​കു​ന്ന​തി​നി​ടെ മു​ഖ്യ​മ​ന്ത്രി​ക്കെ​തി​രെ വി​മ​ർ​ശ​ന​വു​മാ​യി പ്ര​തി​പ​ക്ഷ നേ​താ​വ് രം​ഗ​ത്തെ​ത്തി. ആ​ര്‍.​എ​സ്.​എ​സ് ജ​ന​റ​ല്‍ സെ​ക്ര​ട്ട​റി​യെ എം.​ആ​ർ. അ​ജി​ത് കു​മാ​ർ സ​ന്ദ​ര്‍ശി​ച്ച​തു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​ത്തി​ന് ഉ​ത്ത​ര​വി​ടാ​ന്‍ മു​ഖ്യ​മ​ന്ത്രി​ക്ക് സാ​ധി​ക്കി​ല്ലെ​ന്നും കാ​ര​ണം മു​ഖ്യ​മ​ന്ത്രി​യു​ടെ ദൂ​ത​നാ​യാ​ണ് എ.​ഡി.​ജി.​പി ആ​ര്‍.​എ​സ്.​എ​സ് നേ​താ​വി​നെ ക​ണ്ട​തെ​ന്നും വി.​ഡി. സ​തീ​ശ​ൻ ആ​രോ​പി​ച്ചു.

അ​ജി​ത് കു​മാ​റി​നെ​തി​രെ വി​ജി​ല​ൻ​സ് അ​ന്വേ​ഷ​ണ​ത്തി​ന്​ ക​ഴി​ഞ്ഞ ആ​ഴ്ച​യാ​ണ് ഡി.​ജി.​പി ശി​പാ​ർ​ശ ന​ൽ​കി​യ​ത്. ബ​ന്ധു​ക്ക​ളു​ടെ പേ​രി​ൽ സ്വ​ത്ത് സ​മ്പാ​ദി​ക്ക​ൽ, തി​രു​വ​ന​ന്ത​പു​രം ക​വ​ടി​യാ​റി​ലെ ആ​ഡം​ബ​ര വീ​ടി​ന്‍റെ നി​ർ​മ്മാ​ണം, കേ​സ് ഒ​തു​ക്കാ​ൻ ഒ​ന്ന​ര​ക്കോ​ടി രൂ​പ കൈ​ക്കൂ​ലി വാ​ങ്ങി തു​ട​ങ്ങി​യ ആ​രോ​പ​ണ​ങ്ങ​ൾ അ​ന്വേ​ഷി​ക്ക​ണ​മെ​ന്നാ​യി​രു​ന്നു എ​റ​ണാ​കു​ളം സ്വ​ദേ​ശി​യു​ടെ പ​രാ​തി​യി​ലും ഭ​ര​ണ​പ​ക്ഷ എം.​എ​ൽ.​എ പി.​വി. അ​ൻ​വ​ർ സം​സ്ഥാ​ന പൊ​ലീ​സ് മേ​ധാ​വി​ക്ക് ന​ൽ​കി​യ പ​രാ​തി​യി​ലും ആ​വ​ശ്യ​പ്പെ​ട്ടി​രു​ന്ന​ത്.

പി.​വി. അ​ൻ​വ​റി​ന്‍റെ പ​രാ​തി​യി​ൽ മ​ല​പ്പു​റം മു​ൻ എ​സ്.​പി സു​ജി​ത്ത് ദാ​സി​നെ​തി​രെ വി​ജി​ല​ൻ​സ് അ​ന്വേ​ഷ​ണം ആ​രം​ഭി​ച്ചി​രു​ന്നു. തി​രു​വ​ന​ന്ത​പു​രം സ്പെ​ഷ​ൽ ഇ​ൻ​വെ​സ്റ്റി​ഗേ​ഷ​ൻ യൂ​നി​റ്റ് ഒ​ന്ന് എ​സ്.​പി​ക്കാ​ണ് അ​ന്വേ​ഷ​ണ ചു​മ​ത​ല. എ​ന്നാ​ൽ, മു​ഖ്യ​മ​ന്ത്രി​യു​ടെ ഓ​ഫി​സി​ൽ​നി​ന്നു നി​ർ​ദേ​ശം ല​ഭി​ച്ചാ​ൽ മാ​ത്ര​മേ അ​ജി​ത് കു​മാ​റി​നെ​തി​രെ അ​ന്വേ​ഷ​ണം ആ​രം​ഭി​ക്കാ​നാ​കൂ എ​ന്ന നി​ല​പാ​ടി​ലാ​ണ് വി​ജി​ല​ൻ​സ്.